Nani katu na we onakuyiwa muunafaalama wiimuna yetu: Omusamane Shailemo ta ti

PONDANGWA O SHA yela kutya nani tseni ongaanafaalama ya Mangetti nosho tuu, mOshitopolwa shoka hashi ithanwa Owambo kwali, katu na we onakuyiwa muunafaalama wiimuna, oshoka Epangelo olya ekelahi eindilo lyetu lyokutya omusinda omutiligane nagu lundululwe e tagu tula meni oofaalama dha Mangetti, Uuvudhiya, nOmutambagwomawe, opo tu vule okulanditha onyama yoongombe dhetu ngashi aanafaalama yomUushimba.

Ndhika odha popilwe kOmunashipundi gwEhangano lyAanafaalama ya Mangetti tate ismael Shailemo pethimbo ta popitha aanafaalama pOluno mOndangwa moshigongi shawo sheti 28 Juli 2007. Moshigongi sheti 2 Juni 2007, moka ya li taya popi omusinda omutiligane, na nkene ye na okulombwela Epangelo nkene sheendelela kuyo, omusinda omutiligane gu lundululwe nogu tule meni Oofaalama dha Mangetti naandhoka dhomuumbugantu wUukwambi nOmutambagwomawe mOshitopolwa sha Musati, aanafaalama ya Mangetti oya li ya ulike Okakomitiye hoka ke na okuya kEpangelo, ke ke li lombwele nkene sha endela omusinda omutiligane gu lundululwe nogu kwatele mo Oofaalama dha tumbulwa.Okakomitiye hoka, kakwatela mo wo kwali naakalelipo yElelo lyOndonga, noka li mewiliko lya tate Shailemo, oka tsakanene nEpangelo, ano nOministeli yOmavi noyUunamapya, po Lodge yedhina Heija Game Lodge muuzilombangalantu wa Venduka meti 28 Juni 2007.Shailemo nongundu ye oya gandja edhilaadhilo lyaanafalama ya Mangetti kOoministeli ndhoka mbali kutya, aanafaalama mbaka onkee taya indile Epangelo li endelelithe elundululo lyomusinda omutiligane gu kwatele mo Oofaalma dha tumbulwa.Oshinima inashi ka enda we nani ngashi Aanafaalama ya li ya hala molwashoka Epangelo olya katya kapu na iimaliwa yokulundululitha omusinda omutiligane manga ngashi aanafaalama ya hala.Sho ya galukile kegumbo, kaye uvite we ombili, Okomitiye ndjika oya ithana oshigongi shaanafaalama meti 28 Juli 2007 pOndangwa noku ya pa olopota, ano ofiitibeka kutya oya yamukulwa ngiini kEpangelo.Shailemo ta lombwele oshigongi kutya, kombinga yelundululo lyomusinda omutiligane, ngashi sha halika kaanafaalama, Epangelo olya ti kali na iimaliwa manga okulonga mo oshinima shoka, naanafaalama naye shi dhimbwe manga.Shailemo ta tsikile ta lombwele Aanfaalama mbaka kutya, Epangelo oltali ti oli li moonkundathana nEpangelo lya Ndoishi ndjoka lya fa lya tokola okugandja oshimaliwa kEpangelo lya Namibia li lundululithe omusinda omutiligane, ndele hakutya nee gu tule ashike meni Omangetti, Uumbugantu wUuvudhiya nOmutambagwomawe, ihe oyokulundululila omusinda omutiligane kongamba ya Angola na Namibia.Oshinima ishewe shimwe sha popiwa kOoministeli ndhoka mbali, ano tate Jerry Ekandjo gwUuministeli wOmavi nOmatulululo na tate Nickey Iiyambo gwUunamapya, Omeya nIihwa, Shailemo ota ti kutya osho shoka kutya Epangelo oli na Oprograma yokutendulula Oofaalama dhOmuuzilo wOndonga nOmangetti ga kwatelwa mo, muufaalama uushona wooheketa dhi li 2500.Epangelo lya ti kutya uufaalama mbuka owa tamekiwa nawo nale muuninginino wOkavango noshowo muuzilo wOshitopolwa sha Hangwena notau tsikilwa nawo okuuka muuzilo wOndonga mOshitopowla sha Shikoto moka noshowo komahala galwe gomauliythilo miitopolwa yaayehe moshilongo.Shailemo ta ti kutya sho ya kala nale, euvathano ndjoka lya kala po pokati kEpangelo, Elelo lyOndonga nEhangano lyAanafaalama ya Mangetti, olyo ndjoka kutya ngeno Oofaalama ndhoka dha kala po nale itadhi tendululwa we.Ooyene yadho otaya ningulula ashike omaindilo pambelewa ngoka taga endele pamwe noombapila