• PLACIDO HILUKILWAOMUNAPOLIKA waNamibia nomukondjelimanguluko a shiivika nawa, Theo-Ben Gurirab, okwa mana oweenda waye wokombadayedu moshipangelo mo-Windhoek mOlomakaya.
Eshiivifo la dja mombelewa yOmupresidente Hage Geingob oya shiivifa nokutya Gurirab okwa mana eengeda mOlomakaya lomafiku 14 Juli mepupi lomido 79.
Nakufya odalele yUsakos moshitukulwa Erongo.
Okwa li omuhongifikola oule weedula mbali manga ina ya moupongekwa momudo 1962.
Pefimbo lekondjelomanguluko, Gurirab okwa longela ongudu onghondjelimanguluko pamifika da yoolokafana.
Okwa li omuwiliki wombelewa yoSwapo kOiwanahangano okudja 1972 fiyo 1986.
Okudja 1986 fiyo 1990 okwa li hamushanga woikwapondje woSwapo nokwa dana onghandangala ya fimana meenghundafana da twala fiyo omeudafano lombili nometulomoilonga lokatokolifo 435 kOraata yeameno yOiwanahangano momudo 1989.
Oye a li ominista yoikwapondje yaNamibia okudja pemanguluko momudo 1990 fiyo 2002, nokwa li yo Omuprima-minista okudja 2002 fiyo 2005. Okudja 2005 fiyo 2015 okwa li omunashipundi wOshoongalele shopshiwana, nokudja opo okwa ya moshipundi shefudepo.
Momushangwanghundana oo wa pitifwa konima eshi omupresidente a aluka koshitondoka, Geingob okwa popya ta ti onghandangala Gurirab a dama mekondjelomanguluko nomoSwapo, osho yo oilonga a longela oshiwana shaNamibia, kai nefiku tai ka dimbiwa.
Omupresidente okwa tanga Gurirab ta ti okwa li umwe womavadiplomate dingi moAfrika.
Okwa fiya ko omukulukadi waye Joan Guriras, ovana novatekulu.
Omalongekido efudiko otaa ka shiivifwa nale.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
