Nandjigwa ta ti ope na yamwe ya hala ye mu dhipage

O MUPOPI a simana mEwi lya Manguluka mOshitopolwa sha Musati noku li wo Omupopili gUuthemba wOmuntu mu Elim mUukwambi, Denys Nandjigwa, okwa hokolola nokugandja wo omushangwa gwe koThe Namibian mehuliloshiwike lya zi ko moka ta ti kutya yaali yomo Elim, Omusita Wilibard Shikesho na Erastus Iilonga, a tseyika wo nawa nedhina Kenyata, oye mu adha pOsitola ye ya Elim Discount Shop pohetatu yokongulohi meti 7 Apilili 2007 noku mu londodha kutya ina kala we ha popi mewi lya manguluka oshoka otashi vulika shi mu dhipagithe.

Nandjigwa ta ti kutya aalumentu mbaka yaali sho ye ya mOsitola ye moka, oya landa mo ombiila nonamunate. Oya tameke nee taye mu londodha kutya okupopya kwe mewi lya manguluka tashi ke mu etela ngaa oshindji tashi vulika wo shi faalela nomwenyo gwe.Taya ti aniwa kutya otashi vulika a dhipagwe pamalongekidho gi ili nogi ili gomonanguwi.Tashi vulika ta ende nande omohauto e ta yahwa kuwalye.Tashi vulika taye ya mOsitola ye, taya landa mo ombiila e taye mu yaha noku mu dhipaga ngashi naanaa ya yahele okusa Omukuluntu gwa TAGOMA pOshikuku mu Oktoba 2003 Bernard Ndevanyenga, ngoka a yahelwe kuwalye na inaku monika ngoka e mu dhipaga sigo okeluwa ndika.Taye mu lombwele wo aniwa kutya ye oku na ashike elago sho e li mokati kaantu mo Elim, ngeno okwa li lwokoombuga hoka ngeno okwa yiwa naye nale nenge a dhipagwa nale nokuli.”Ino popyaapopya we mEwi lya Manguluka, oto si.To si eso kali na esimano lyasha notosi ashike wa fa ondhi tayi sile komahini, “Aalumentu mbaka yaali taye mu londodha aniwa ngaaka.Nandjigwa ota ti kutya ye mwene okuwete kutya omatilitho ngaka oga zi mpoka sho a li a popi mewi lya manguluka nokugandja uusama kOministeli yOpevi yAaniilonga Peter Iilonga (Ekanda), sho a li a zi mo moshipopiwa shOmupresidende pethimbo ta popitha Aaelimi mesiku lyEvalo lya Namibia lyomimvo 17 mu Maalitsa 21, nuumvo nokupopya iinima yimwe ya nika omadhipago nomaso.Ta ti esiku ndyoka Oministeli yOpevi yAaniilonga oya li ya zi mo moshipopiwa nokupopya iinima ya li ya halutha aantu mpoka.Oshinima oshikwawo Nandjigwa ota ti kutya okwa pele wo uusama Ominista yOpevi Iilonga sho a li wo a ti kutya opu na aantu yamwe mboka ya kala kaye hole Omupresidende Hifikepunye Pohamba kwali noye mu hole ngashiingeyi yo taya tondo Omupresidende omukulu Sam Nujoma nokukala taye mu popile muuwinayi.Nandjigwa ota ti kutya sho ya gandja uusama auhe mboka mEwi lya Manguluka, esiku ndjoka, Minista Iilonga okwe ke mu yamukula wo a mana mo noonkondo.Nandjigwa ota ti nee kutya mboka ye yile oku mu lombwela kutya ota dhipagwa nge ota tsikile nokupopya mEwi lyaManguluka, oya hala oku mu kwata komilungu kaapopye we oshili nokukondjela uuthemba womuntu ngashi sha pumbiwa.Okuwete kutya oya mana mo nedhilaadhilo ndyoka noku li nee monkalo ya kilikita.E wete kutya opu na mboka ya hala oku mu dhipaga nokumweneka oshili ndjoka a kala ta popi.Nandjigwa ta ti kutya ngashi Erastus Iilonga okwa ka galukila ko kuye meti 12 Apilili 2007 noku mu lombwela kutya Omapangelo agehe oga faathana.Ta ti aniwa kutya Epangelo lyoSwapo nalyo otali longo ashike lya fa ndyoka ekulu lya South Afrika mokudhipaga aantu monanguwi.Nandjigwa ta ti kutya Iilonga te mu lombwele ta ti kutya Epangelo lyoSwapo nalyo oli na omusholondondo gwaantu mboka ye na okudhipagwa.Mboka ye na okudhipagwa tango naamboka taya landula ko.Iilonga aniwa ta lombwele Nandjigwa kutya na tale, ongoshiholelwa, shoka sha ningilwa Shivanyenga pOshikuku mo 2003.A dhipagwa kuwalye, molwashoka okwa li oshithindi mondjila nokwa li e na okukandulwa mo.”Omapopyo