Ngoloneya gwa Hardap a dhenga omuntu

N GOLONEYA gwoshitopolwa sha Hardap meme Katrina Hanse-Himarwa okwi iyadha mokutaambathana dhakahandja nenge tutye dhopomeho molukanda lwa Aimablaagte pOmalinda mOlyomakaya ga zi ko.

Aniwa olugodhi nduka olwa etwa kiikulya. Oontamanana nolugodhi nee lwolwene olwa li pokati ka Hanse-Himarwa nomukulukadhi gulwe ngoka edhina lye inali tseyika kwa li koThe Namibian.Pahokololo lya Aletta Kooper ngoka i imonena ko nomeho gemwene, Hanse-Himarwa okwa yi mondunda yimwe moka mwali tamu longekidhilwa iikulya yohango ya mumwayinakadhona noku undulila aniwa iikulya mbyoka koshitaafula pevi omanga ina dhenga omukiintu ngoka a adha mpoka nomutse.The Namibian ina vula nee okutseya kutya omolwashike naanaa a undulile iikulya mbyoka pevi ngaaka.Oonkambadhala dhOshifo shika okukonga okomenda ya Hanse-Himarwa moshinima shika, odha hulile muunyengwi.Nando ongaaka, Opolisi oya koleke ngeyi kutya opwa ningwa shili oshinima komukalo ngoka.Iinima oya yonuukile konima owala sho Hanse-Homarwa a yi mondunda moka, Kooper ta hokolola ngaaka.”Iikulya mbyoka a undulile pevi oya li ya halakana nondunda ayihe, omanga uuyaha wa li tau monika mombepo nomehalakano sho a tameke oku umba omukiintu ngoka nawo,” ta popi ngaaka.”Sho omusamane gwe a li ta kambadhala oku mu ngungumaneka pethimbo ndyoka, okwe mu undulile pevi noku ka gwila po omatako,” Kooper ta hokolola ngaaka kombinga yoshiningwanima shoka sha ningwa pamukalo gwoshinyandwa.TOpolisi yaahoka oya li ya ithanwa pehala mpoka nokwiitalela ko yoyene nkene ondunda ndjoka yi li mehalakano konima yoshiningwanima shoka.”Omaihumbato ga Ngoloneya, oge li ohoni onene koshitopolwa ashihe sha Hardap,” Kooper ta popi ishewe ngaaka.Omunambelewa omukuluntu mOpolisi okwa koleke kutya Opolisi oya li ya pulwa yi patulule oshipotha shi na sha nedhengo moshiningwanima sha Hanse-Himarwa na mukwawo.Nando ongaaka, oshipotha shika osha li sha ekelwahi konima sho aakiintu mboka yaali ya adha ekandulepo lyomukundu pokati kawo yaali omanga inakuningwa oshipotha shoka pambelewa, omunambelewa nguka omukuluntu mOpolisi ta hokolola ngaaka.Shika oshikando oshitiyali Hanse-Himarwa ta kutha ombinga miikolokosha miipathi yoshigwana muule woomwedhi mbali.Omasiku ga zile ko, ye nomuwiliki gwoSwapo moshitopolwa sha Hardap, oya li ya paathana dhopomeho pethimbo lyoshigongi shoSwapo moshitopolwa sha Rehoboth.Pakuuva, oya li aniwa ya kwatathana moomake na Willie Swartz esiku lyoshigongi shoka.Ayehe oya li yi iningile iipotha yedhengo pOsasiona yOpolisi hoka konima yoontamanana.Oontamanana nolugodhi nee lwolwene olwa li pokati ka Hanse-Himarwa nomukulukadhi gulwe ngoka edhina lye inali tseyika kwa li koThe Namibian.Pahokololo lya Aletta Kooper ngoka i imonena ko nomeho gemwene, Hanse-Himarwa okwa yi mondunda yimwe moka mwali tamu longekidhilwa iikulya yohango ya mumwayinakadhona noku undulila aniwa iikulya mbyoka koshitaafula pevi omanga ina dhenga omukiintu ngoka a adha mpoka nomutse.The Namibian ina vula nee okutseya kutya omolwashike naanaa a undulile iikulya mbyoka pevi ngaaka.Oonkambadhala dhOshifo shika okukonga okomenda ya Hanse-Himarwa moshinima shika, odha hulile muunyengwi.Nando ongaaka, Opolisi oya koleke ngeyi kutya opwa ningwa shili oshinima komukalo ngoka.Iinima oya yonuukile konima owala sho Hanse-Homarwa a yi mondunda moka, Kooper ta hokolola ngaaka.”Iikulya mbyoka a undulile pevi oya li ya halakana nondunda ayihe, omanga uuyaha wa li tau monika mombepo nomehalakano sho a tameke oku umba omukiintu ngoka nawo,” ta popi ngaaka.”Sho omusamane gwe a li ta kambadhala oku mu ngungumaneka pethimbo ndyoka, okwe mu undulile pevi noku ka gwila po omatako,” Kooper ta hokolola ngaaka kombinga yoshiningwanima shoka sha ningwa pamukalo gwoshinyandwa.TOpolisi yaahoka oya li ya ithanwa pehala mpoka nokwiitalela ko yoyene nkene ondunda ndjoka yi li mehalakano konima yoshiningwanima shoka.”Omaihumbato ga Ngoloneya, oge li ohoni onene koshitopolwa ashihe sha Hardap,” Kooper ta popi ishewe ngaaka.Omunambelewa omukuluntu mOpolisi okwa koleke kutya Opolisi oya li ya pulwa yi patulule oshipotha shi na sha nedhengo moshiningwanima sha Hanse-Himarwa na mukwawo.Nando ongaaka, oshipotha shika osha li sha ekelwahi konima sho aakiintu mboka yaali ya adha ekandulepo lyomukundu pokati kawo yaali omanga inakuningwa oshipotha shoka pambelewa, omunambelewa nguka omukuluntu mOpolisi ta hokolola ngaaka.Shika oshikando oshitiyali Hanse-Himarwa ta kutha ombinga miikolokosha miipathi yoshigwana muule woomwedhi mbali.Omasiku ga zile ko, ye nomuwiliki gwoSwapo moshitopolwa sha Hardap, oya li ya paathana dhopomeho pethimbo lyoshigongi shoSwapo moshitopolwa sha Rehoboth. Pakuuva, oya li aniwa ya kwatathana moomake na Willie Swartz esiku lyoshigongi shoka.Ayehe oya li yi iningile iipotha yedhengo pOsasiona yOpolisi hoka konima yoontamanana.