dhElelo lyOndonga kutya oye dhi pelwe shili kElelo lyOndonga.Omahala ngoka ge na okutendwa, patokolo lyElelo lyOndonga, oongoka kamu na oofaalama ndhoka dha Mangetti ngeno noge na okukala kwali ge na ookilo hamano muule nomomutamo, nenge ooheketa 3600 sigo 4000.Elelo lyOndonga pamukalelipo gwalyo moshigongi shoka sheti 28 Juli 2007 pOndangwa mpoka Elenga enene lya Nalusheshete, tatekulu Eino Johannes Shondili Amutenya okwa kolekulula kutya Elelo lyOndonga onkee li li ashike pookilometa hamano muule nomomutamo.Shailemo naanafaalama kaye uvite ko nee kutya omolwashike Epangelo ngashiingeyi lya za mo momulandu nomeuvathano ndjoka lya kala po nale.Taya ti kutya yo onkee ngaa taya indile kutya omusinda omutiligane gu lundululwe nogu kwatele mo Omangetti, uumbugantu wUuvudhiya nOmutambagwomawe.Taya ti yo kaye li nande ompinge nokufala omusinda omutiligane kongamba ya Namibia na Angola, ashike oye wete kutya shoka otashi ka kwata ethimbo ele niilonga oyindji, shi vulithe sho tagu lundululwa nokukwatela mo ashike Omangetti, ombuga yUuvudhiya nOmutambagwomawe manga, manga ngaa edhilaadhilo ndjoka enene tali tulwa miilonga.”Tse otwa hala okulanditha oongombe dhetu nonyama yoongombe dhetu ngashi aanafaalama yakwetu muushimba taye shi ningi.Onkee edhilaadhilo lyaanafaalama ya Mangetti lyokutula Oofaalama dha Mangetti noshowo ndhoka dhokombuga yuuvudhiya nodhokOmutambagwomawe meni lyomusinda omutiligane nali tulwe miilonga meendelelo ngashi tashi vulika.Ngele hasho, nani otu li monkalo twaa na we onakuyiwa miilonga yetu yokufaalama,” Shailemo noshigongi she shoka taya indile nokutya ngawo.Oshinima shokutenda/okutendulula evi muufaalama wuthike mpoka,, ano wOohekta 2500, sha kwatela mo nOofaalama dha Mangetti nasho wo inashi taambiwa ko koshigongi shoka shaanafaalama.Oshigongi osha lombwele Okomitiye ndjoka ya yile kOvenduka kutya natango nayi shune ko nokukalombwela Epangelo, ano Ooministeli ndhoka mbali kutya yo oya hala elundululo lyomusinda omutiligane li endelelithwe opo Oofaalama dha Mangetti, dhUuvudhiya nodhOmutambagwomawe, dhi tulwe meni lyomusinda omutiligane.Moshigongi sheti 2 Juni 2007, moka ya li taya popi omusinda omutiligane, na nkene ye na okulombwela Epangelo nkene sheendelela kuyo, omusinda omutiligane gu lundululwe nogu tule meni Oofaalama dha Mangetti naandhoka dhomuumbugantu wUukwambi nOmutambagwomawe mOshitopolwa sha Musati, aanafaalama ya Mangetti oya li ya ulike Okakomitiye hoka ke na okuya kEpangelo, ke ke li lombwele nkene sha endela omusinda omutiligane gu lundululwe nogu kwatele mo Oofaalama dha tumbulwa.Okakomitiye hoka, kakwatela mo wo kwali naakalelipo yElelo lyOndonga, noka li mewiliko lya tate Shailemo, oka tsakanene nEpangelo, ano nOministeli yOmavi noyUunamapya, po Lodge yedhina Heija Game Lodge muuzilombangalantu wa Venduka meti 28 Juni 2007.Shailemo nongundu ye oya gandja edhilaadhilo lyaanafalama ya Mangetti kOoministeli ndhoka mbali kutya, aanafaalama mbaka onkee taya indile Epangelo li endelelithe elundululo lyomusinda omutiligane gu kwatele mo Oofaalma dha tumbulwa.Oshinima inashi ka enda we nani ngashi Aanafaalama ya li ya hala molwashoka Epangelo olya katya kapu na iimaliwa yokulundululitha omusinda omutiligane manga ngashi aanafaalama ya hala.Sho ya galukile kegumbo, kaye uvite we ombili, Okomitiye ndjika oya ithana oshigongi shaanafaalama meti 28 Juli 2007 pOndangwa noku ya pa olopota, ano ofiitibeka kutya oya yamukulwa ngiini kEpangelo.Shailemo ta lombwele oshigongi kutya, kombinga yelundululo lyomusinda omutiligane, ngashi sha