Nakudhipaga Mwadhina a pewa oomvula 13 sho kwakuthwa

O MULUMEN TU gwomomukunda Eenkondombali mOngandjera mOshitopolwa sha Musati Sem Veikko Iikali gwoomvula 38 ngoka a monika ondjo mOmpangu yOpombanda ya Shakati mEtitatu lya zi ko kutya oye a dhipaga Josephina Mwadhina ya Johannes gwoomvula 34 sho e mu tsu lwaali nombele yOkapi montulo meti 17 Septemba 2005, okwa pewa oomvula 18 mokakuma, ashike Omupanguli Louis Muller okwe mu kuthile ko ntano ye a ka kale mo ashike oomvula 13.

Omupanguli Muller te mu lombwele kutya konima shampa nee a mana ko ndyoka, na kale ina uvikila edhipaga lyomuntu uule woomvula ntano. Otaku hokololwa kutya esiku ndjoka lyeti 17 Septemba 2005, Iikali okwa li puundngosho wopomukunda gwawo mpoka hawu ithanwa Oshege.Manga e li mpoka, meme Josephina Mwadhina namu kwawo gumwe oya tameke taya umana.Iikali aniwa okwa yi mo moohapu dhawo.Josephina okwe mu yamukula.Iikali okwa ti ka yamukulwa kaakiintu.Okwa kutha aniwa oshipilangi oshishona sha li mpoka noku shi dhengitha meme Mwadhina moombati dhokolumoho.Mwadhina aniwa okwe mu tile omeya nehalsha nokonima okwe li mu dhengitha noku mu ehameka komunwe gwokeke lye limwe.Sho meme Mwadhina a kala te mu nyenyetele, Iikali aniwa okwa kutha ombele ye yOkapi nokutsa nayo meme Mwadhina lwaali montulo noku mu ehameka nayi.Meme Mwadhina okwa falwa kOshipangelo sha Kahao hoka a ka manene oondjenda dhe.Iikali okwa kwatwa po kOpolisi nokuningilwa nee oshipotha shedhipago nokwa kala tango ta holoka mOmpangu ya Mengestrata sigo te ya nee a holoke ngeyi mOmpangu yopOmbanda mOshakati.Omundohotola Armando Ricardo ngoka a tandele omudhimba gwa meme Mwadhina, okwa hokololele Ompangu yoPombanda ndjika kutya nakusa Josephina Mwadhina nguka okwa si kiilalo yi li iyali yoombele, a no sho a tsuwa nombele montulo.Iikali okwa li ta popilwa ku Hahende Frieda Kishi gwokEhangano lyOohahende lya Kishi ngoka a li e mu pewa kOshikondo shi na sha nOkupopila oonakupangulwa mboka itaya vulu okwiifutila kuyoyene Oohahende, omanga omweetipo gwOshipotha shika a li Omupevihahendendjayi yEpangelo Efolo Heidi Jacobs.Iikali okwa itaala mOmpangu moka kutya oye shili a dhipaga Mwadhina molwashoka e mu tile ehalsha lyomeya noku mu dhengitha wo nalyo.Ta ti oku na ondjo moshipotha shoka shedhipago lya Mwadhina nokwe shi ipela lela ombedhi.Hahende gwe Kishi okwa kala te mu popile, kutya okwa hindwa ku Mwadhina sho e mu tile ehalasha lyomeya na opo a zi a geye e mutse noombele noku mu dhipaga ngawo.Meme Kishi ta ti kutya Ompangu nayi mu sile ngaa ohenda molwashoka, okwiipa ombedhi moshinima shoka.Ta ti wo kutya oku na uunona utano mboka ha kwathele nange okwa pewa egeelo lyethimbo ele mondholongo, uunona otau ka mona iihuna noonkondo.Kishi ta ti wo kutya Iikali okwa kala ashike omutungi gwIigandhi (omashisha) nomulandithi gwomashisha ngoka.Omo ha mono okamaliwa uuna a tunga nokulanditha po gamwe, nokuhupitha ngawo uunona we naamboka haya