ngoka oga tilitha ndje nondi wete kutya opunewe omalongekidho gokudhipaga ndje nani, nondi wete kutya oshinima shika osha pumbwa okuthika momakutsi goshigwana,” Nandjigwa ta ti.Ta lombwele Oshifo shika kutya oshinima shika okwe shi lopota kOpolisi ndjoka tayi shi konaakona.Kepulo Omukuluntu gwOpolisi mOshitopolwa sha Shana, Komufala gwOpevi gwOpolisi Josef Anghuwo okwa koleka koThe Namibian kutya Nandjigwa okwa patulula shili oshipotha shi na sha netilitho lyedhipago.Opolisi otayi konaakona oshinima shika, ashike inayi kwata po natango omuntu shi na sha noshinima shika.Mokumonathana nOmusita tate Shikesho nosho wo na Iilonga, ayehe oya ti kutya yo inaya ningila Nandjigwa omatilitho gedhipago nande.Shoka ta popi kashi shi shoshili.Taya ti pOsitola ye oya endele po shili meti 7 Apilili 2007.Ya yi po ashike ye mu popithe, na manga ye li mpoka, oye mwene a eta po iinima mbyoka ha popi mEwi lyaManguluka.Te ya pula aniwa kutya ohaye mu pulakene ngaa sho ta umbu iikuti ye.Omusita Shikesho te mu kumagidha aniwa kutya ina kala we ta popi iinima iiwinayi mombepo, mEwi lyaManguluka, otayi piyaganeke oshigwana nokunyateka omudhingoloko gwa Elim.Tashi vulika yi ke mu etele.”Omakumagidho ngoka, Nandjigwa okwe ga pewa olwindji kaakalimo yomoElim, mwa kwatelwa naamwayina.Tse inatu ya kuye tu ke mu lombwele kutya otatu mu dhipaga.Tse otwa popi nehalo ewanawa lyoku mu kumagidha, oshoka omudhingoloko aguhe gwa ELim ogwe mu geela molwomapopyo ge mEwi lyaManguluka moka,” Omusita Shikesho ta popi ngaaka.Erastus Iilonga, okwa ti kutya ye shi valelwe a lombwele Nandjigwa kutya Epangelo lyoSwapo nalyo otali dhipaga aantu monanguwi.”Nandjigwa na popye mpoka e shi uva, ngame inadi shi popya,” ta ti ngaaka.Ehangano lyUuthemba wOmuntu lyOpashigwana, okupitila mOmuwiliki gwalyo Phil ya Nangolo, olya ti olya lopotelwa oshinima shika ku Nandjigwa nolye shi kondema noonkondo.Tali ti otashi vulika, molwashoka Shevanyenga gwokOshikuku ngoka a li ta popile elundululo lyongamba ya Namibia na Angola osho a kala ta ningilwa omathiminikotilitho gomadhipago ngawo sigo taka dhipagwa shili, nOpolisi sigo okonena inayi kwata ngoka e mu dhipaga.Oya tameke nee taye mu londodha kutya okupopya kwe mewi lya manguluka tashi ke mu etela ngaa oshindji tashi vulika wo shi faalela nomwenyo gwe.Taya ti aniwa kutya otashi vulika a dhipagwe pamalongekidho gi ili nogi ili gomonanguwi.Tashi vulika ta ende nande omohauto e ta yahwa kuwalye.Tashi vulika taye ya mOsitola ye, taya landa mo ombiila e taye mu yaha noku mu dhipaga ngashi naanaa ya yahele okusa Omukuluntu gwa TAGOMA pOshikuku mu Oktoba 2003 Bernard Ndevanyenga, ngoka a yahelwe kuwalye na inaku monika ngoka e mu dhipaga sigo okeluwa ndika.Taye mu lombwele wo aniwa kutya ye oku na ashike elago sho e li mokati kaantu mo Elim, ngeno okwa li lwokoombuga hoka ngeno okwa yiwa naye nale nenge a dhipagwa nale nokuli.”Ino popyaapopya we mEwi lya Manguluka, oto si.To si eso kali na esimano lyasha notosi ashike wa fa ondhi tayi sile komahini, “Aalumentu mbaka yaali taye mu londodha aniwa ngaaka.Nandjigwa ota ti kutya ye mwene okuwete kutya omatilitho ngaka oga zi mpoka sho a li a popi mewi lya manguluka nokugandja uusama kOministeli yOpevi yAaniilonga Peter Iilonga (Ekanda), sho a li a zi mo moshipopiwa shOmupresidende pethimbo ta popitha Aaelimi mesiku lyEvalo lya Namibia lyomimvo 17 mu Maalitsa 21, nuumvo nokupopya iinima yimwe ya nika omadhipago nomaso.Ta ti esiku ndyoka Oministeli yOpevi yAaniilonga oya li ya zi mo moshipopiwa nokupopya iinima ya li ya halutha aantu mpoka.Oshinima oshikwawo Nandjigwa ota ti kutya okwa pele wo uusama