halika kaanafaalama, Epangelo olya ti kali na iimaliwa manga okulonga mo oshinima shoka, naanafaalama naye shi dhimbwe manga.Shailemo ta tsikile ta lombwele Aanfaalama mbaka kutya, Epangelo oltali ti oli li moonkundathana nEpangelo lya Ndoishi ndjoka lya fa lya tokola okugandja oshimaliwa kEpangelo lya Namibia li lundululithe omusinda omutiligane, ndele hakutya nee gu tule ashike meni Omangetti, Uumbugantu wUuvudhiya nOmutambagwomawe, ihe oyokulundululila omusinda omutiligane kongamba ya Angola na Namibia.Oshinima ishewe shimwe sha popiwa kOoministeli ndhoka mbali, ano tate Jerry Ekandjo gwUuministeli wOmavi nOmatulululo na tate Nickey Iiyambo gwUunamapya, Omeya nIihwa, Shailemo ota ti kutya osho shoka kutya Epangelo oli na Oprograma yokutendulula Oofaalama dhOmuuzilo wOndonga nOmangetti ga kwatelwa mo, muufaalama uushona wooheketa dhi li 2500.Epangelo lya ti kutya uufaalama mbuka owa tamekiwa nawo nale muuninginino wOkavango noshowo muuzilo wOshitopolwa sha Hangwena notau tsikilwa nawo okuuka muuzilo wOndonga mOshitopowla sha Shikoto moka noshowo komahala galwe gomauliythilo miitopolwa yaayehe moshilongo.Shailemo ta ti kutya sho ya kala nale, euvathano ndjoka lya kala po pokati kEpangelo, Elelo lyOndonga nEhangano lyAanafaalama ya Mangetti, olyo ndjoka kutya ngeno Oofaalama ndhoka dha kala po nale itadhi tendululwa we.Ooyene yadho otaya ningulula ashike omaindilo pambelewa ngoka taga endele pamwe noombapila dhElelo lyOndonga kutya oye dhi pelwe shili kElelo lyOndonga.Omahala ngoka ge na okutendwa, patokolo lyElelo lyOndonga, oongoka kamu na oofaalama ndhoka dha Mangetti ngeno noge na okukala kwali ge na ookilo hamano muule nomomutamo, nenge ooheketa 3600 sigo 4000.Elelo lyOndonga pamukalelipo gwalyo moshigongi shoka sheti 28 Juli 2007 pOndangwa mpoka Elenga enene lya Nalusheshete, tatekulu Eino Johannes Shondili Amutenya okwa kolekulula kutya Elelo lyOndonga onkee li li ashike pookilometa hamano muule nomomutamo.Shailemo naanafaalama kaye uvite ko nee kutya omolwashike Epangelo ngashiingeyi lya za mo momulandu nomeuvathano ndjoka lya kala po nale.Taya ti kutya yo onkee ngaa taya indile kutya omusinda omutiligane gu lundululwe nogu kwatele mo Omangetti, uumbugantu wUuvudhiya nOmutambagwomawe.Taya ti yo kaye li nande ompinge nokufala omusinda omutiligane kongamba ya Namibia na Angola, ashike oye wete kutya shoka otashi ka kwata ethimbo ele niilonga oyindji, shi vulithe sho tagu lundululwa nokukwatela mo ashike Omangetti, ombuga yUuvudhiya nOmutambagwomawe manga, manga ngaa edhilaadhilo ndjoka enene tali tulwa miilonga.”Tse otwa hala okulanditha oongombe dhetu nonyama yoongombe dhetu ngashi aanafaalama yakwetu muushimba taye shi ningi.Onkee edhilaadhilo lyaanafaalama ya Mangetti lyokutula Oofaalama dha Mangetti noshowo ndhoka dhokombuga yuuvudhiya nodhokOmutambagwomawe meni lyomusinda omutiligane nali tulwe miilonga meendelelo ngashi tashi vulika.Ngele hasho, nani otu li monkalo twaa na we onakuyiwa miilonga yetu yokufaalama,” Shailemo noshigongi she shoka taya indile nokutya ngawo.Oshinima shokutenda/okutendulula evi muufaalama wuthike mpoka,, ano wOohekta 2500, sha kwatela mo nOofaalama dha Mangetti nasho wo inashi taambiwa ko koshigongi shoka shaanafaalama.Oshigongi osha lombwele Okomitiye ndjoka ya yile kOvenduka kutya natango nayi shune ko nokukalombwela Epangelo, ano Ooministeli ndhoka mbali kutya yo oya hala elundululo lyomusinda omutiligane li endelelithwe opo Oofaalama dha Mangetti, dhUuvudhiya nodhOmutambagwomawe, dhi tulwe meni lyomusinda omutiligane.