kwathelwa kuye, mwa kwatelwa nomukulukadhi gwe ngoka naye ka longa.Nande ongawo Hahende gwOpevi gwEpangelo Efolo Jacobs, okwa ti kutya ayihe mbyoka ya popiwa ku Hahende Kishi, okwe yi uva ko nawa.Ashike nee epogolo ndjoka lya pogolwa komusamane Iikali, lyokudhipaga Mwadhina, enene noonkondo newinayi, lya nika uumbalimbali.Onkee Iikali okwiilongela egeelo enene lela, oshoka ekutho lyomuntu omwenyo oshinima oshiwinayi noonkondo naangoka e shi ninga okwa pumbwa okugeelwa noonkondo kEpangelo nokoshigwana ashihe.Omupanguli Muller, okwa gama ku Efolo Jacobs.Naye ta ti shoka sha ningwa ku Iikali oshinene na itashi idhidhimikilwa nande monkalamwenyo.Muller ta ti kutya nakusa Mwadhina, naye okwa li e na aanona ye naantu ye mboka a li ta sile oshimpwiyu, ashike Iikali okwe mu dhipaga, kee na ko nasha kutya na Mwadhina okwa kala wo e na aanona naantu ye mboka a li ha sile oshimpwiyu.Okwe mu dhipaga ashike ngawo pwaa na ohenda yasha.Omupanguli Muller, ta gandja wo uusama ku Iikali, kutya okwa kala ta holeke sho a ninga naanaa esiku ndjoka, shoka sha popiwa ashike koombangi dhimwe ndhoka dha li po sho ta tsu Mwadhina noombele ngawo noku mu dhipaga.Omupanguli Muller, ta ti kutya aantu yamwe mboka ya li puundingosho mpoka sho ta tsu noombele meme Mwadhina, oya li taye mu kelele kaa ningile mwadhina uuwinayi washa ngashi e mu dhipaga ngawo, ashike ye okwa pula komeho nehalo lye lyokudhipaga Mwadhina, ngashi e shi ningi nokwiitaala ku ye mwene kutya okwe mu dhipaga shili noku na ondjo moshinima shoka.”Oshigwana osha tegelela lela nehalo alihe kutya Iikali nguka, a dhipaga Josephina Mwadhina Johannes pamukalo gwo ku mu tsa nombele ngeyi, a kale a pewa egeelo lya yaga kegonga, na osho naanaa tandi ningi,” Omupanguli ta ti nokutuma Iikali kondholongo.Otaku hokololwa kutya esiku ndjoka lyeti 17 Septemba 2005, Iikali okwa li puundngosho wopomukunda gwawo mpoka hawu ithanwa Oshege.Manga e li mpoka, meme Josephina Mwadhina namu kwawo gumwe oya tameke taya umana.Iikali aniwa okwa yi mo moohapu dhawo.Josephina okwe mu yamukula.Iikali okwa ti ka yamukulwa kaakiintu.Okwa kutha aniwa oshipilangi oshishona sha li mpoka noku shi dhengitha meme Mwadhina moombati dhokolumoho.Mwadhina aniwa okwe mu tile omeya nehalsha nokonima okwe li mu dhengitha noku mu ehameka komunwe gwokeke lye limwe.Sho meme Mwadhina a kala te mu nyenyetele, Iikali aniwa okwa kutha ombele ye yOkapi nokutsa nayo meme Mwadhina lwaali montulo noku mu ehameka nayi.Meme Mwadhina okwa falwa kOshipangelo sha Kahao hoka a ka manene oondjenda dhe.Iikali okwa kwatwa po kOpolisi nokuningilwa nee oshipotha shedhipago nokwa kala tango ta holoka mOmpangu ya Mengestrata sigo te ya nee a holoke ngeyi mOmpangu yopOmbanda mOshakati.Omundohotola Armando Ricardo ngoka a tandele omudhimba gwa meme Mwadhina, okwa hokololele Ompangu yoPombanda ndjika kutya nakusa Josephina Mwadhina nguka okwa si kiilalo yi li iyali yoombele, a no sho a