Nedbank na Nafinu yiipumumumwe

EHANGANO lyaaniilonga yomahangano giimaliwa, [Nafinu] otali nyenyeta etokolo lyombaanga ya NedBank shoka aniwa ya gandja egwedhelo lyoondjambi lyooperesenda 6,3 inaayi tseyithila nenge yi kundathane shika naakalelipo yaaniilonga.

Oonkundathana kombinga yegwedhelo lyoondjambi nomauwanawa galwe pokati ka Nafinu na Nedbank odha li dha tekapo sho ewiliko lyombaanga lya li lya ti otali gandja ashike ooperesenda 6,3 ongo egwedhelo lyoondjambi opuwo omanga inaali tyako sha koshinima shomagumbo noshowo shiimaliwa yomalweendo. Nafinu okwa li ta pula opo aaniilonga yagwedhelwe ooperesenda 12 koondjambi dhawo, noshowo kiimaliwa yomagumbo omanga a li a hala ya pewe oodola 750 dhomalweendo okuza komagumbo okuya kiilonga. Amushanga gwa Nafinu, Asnath Zamuee okwa ti sho ya gandja omathaneko ngaka kewiliko lya Nedbank ndika olye ya galukile ashike nokutya otali gandja ooperesenda hamano oshinkwanu ndatu, na inaali popya kosha kombinga yomagwedhelo galwe ngoka gapulwa kuyo.Omolwa eyamukulo ndyoka Nafinu inaa nyanyukilwa, okwa fala oshinima shika kombelewa yaKomufala gwaaniilonga, molupe lwokukondjitha oshinima shoka , oongundu ndhika mbali odhja li dha tsakanene Omaandaha oshiwike shika.Omupopiliko gwa Nedbank, Rector Mutelo okwa ti oongundu ndhika mbali odha li aniwa dha uvathana mu April kombinga yegwedhelo lyoondjambi nooperesenda 6,3 unene kaaniilonga mboka haya popilwako ku Nafinu. Ndele amushanga gwa Nafinu ita tsukumwe netokolo ndyoka unene tuu sho ombaanga ya yi komeho noku futa aaniilonga omanga yeshishi kutya oshinima shika otashi nyenyetwa kaaniilonga.Aakalelipo yombaanga oya li ya lombwelwa kutya etoklo ndyoka oya li ya lombwelwa kutya inali tulwa miilonga. Ombaanga oya li ya lombwelwa kutya etokolo ndyoka ya ningi olina okushunithwa monima oshoka ina li uvathanwa. Ombaanga oya li ya yi komeho nokugwedhela aaniilonga ndele elombwelo kutya ndika ina li tulwako koondjambi dhawo olya kateke okufuta aaniilonga yombaanga ndjoka mesiku lyokufuta aaniilonga yombaanga momasiku omilongo 20 ga Juli.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.