Nakutsa omukadhona gwe pamupya a pewa omimvo 6 mokakuma

O SHININGWANIMA shokutsa omuntu nombele pamupya aniwa shoka sha etitha eso lyomukadhona gwe ngoka a li nokuli mepipi lyuunona otashi kalitha nakushininga omimvo hetatu konima yekumba.

Oshiponokela shoka sha petha Andreas Simon Nehemia Hampundja gwomimvo 34 oomvula hamano konima yekumba, osha ningilwa pomukunda gwedhina Eembo moshititopolwa sha Ohangwena ongulohi yeti 17 Aguste 2003. Esiku ndyoka, Monica Mweshixwa okwa dhana oshituthi shekoleko lye, Ompangu tayi tseyithilwa ngaaka pethimbo lyepangulo lyoshipotha shoka omwedhi gwa zi ko.Uusiku mboka, owo ngaa adhipagwa.Oshilalo shoka a tsuwa mepepe lye lyokolulyo osha tameke okuza ombinzi sigo ota si.Lwopehulilo lyomwedhi gwa zi ko, Omupanguli-Presidende Petrus Damaseb okwa mono Hampundja ondjo moshipotha shedhipago lyaashi lyoshiningilawina.Hampundja ota popi kutya Mweshixwa okwa li omukadhona gwe.Hampundja okwa pangulilwa oshipotha shedhipago mOmpangu yOpombanda mOvenduka.Sho a mono Hampundja ondjo ngaaka, Omupanguli-Presidende okwe mu pe egeelo lyoomvula omugoyi konima yekumba – hoka a kutha ndatu ye a kale ina uvikila sha shi na sha nedhipago, nedhengo nelalakano lyokweehameka nenge nedhipago lyaashi lyoshiningilawina muule womimvo ntano tadhi landula.Sho nee Hampundja a kala konima yekumba uule woomwedhi dhi vulithe pomilongo mbali 20 omanga oshipotha she inashi manithwa, otashi vulika a ka kale mondholongo uule womimvo hetatu sho ta ka mana egeelo ndika.Hampundja okwa popi pethimbo lyepangulo lye kutya okwa tsu Mweshixwa papuko.Ta ti okwa li a hala okutsa Dimbulukweni Shihenuka molwashoka okwa li e mu ponokele nokwa li nee ta kambadhala okwiipopila.Dimbulukweni okuli wo gumwe gwomaagandji yuumbangi yEpangeko moshipotha shika.Hampundja ta ti Shihenuka okwi iwewele mbala konima ya Mweshixwa, nombele ndjoka oya ka tsa owala Mweshixwa pamupya.Omupanguli-Presidende Damaseb okwa taamba eipopilo lya Hampundja ihe ineli taamba ko naanaa meudhililo.Omupanguli okwa popi kutya Shihenuka ina koleka gamwe gomomapopyo gaagandji yuumbangi yalwe moshipotha shika – sho osho nee sha etutitha Omupanguli a kale ina taamba ko meudhililo eipopilo lya Hampundja.Ta ti Hampundja okwa longa nuuhasha molwashoka okwa li e na okumona kutya otashi vulika a kale a tsa omuntu gumwe moonkambadhala dhe ndhoka.Oshinima shika osho nee sha eta Omupanguli a mone Hampundja ondjo moshipotha shedhipago lyaashi lyoshiningilawina.Omwenyo gwomugundjuka ogwa kanithwa iipundjamenye, Omupanguli-Presidende ta komenda ngaaka pethimbo ta gandja egeelo ndika ku Hampundja.Iikolokosha otayi indjipala unene moshigwana sha Namibia, Omupanguli ta popi ishewe ngaaka.Ompangu otayi gandja egeelo lya kindja nelalakano okusitha aantu yalwe uunye kaaya kuthe ombinga miikolokosha yatya ngaaka, Omupanguli-Presidende ta popi ishewe.Omunaveta Lucia Hamutenya oye a li omukalelipo gwa Hampundja moshipotha shika.Omunaveta Innocentia Nyoni oye a li omutamaneki kombinga yEpangelo.Esiku ndyoka, Monica Mweshixwa okwa dhana oshituthi shekoleko lye, Ompangu tayi tseyithilwa ngaaka pethimbo lyepangulo lyoshipotha shoka omwedhi gwa zi ko.Uusiku mboka, owo ngaa adhipagwa.Oshilalo shoka a tsuwa mepepe lye lyokolulyo osha tameke okuza ombinzi sigo ota si.Lwopehulilo lyomwedhi gwa zi ko, Omupanguli-Presidende Petrus Damaseb okwa mono Hampundja ondjo moshipotha shedhipago lyaashi lyoshiningilawina.Hampundja ota popi kutya Mweshixwa okwa li omukadhona gwe.Hampundja okwa pangulilwa oshipotha shedhipago mOmpangu yOpombanda mOvenduka.Sho a mono Hampundja ondjo ngaaka, Omupanguli-Presidende okwe mu pe egeelo lyoomvula omugoyi konima yekumba – hoka a kutha ndatu ye a kale ina uvikila sha shi na sha nedhipago, nedhengo nelalakano lyokweehameka nenge nedhipago lyaashi lyoshiningilawina muule womimvo ntano tadhi landula.Sho nee Hampundja a kala konima yekumba uule woomwedhi dhi vulithe pomilongo mbali 20 omanga oshipotha she inashi manithwa, otashi vulika a ka kale mondholongo uule womimvo hetatu sho ta ka mana egeelo ndika.Hampundja okwa popi pethimbo lyepangulo lye kutya okwa tsu Mweshixwa papuko.Ta ti okwa li a hala okutsa Dimbulukweni Shihenuka molwashoka okwa li e mu ponokele nokwa li nee ta kambadhala okwiipopila.Dimbulukweni okuli wo gumwe gwomaagandji yuumbangi yEpangeko moshipotha shika.Hampundja ta ti Shihenuka okwi iwewele mbala konima ya Mweshixwa, nombele ndjoka oya ka tsa owala Mweshixwa pamupya.Omupanguli-Presidende Damaseb okwa taamba eipopilo lya Hampundja ihe ineli taamba ko naanaa meudhililo.Omupanguli okwa popi kutya Shihenuka ina koleka gamwe gomomapopyo gaagandji yuumbangi yalwe moshipotha shika – sho osho nee sha etutitha Omupanguli a kale ina taamba ko meudhililo eipopilo lya Hampundja.Ta ti Hampundja okwa longa nuuhasha molwashoka okwa li e na okumona kutya otashi vulika a kale a tsa omuntu gumwe moonkambadhala dhe ndhoka.Oshinima shika osho nee sha eta Omupanguli a mone Hampundja ondjo moshipotha shedhipago lyaashi lyoshiningilawina.Omwenyo gwomugundjuka ogwa kanithwa iipundjamenye, Omupanguli-Presidende ta komenda ngaaka pethimbo ta gandja egeelo ndika ku Hampundja.Iikolokosha otayi indjipala unene moshigwana sha Namibia, Omupanguli ta popi ishewe ngaaka.Ompangu otayi gandja egeelo lya kindja nelalakano okusitha aantu yalwe uunye kaaya kuthe ombinga miikolokosha yatya ngaaka, Omupanguli-Presidende ta popi ishewe.Omunaveta Lucia Hamutenya oye a li omukalelipo gwa Hampundja moshipotha shika.Omunaveta Innocentia Nyoni oye a li omutamaneki kombinga yEpangelo.