Nangombe nayakwawo onkee taya umbathana nomaloya

I ITA yokuumbathana nomalaka pokati kOmupresidende gwehangano lyOotaxi nOombesa omusamane Magnus Nangombe nokangundu kaalumentu yatano mboka ya li nale aawiliki mu Nabta, onkee tayi tsikile.

Elvis Kauesa, Pendapala Nakathingo, Vespa Muunda, Immanuel Ankambo na Willie Gariseb, oya li ya kuthwa ooposa dhawo mu Nabta ku Nangombe molwashoka aniwa inaya gwana okukala iilyo ya Nabta. Nangombe ota popi wo kutya mOkongresa ya Nabta ndjoka yo pOtjiwarongo momumvo 2005, aalumentu mbaka oya li yi iyakela mo.Molyomakaya geti: 12 May 2007, Nangambe okwa li a tindile aalumentu mbaka kaaya ye mo moshigongi sha Nabta, hoka taya popi kutya oya li yahiwa.Molyomakaya geti: 14 Mei, Nakathingo okwa li a lombwele The Namibian kutya Nangombe okwa taaguluka ekotampango lya Nabta, sho e ya keelele kaaya ye mo moshigongi shika.Okwa ti pakotampango lya Nabta, Omupresidende gwehangano ndika ke na oonkondo okukutha aawiliki yopashigwana miilonga pakathimbo nenge okuya tidha.Ta ti, Ompangu yAaniilonga mOshakati hoka ya fala omanyenyeto gawo, nayo oye shi mona mo kutya Nangombe okwa ninga oshinima sha puka na oku na okuya shuna miilonga.Sho aniwa ya thiki pOsaala mpoka pwa li tamu ningilwa oshigongi shika, Nangombe okwa popi kutya oye na okuthiga po ehela molwashoka oya tulwa pevi na kaye na nande okukutha ombinga miinima ya Nabta.Sho aniwa Nakathingo e mu lombwele (a lombwele Nangombe) kutya ekutho lyawo miilonga kuye olya puka, Nangombe okwa yamukula kutya ye ita tsu kumwe naashoka Ompangu yAaniilonga ya tokola na pethimbo ndika, Nabta naye oku li wo moonkundathana naanaveta ye.Okuza mpoka, Nangombe okwa li nee aniwa i ithana Opolisi yi kelele aalumentu mbaka kaaya ye mo moshigongi.”Sho Opolisi ya thiki, oye tu pula kutya omolwashike tu na okuya moshigongi twi indikwa mo.Otwa yamukula kutya tse otwa hiwa koshigongi shika na otwa tulwa pevi shaa li paveta,” Nakathingo ta tsikile ko ngaaka.Sho aniwa Opolisi yu uvu ombinga yawo, oye shi zimine kutya kapu na etompelo kutya omolwashike ye na okwiindikwa mo moshigongi.Nande ongaaka, Nangombe okwa li a dhika oonyala mevi kutya moshigongi itaa yi mo, ta gwedha po kutya, ye otayi ngele inaya hala okuya.Sho Nakathingo nayakwawo ye mu pula kutya omolwashike e na okuya, Nangombe okwa kaleke oshigongi shika.Manga oshigongi shika inashi thika, aalumentu mbaka yatano oya li ya monathana na Inspekta Ndjayi Sebastian Ndeitunga, ye ke mu hokololela uudhigu mboka ye na Nangombe nosho wo e ya kwathele egameno uuna pwa holoka sha poshigongi shika.”Tse katu li ompinge na Nangombe, ihe otu li ashike ompinge naashoka a ningi,” Nakathingo ta popi.Kepulo, Nangombe okwa popi kutya aalumentu mbaka oyi indikwa okuya mo moshigongi molwashoka, oya lombwelwa moombapila ndhoka ya pewa kutya naya kale kokule niinima ayihe ya Nabta.Nangombe okwa ti ngele oshoshili kutya Inspekta Ndjayi Ndeitunga okwe ya pitika ya ye koshigongi, “shika osha puka molwashoka aantu mbaka oye li natango pevi.”Metine lyeti: 10 Mei 2007, Nakathingo, Muunda, Kauesa na Ankambo, oya li natango yi indikwa okuya mOombelewa oonene dha Nabta mOvenduka, moka ya li ya hala okuningila oshigongi opo ya tale nkene omahilathano maawiliki ya Nabta ge na okukandulwapo.Nakathingo, ngoka a li Amushanga gwaNabta moshitopolwa sha Shana, okwa kuthwa miilonga ku Nangombe momasiku 9 Oktoba 2006 omanga Gariseb a kuthwa miilonga kuyele