Nghidipo ota ti po hwepo moshipangelo mOshakati

O MUKULUNTU gwoshipangelo shEpangelo sha Shakati Omundohotola Paulina Nyati-Iyambo okwa lombwela The Namibian kepulo kutya omumati gwoomvula 21 gwokomukunda Elyalyatika mUukwambi mOshitopolwa sha Musati Johannes Nghidipo ngoka a pile oompadhi komulilo epyo lyaanamutsenandungu ongulohi yeti 4 Novemba 2005 e ta taambwa moshipangelo shEpangelo sha Shakati meti 7 Novemba 2005, ota ti po hwepo.

Omundohotola Nyati-Iyambo ta ti kutya omumati nguka okwa li e na ngeno okutetwa oompadhi molwashoka okwa pya noonkondo, ashike Oondohotola dhe odha ti kutya otadhi ka kondja ngaa naye manga, pamwe tadhi eluka ngaa. Meti 2 Novemba 2005, Nghidipo okwa li a hingitha ko meme Angelika gwomomukunda gwawo moka kongombe ye, ndjoka a li ta falele konganga kOkapyakambidhi ndjoka ya li tayi ke mu pa oshikangwa shokupanga, ano tayi ke mu ninga naye onganga.Oko ya kala hoka sigo ometi 4 Novemba 2005.Ashike nee okupendukila esiku ndjoka, Nghidipo okwa piti a pya oompadhi dhe adhihe mbali nayinayi.Shoka she mu eta a taambelwe tango moshipangelo sha Shikuku shoka she mu lundululile kwaashoka shEpangelo sha Shakati, hopka nee e li ta mono epango.Ye mwene Nghidipo ota ti kutya ke shi kutya okwa pi ngiini noku li a kumwa kutya okwapya naanaa ngiini.Meti 2 Novemba 2005, Nghidipo okwa li a hingitha ko meme Angelika gwomomukunda gwawo moka kongombe ye, ndjoka a li ta falele konganga kOkapyakambidhi ndjoka ya li tayi ke mu pa oshikangwa shokupanga, ano tayi ke mu ninga naye onganga.Oko ya kala hoka sigo ometi 4 Novemba 2005.Ashike nee okupendukila esiku ndjoka, Nghidipo okwa piti a pya oompadhi dhe adhihe mbali nayinayi.Shoka she mu eta a taambelwe tango moshipangelo sha Shikuku shoka she mu lundululile kwaashoka shEpangelo sha Shakati, hopka nee e li ta mono epango.Ye mwene Nghidipo ota ti kutya ke shi kutya okwa pi ngiini noku li a kumwa kutya okwapya naanaa ngiini.