Ominista yOpevi Iilonga sho a li wo a ti kutya opu na aantu yamwe mboka ya kala kaye hole Omupresidende Hifikepunye Pohamba kwali noye mu hole ngashiingeyi yo taya tondo Omupresidende omukulu Sam Nujoma nokukala taye mu popile muuwinayi.Nandjigwa ota ti kutya sho ya gandja uusama auhe mboka mEwi lya Manguluka, esiku ndjoka, Minista Iilonga okwe ke mu yamukula wo a mana mo noonkondo.Nandjigwa ota ti nee kutya mboka ye yile oku mu lombwela kutya ota dhipagwa nge ota tsikile nokupopya mEwi lyaManguluka, oya hala oku mu kwata komilungu kaapopye we oshili nokukondjela uuthemba womuntu ngashi sha pumbiwa.Okuwete kutya oya mana mo nedhilaadhilo ndyoka noku li nee monkalo ya kilikita.E wete kutya opu na mboka ya hala oku mu dhipaga nokumweneka oshili ndjoka a kala ta popi.Nandjigwa ta ti kutya ngashi Erastus Iilonga okwa ka galukila ko kuye meti 12 Apilili 2007 noku mu lombwela kutya Omapangelo agehe oga faathana.Ta ti aniwa kutya Epangelo lyoSwapo nalyo otali longo ashike lya fa ndyoka ekulu lya South Afrika mokudhipaga aantu monanguwi.Nandjigwa ta ti kutya Iilonga te mu lombwele ta ti kutya Epangelo lyoSwapo nalyo oli na omusholondondo gwaantu mboka ye na okudhipagwa.Mboka ye na okudhipagwa tango naamboka taya landula ko.Iilonga aniwa ta lombwele Nandjigwa kutya na tale, ongoshiholelwa, shoka sha ningilwa Shivanyenga pOshikuku mo 2003.A dhipagwa kuwalye, molwashoka okwa li oshithindi mondjila nokwa li e na okukandulwa mo.”Omapopyo ngoka oga tilitha ndje nondi wete kutya opunewe omalongekidho gokudhipaga ndje nani, nondi wete kutya oshinima shika osha pumbwa okuthika momakutsi goshigwana,” Nandjigwa ta ti.Ta lombwele Oshifo shika kutya oshinima shika okwe shi lopota kOpolisi ndjoka tayi shi konaakona.Kepulo Omukuluntu gwOpolisi mOshitopolwa sha Shana, Komufala gwOpevi gwOpolisi Josef Anghuwo okwa koleka koThe Namibian kutya Nandjigwa okwa patulula shili oshipotha shi na sha netilitho lyedhipago.Opolisi otayi konaakona oshinima shika, ashike inayi kwata po natango omuntu shi na sha noshinima shika.Mokumonathana nOmusita tate Shikesho nosho wo na Iilonga, ayehe oya ti kutya yo inaya ningila Nandjigwa omatilitho gedhipago nande.Shoka ta popi kashi shi shoshili.Taya ti pOsitola ye oya endele po shili meti 7 Apilili 2007.Ya yi po ashike ye mu popithe, na manga ye li mpoka, oye mwene a eta po iinima mbyoka ha popi mEwi lyaManguluka.Te ya pula aniwa kutya ohaye mu pulakene ngaa sho ta umbu iikuti ye.Omusita Shikesho te mu kumagidha aniwa kutya ina kala we ta popi iinima iiwinayi mombepo, mEwi lyaManguluka, otayi piyaganeke oshigwana nokunyateka omudhingoloko gwa Elim.Tashi vulika yi ke mu etele.”Omakumagidho ngoka, Nandjigwa okwe ga pewa olwindji kaakalimo yomoElim, mwa kwatelwa naamwayina.Tse inatu ya kuye tu ke mu lombwele kutya otatu mu dhipaga.Tse otwa popi nehalo ewanawa lyoku mu kumagidha, oshoka omudhingoloko aguhe gwa ELim ogwe mu geela molwomapopyo ge mEwi lyaManguluka moka,” Omusita Shikesho ta popi ngaaka.Erastus Iilonga, okwa ti kutya ye shi valelwe a lombwele Nandjigwa kutya Epangelo lyoSwapo nalyo otali dhipaga aantu monanguwi.”Nandjigwa na popye mpoka e shi uva, ngame inadi shi popya,” ta ti ngaaka.Ehangano lyUuthemba wOmuntu lyOpashigwana, okupitila mOmuwiliki gwalyo Phil ya Nangolo, olya ti olya lopotelwa oshinima shika ku Nandjigwa nolye shi kondema noonkondo.Tali ti otashi vulika, molwashoka Shevanyenga gwokOshikuku ngoka a li ta popile elundululo lyongamba ya Namibia na Angola osho a kala ta ningilwa omathiminikotilitho gomadhipago ngawo sigo taka dhipagwa shili, nOpolisi sigo okonena inayi kwata ngoka e mu dhipaga.