nuumvo.Natango momasiku ga 9 Oktoba 2006, Nangombe okwa li ma kutha miilonga Muunda (ngoka a li Amushanga gwOpashigwana gwa Nabta), Ankambo (Omuungaunginiinewe gwopevi) na Kauesa (Amushanga gwOpevi gwOpashigwana mu Nabta).Nangombe ota popi wo kutya mOkongresa ya Nabta ndjoka yo pOtjiwarongo momumvo 2005, aalumentu mbaka oya li yi iyakela mo.Molyomakaya geti: 12 May 2007, Nangambe okwa li a tindile aalumentu mbaka kaaya ye mo moshigongi sha Nabta, hoka taya popi kutya oya li yahiwa.Molyomakaya geti: 14 Mei, Nakathingo okwa li a lombwele The Namibian kutya Nangombe okwa taaguluka ekotampango lya Nabta, sho e ya keelele kaaya ye mo moshigongi shika.Okwa ti pakotampango lya Nabta, Omupresidende gwehangano ndika ke na oonkondo okukutha aawiliki yopashigwana miilonga pakathimbo nenge okuya tidha.Ta ti, Ompangu yAaniilonga mOshakati hoka ya fala omanyenyeto gawo, nayo oye shi mona mo kutya Nangombe okwa ninga oshinima sha puka na oku na okuya shuna miilonga.Sho aniwa ya thiki pOsaala mpoka pwa li tamu ningilwa oshigongi shika, Nangombe okwa popi kutya oye na okuthiga po ehela molwashoka oya tulwa pevi na kaye na nande okukutha ombinga miinima ya Nabta.Sho aniwa Nakathingo e mu lombwele (a lombwele Nangombe) kutya ekutho lyawo miilonga kuye olya puka, Nangombe okwa yamukula kutya ye ita tsu kumwe naashoka Ompangu yAaniilonga ya tokola na pethimbo ndika, Nabta naye oku li wo moonkundathana naanaveta ye.Okuza mpoka, Nangombe okwa li nee aniwa i ithana Opolisi yi kelele aalumentu mbaka kaaya ye mo moshigongi.”Sho Opolisi ya thiki, oye tu pula kutya omolwashike tu na okuya moshigongi twi indikwa mo.Otwa yamukula kutya tse otwa hiwa koshigongi shika na otwa tulwa pevi shaa li paveta,” Nakathingo ta tsikile ko ngaaka.Sho aniwa Opolisi yu uvu ombinga yawo, oye shi zimine kutya kapu na etompelo kutya omolwashike ye na okwiindikwa mo moshigongi.Nande ongaaka, Nangombe okwa li a dhika oonyala mevi kutya moshigongi itaa yi mo, ta gwedha po kutya, ye otayi ngele inaya hala okuya.Sho Nakathingo nayakwawo ye mu pula kutya omolwashike e na okuya, Nangombe okwa kaleke oshigongi shika.Manga oshigongi shika inashi thika, aalumentu mbaka yatano oya li ya monathana na Inspekta Ndjayi Sebastian Ndeitunga, ye ke mu hokololela uudhigu mboka ye na Nangombe nosho wo e ya kwathele egameno uuna pwa holoka sha poshigongi shika.”Tse katu li ompinge na Nangombe, ihe otu li ashike ompinge naashoka a ningi,” Nakathingo ta popi.Kepulo, Nangombe okwa popi kutya aalumentu mbaka oyi indikwa okuya mo moshigongi molwashoka, oya lombwelwa moombapila ndhoka ya pewa kutya naya kale kokule niinima ayihe ya Nabta.Nangombe okwa ti ngele oshoshili kutya Inspekta Ndjayi Ndeitunga okwe ya pitika ya ye koshigongi, “shika osha puka molwashoka aantu mbaka oye li natango pevi.”Metine lyeti: 10 Mei 2007, Nakathingo, Muunda, Kauesa na Ankambo, oya li natango yi indikwa okuya mOombelewa oonene dha Nabta mOvenduka, moka ya li ya hala okuningila oshigongi opo ya tale nkene omahilathano maawiliki ya Nabta ge na okukandulwapo.Nakathingo, ngoka a li Amushanga gwaNabta moshitopolwa sha Shana, okwa kuthwa miilonga ku Nangombe momasiku 9 Oktoba 2006 omanga Gariseb a kuthwa miilonga kuyele nuumvo.Natango momasiku ga 9 Oktoba 2006, Nangombe okwa li ma kutha miilonga Muunda (ngoka a li Amushanga gwOpashigwana gwa Nabta), Ankambo (Omuungaunginiinewe gwopevi) na Kauesa (Amushanga gwOpevi gwOpashigwana mu Nabta).