Nakufekelwa medhipago lyOmulongisikola a kwatwa

O POLISI mOnooli, oya kwata po omulumentu gwontumba shi na sha nedhipago lyOmulongisikola gwomOtshikushashipya mUukwambi mOshitopolwa sha Musati, ngoka i tsuwilwe a sa mondjila yomomukunda ngoka komatango gEtitano lya zi ko.

Ehokololo lya pewa Oshifo shika otali ti kutya, Omulongisikola ngoka taku tiwa kutya oye meme Wilhelmina Nangula Amukwaya gwoomvula 37, komatango gEtitano lya zi ko okwa li a zi pOsikola yawo mpoka nohauto ye nokanona kawo kokamati koomvula mbali, ya thinda kegumbo sho a mana nee iilonga ye pOsikola. Molwashoka meme Nangula nOfamili ye oya kala ye na omagumbo gaali, limwe lyomiti mOtshikushashipya nalimwe lyopandoolopa mOndoolopa ya Ngwediva, kaku shiwike nee kutya okwa adhika a thinda kulini sho a zi pOsikola mpoka komatango gesiku ndyoka.Oshi li nee ngeyi kutya sho a zi posikola mpoka nokamatyona ke, mondjila moka okwiitsu momulumentu te mu sitopa.Okwa fa nee a kankama nomokupopya nomulumentu ngoka, walyewo nee kutya oya li taya popi shike, omulumentu ngoka okwe mu ya ha aniwa iikuti iyali yomushasho montulo,okanona ke hoka koomvula mbali ka tala ko.(ina yahwa momuntse ngashi twa lopotele tango).Osha fa nee sho e mu yaha ngawo, e mu hili mo mohauto noku mu ekela pevi, a sa nale, nenge ta kondjo nomwenyo.Omulumentu nguka ta hili mo okamatyona hoka mohauto.Okwa fa wo e kadhenge noshitako shondjembo lwokomutse noku ka umbila pomudhimba gwayina mpoka e ta kufadhuka po nohauto.Okamatyona haka ka ehamekwa momutse nako otaka hepulula ngaa kashona shoka sha ningwa po.Mboka ya ende mpoka oyi itsu momuntu a lala a sa nokanona ke mu kalela.Mokukonaakona oya mono kutya omuntu ngoka a lala okwa yahwa nondjembo lwomontulo.Oshinigwanima osha lopotwa kOpolisi ya Shikuku noyaShakati ndjoka ya endelele noya yi molukongo.Ehuliloshiwike alihe oya kala tayi mu kongo noye mu kwata komatango gOsoondaha, ye mu adha aniwa lwopOmweelo gwa Kaluheke nEtunda kombinga ya Ruacana hoka mUukolonkadhi mOshitopolwa sha Musati.Okwa adhika nohauto ya meme Nangula, ngoka taku fekelwa a dhipaga nosho wo nondjembo yomushasho, ndjoka taku fekelwa a yaha nokudhipagitha nayo meme Nangula.Yamwe otaya hokolola kutya sho a yaha ngawo nokufadhuka po nohauto komatango gEtitano lya zi ko, okwa monika mOlyomakaya ta felefula, ano ta tutu aantu moondjila moka.Taku popiwa kutya kombinga yokUukwanyama okwa monika ko a humbata aalilasa mohauto ye ndjoka, a thinda aniwa kefumviko lyomukwanezimo gwe gumwe.Pakuuva, shika oshikando oshititano, omulumentu nguka, taku popiwa kutya gwopOshikuku mUukwambi mOshitopolwa sha Musati, ta yaka po ohauto yomuntu nokukamatuka nayo ngawo, ta londeke nokufala aantu ye mpoka ya hala, kaye shi po sha kutya ohauto ndjoka oya yakwa.Komanda yOpevi yOpolisi mOshitopolwa sha Shana Omukonaakoni Omukuluntu Golden Naanda, okwa koleka kOshifo shika kutya oya kwata po omulumentu ta fekelwa medhipago lyomulongisikola Wilhelmina Nangula Amukwaya.Ye mu kwatela kEtunda koRuacana.Ye mu adha nOhauto ndjoka taku tiwa kutya oya nakusa Nangula nosho wo nondjembo yomushasho.Otaku tiwa kutya omulumentu nguka okwa li ha longo mOkampani yOosekuliti mOshakati yedhina 901 Security Company.YomOkampani