tsuwa nombele montulo.Iikali okwa li ta popilwa ku Hahende Frieda Kishi gwokEhangano lyOohahende lya Kishi ngoka a li e mu pewa kOshikondo shi na sha nOkupopila oonakupangulwa mboka itaya vulu okwiifutila kuyoyene Oohahende, omanga omweetipo gwOshipotha shika a li Omupevihahendendjayi yEpangelo Efolo Heidi Jacobs.Iikali okwa itaala mOmpangu moka kutya oye shili a dhipaga Mwadhina molwashoka e mu tile ehalsha lyomeya noku mu dhengitha wo nalyo.Ta ti oku na ondjo moshipotha shoka shedhipago lya Mwadhina nokwe shi ipela lela ombedhi.Hahende gwe Kishi okwa kala te mu popile, kutya okwa hindwa ku Mwadhina sho e mu tile ehalasha lyomeya na opo a zi a geye e mutse noombele noku mu dhipaga ngawo.Meme Kishi ta ti kutya Ompangu nayi mu sile ngaa ohenda molwashoka, okwiipa ombedhi moshinima shoka.Ta ti wo kutya oku na uunona utano mboka ha kwathele nange okwa pewa egeelo lyethimbo ele mondholongo, uunona otau ka mona iihuna noonkondo.Kishi ta ti wo kutya Iikali okwa kala ashike omutungi gwIigandhi (omashisha) nomulandithi gwomashisha ngoka.Omo ha mono okamaliwa uuna a tunga nokulanditha po gamwe, nokuhupitha ngawo uunona we naamboka haya kwathelwa kuye, mwa kwatelwa nomukulukadhi gwe ngoka naye ka longa.Nande ongawo Hahende gwOpevi gwEpangelo Efolo Jacobs, okwa ti kutya ayihe mbyoka ya popiwa ku Hahende Kishi, okwe yi uva ko nawa.Ashike nee epogolo ndjoka lya pogolwa komusamane Iikali, lyokudhipaga Mwadhina, enene noonkondo newinayi, lya nika uumbalimbali.Onkee Iikali okwiilongela egeelo enene lela, oshoka ekutho lyomuntu omwenyo oshinima oshiwinayi noonkondo naangoka e shi ninga okwa pumbwa okugeelwa noonkondo kEpangelo nokoshigwana ashihe.Omupanguli Muller, okwa gama ku Efolo Jacobs.Naye ta ti shoka sha ningwa ku Iikali oshinene na itashi idhidhimikilwa nande monkalamwenyo.Muller ta ti kutya nakusa Mwadhina, naye okwa li e na aanona ye naantu ye mboka a li ta sile oshimpwiyu, ashike Iikali okwe mu dhipaga, kee na ko nasha kutya na Mwadhina okwa kala wo e na aanona naantu ye mboka a li ha sile oshimpwiyu.Okwe mu dhipaga ashike ngawo pwaa na ohenda yasha.Omupanguli Muller, ta gandja wo uusama ku Iikali, kutya okwa kala ta holeke sho a ninga naanaa esiku ndjoka, shoka sha popiwa ashike koombangi dhimwe ndhoka dha li po sho ta tsu Mwadhina noombele ngawo noku mu dhipaga.Omupanguli Muller, ta ti kutya aantu yamwe mboka ya li puundingosho mpoka sho ta tsu noombele meme Mwadhina, oya li taye mu kelele kaa ningile mwadhina uuwinayi washa ngashi e mu dhipaga ngawo, ashike ye okwa pula komeho nehalo lye lyokudhipaga Mwadhina, ngashi e shi ningi nokwiitaala ku ye mwene kutya okwe mu dhipaga shili noku na ondjo moshinima shoka.”Oshigwana osha tegelela lela nehalo alihe kutya Iikali nguka, a dhipaga Josephina Mwadhina Johannes pamukalo gwo ku mu tsa nombele ngeyi, a kale a pewa egeelo lya yaga kegonga, na osho naanaa tandi ningi,” Omupanguli ta ti nokutuma Iikali kondholongo.