Natango pwa kwatwa OmwAangola nokokeina

OKAKADHONA kokAangola koomvula 18 oke li Omwaangola ongoka a holoka mOmpangu ngka, shi na sha nokukwatwa nookapsule shOkokeina ndhoka ya li ya hala okupitithila mu Namibia.

Oshikondo shOmauyelele shOpolisi osha lopota kutya, omufekelwa nguka okwa li a kwatelwa pOkapale koondhila ka Hosea Kutako mEtine lyoshwike sha zi ko, sho a adhika nookapsula dhOkokeina dhi li 111 a li e dhi holoke mepanda. Ano a li e dhi pona.Okakadhoka haka, Marciano Andre Bouisa oka holoka mOmpangy ya Mengestrata mu Katutura mOmaandaha, ka lopotelwa oshipotha shokukala niinganmithi ya nika oshiponga. Mengestrata Cosmos Endjala okwa li u undulila oshipothas ha Bousissa komasiku 12 ga Oktoba 2009 na Bouissa ota kala nee konima yekumba sigo a galukile kOmpangu.Otaku popiwa kutya Okokeina ndjoka ya kwatwa na Boussa oyi na oogalama 1.5 na oyi na ongushu yoshimaliwa shOondola/N$750,000. Mu Namibia okwe ya nondhila okuzilila ko Johannesburg, South Afrika.Mu South Afrika okwa li aniwa e ya mo okuzilila ku Brazil. Pethimbo a li ta gandja uumbangi mOmpangu moshipotha shAangola mboka ya kwatwa nOkokeina mu Namibia omathimbo ngaka, Inspektakonaakoni gwOpolisi ya Namibia – Barry de Klerk okwa ti pethimbo ndika, Aangola ye li 16 oya kwatwa po nOkokeina mu Namibia muule woomwedhi ndatu.Omasiku ga zi ko, Aangola ye li yane oya li ya pewa egeelo lyoombula hetatu konima yekumba ku Mengestrata Claudia Claasen. Aangola mbaka oya li ye shi zimine kutya oya simokolele iingangamithi mbika mu Namibia.Antonio Twema (gwoomvula 41), Anacleto Mubine (41), Nelson Francisco (260 na Kunga Barberto (40), ayehe oye shi zimina kutya oye na ondjo molopotelo lyokweeta Okokeina momasiku 20 ga Mei. Aalumentu mbaka oyali ya kwatwa po momasiku 15 ga Apiili, ya li ya kwatelwa pOkapale koondhila kopaigwana ka Hosea Kutako mpoka ya li ye ya po nondhila okuza ko Johannesburg, South Afrika.Mu Johannesburg oya li ye ya mo okuzilila ku Sao Paolo mu Brazili. Ayehe oya zimina kutya mu Sao Paolo, kehe gumwe okwa li a ponona ookapsula wOkokeina, mboka kehe kamwe ka li ke na uule woomwenta ne nenge natano nokuza ko nee nawo u li momalutu gawo .