ndjoka oya koleka kutya oya kanitha Sekuliti gwawo gumwe, a yi nondjembo ye yiilonga.Opolisi oya ti kutya ngoka a kwatwa nondjembo ye ota ti kutya oha longo shili mOkampani ndjoka yOosekuliti.Okwa holoka mOmpangu ya Mengestrata mOshakati ongula yohela shi na sha noshiningwanima shika.Molwashoka meme Nangula nOfamili ye oya kala ye na omagumbo gaali, limwe lyomiti mOtshikushashipya nalimwe lyopandoolopa mOndoolopa ya Ngwediva, kaku shiwike nee kutya okwa adhika a thinda kulini sho a zi pOsikola mpoka komatango gesiku ndyoka.Oshi li nee ngeyi kutya sho a zi posikola mpoka nokamatyona ke, mondjila moka okwiitsu momulumentu te mu sitopa.Okwa fa nee a kankama nomokupopya nomulumentu ngoka, walyewo nee kutya oya li taya popi shike, omulumentu ngoka okwe mu ya ha aniwa iikuti iyali yomushasho montulo,okanona ke hoka koomvula mbali ka tala ko.(ina yahwa momuntse ngashi twa lopotele tango).Osha fa nee sho e mu yaha ngawo, e mu hili mo mohauto noku mu ekela pevi, a sa nale, nenge ta kondjo nomwenyo.Omulumentu nguka ta hili mo okamatyona hoka mohauto.Okwa fa wo e kadhenge noshitako shondjembo lwokomutse noku ka umbila pomudhimba gwayina mpoka e ta kufadhuka po nohauto.Okamatyona haka ka ehamekwa momutse nako otaka hepulula ngaa kashona shoka sha ningwa po.Mboka ya ende mpoka oyi itsu momuntu a lala a sa nokanona ke mu kalela.Mokukonaakona oya mono kutya omuntu ngoka a lala okwa yahwa nondjembo lwomontulo.Oshinigwanima osha lopotwa kOpolisi ya Shikuku noyaShakati ndjoka ya endelele noya yi molukongo.Ehuliloshiwike alihe oya kala tayi mu kongo noye mu kwata komatango gOsoondaha, ye mu adha aniwa lwopOmweelo gwa Kaluheke nEtunda kombinga ya Ruacana hoka mUukolonkadhi mOshitopolwa sha Musati.Okwa adhika nohauto ya meme Nangula, ngoka taku fekelwa a dhipaga nosho wo nondjembo yomushasho, ndjoka taku fekelwa a yaha nokudhipagitha nayo meme Nangula.Yamwe otaya hokolola kutya sho a yaha ngawo nokufadhuka po nohauto komatango gEtitano lya zi ko, okwa monika mOlyomakaya ta felefula, ano ta tutu aantu moondjila moka.Taku popiwa kutya kombinga yokUukwanyama okwa monika ko a humbata aalilasa mohauto ye ndjoka, a thinda aniwa kefumviko lyomukwanezimo gwe gumwe.Pakuuva, shika oshikando oshititano, omulumentu nguka, taku popiwa kutya gwopOshikuku mUukwambi mOshitopolwa sha Musati, ta yaka po ohauto yomuntu nokukamatuka nayo ngawo, ta londeke nokufala aantu ye mpoka ya hala, kaye shi po sha kutya ohauto ndjoka oya yakwa.Komanda yOpevi yOpolisi mOshitopolwa sha Shana Omukonaakoni Omukuluntu Golden Naanda, okwa koleka kOshifo shika kutya oya kwata po omulumentu ta fekelwa medhipago lyomulongisikola Wilhelmina Nangula Amukwaya.Ye mu kwatela kEtunda koRuacana.Ye mu adha nOhauto ndjoka taku tiwa kutya oya nakusa Nangula nosho wo nondjembo yomushasho.Otaku tiwa kutya omulumentu nguka okwa li ha longo mOkampani yOosekuliti mOshakati yedhina 901 Security Company.YomOkampani ndjoka oya koleka kutya oya kanitha Sekuliti gwawo gumwe, a yi nondjembo ye yiilonga.Opolisi oya ti kutya ngoka a kwatwa nondjembo ye ota ti kutya oha longo shili mOkampani ndjoka yOosekuliti.Okwa holoka mOmpangu ya Mengestrata mOshakati ongula yohela shi na sha noshiningwanima shika.