NAMIBIA okwa uvaneke ta ka gandja oodola oomiliona ntano koshiketha shuuyuni shoku kondjitha omukithi gwo HIV-AIDS, OTB, nomalaria. Euvaneko ndika okwe li ningi pethimbo lyoshigongi kombinga yomavu ngaka sha li mo America. Iimaliwa oya pumbiwa opo oshiketha shika shi tungululwe po ishewe.
Euvaneko ndika lya ningwa ku Namibia ota li ka futwa uule womimvo ndatu, ongo oshigandjwa sha Namibia koonkambadhala dhuuyuni okukondjitha omikithi ndhika hadhi hepeke nayi aantu, osho, minista yUundjolowele Richard Kamwi a ti sho a lombwele oshigongi shopashigwana. Kamwi okwa li ta popi mokuyamukula iiyetwa po yaatotimpango moparliamende kombinga yondungethaneko yokukondjitha o HIV-AIDS uule woomvula ntano tadhiya.Okwa lombwele egumbo kutya Namibia oku na aantu yena oHIV-AIDS yeli 200 000 konyala 140 000 yaambaka oye li kepango. Ooperesenda 85 dhaambaka 140 000 otadhi mwenya dha fa ashike omuntu kehe moshilongo, tadhi longo iilonga yadho nondjungu. Okwa indile aatotimpango noshigwana ashihe kutya oshinima sho HIV-AIDS oshina okutulwa momulandu kehe noshowo moshilongadhalwa kehe nopena okuningwa elongekidho nkene uuvu mbuka tauwu longwa nawo moshimpungulonga kehe.Kamwi okwa londodha kutya ngele shika inashi ningwa otashi ti kutya oshigwana osha ndopa mushika.Okwa ti oluhepo olwo talu hwameke oHIV-AIDS nomukithi nguka otagu fala ishewe aantu moluhepo. Onkene Kamwi okwa ti opena okutulwa omathaneko okushonopeka oluhepo, okweetapo iilonga , okupendutha ekoko lyomahupilo, noku koleka ehumokomeho lyopankalathano.Nonando aatotimpango yamwe oya thaneke kutya na pa gandjwe iikulya kwaamboka yena oHIV-AIDS ndele oye li moluhepo opo ya vule oku thika kiipangelo, ya ka taambe omiti dhawo, epangelo kali na iimaliwa oku kwathela pamukalo ngoka.. Kamwi okwa tseyithile woo oparliamende kutya osikola yuunamiti oya egulululwa po Unam, osikola onkwawo yaa longwa yokugandja omiti ota yi tameke omumvo ta gu ya penongelo olyo tuu ndyoka.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
