Oshoongalele shehangano loYoung Women of Africa (YWOA) shomahepeko opaukakwashikekookanhu osha tameka mOvenduka onghela. Oshoongalele eshi sha tameka onghela notashi i fiyo omomafiku 14 Novemba otashi lalakanene okuyadja ouyelele neewino kOvanamibia opo va nyamukule nawa nokukonakona oipofa yoimahepeko opaukakwashikekookanhu opo ku kwashilipalekwe kutya oonakuningwa oihakanwa ova mona ouyuki oo va pumbwa she likolela koumbangi wa yela.
Pefimbo loshoongalele eshi ovaleli okudja komahangano okukelela omahepeko opaukakwashikekoonhu a yooloka nomahangano omaufemba ovanhu ova pula euyokumwe mokulwifa omahepeko opaukakwashikekookanhu, tava ti oku li omukundu wa kula wopashiwana oo tau i ombili neameno moshipala.
Omupedu komisina wopolifi noku li omukulunhu woshikondo sheameno lonaakuningwa oihakanwa yomahepeko opaukakwashikekookanhu, Cathrine Walaula okwa ti okuxulifa po omahepeko opaukakwashikekookanhu kashi fi ashike oshikumungu shovakainhu ashike oshikumungu shovanhu aveshe omo ovanhu va pumbwa okuhangana ndee tava longele kumwe moku shi xulifa po.
Okwa ti ngee ovanhu ova longele kumwe, Namibia ota dulu okunghonopeka eudeko nokunyamukula komahepo opaukakwashikekookanhu.
“Atusheni ohatu dulu okutunga Namibia e fike pamwe noku na ombili oyo atushe twa pumbwa okumona,” osho a ti ngaho.
Omukulunhuwiliki womulandu, omafaneko nomakonako aKofi Annan, Horname Noagbesenu naye okwa endulula oshinima eshi, ta ti omahepeko opaukakwashikekookanhu otaa kufa ovakainhu ovanyasha omaufemba avo.
“Kumwe atusheni ohatu dulu okutota omudingonoko omo ovalumenhu novakainhu tava kala aveshe va manguluka puhe na oumbanda,” osho a ti ngaho.
Okwa pandula Namibia eshi e shi pondola mokushonopeka omahepeko opaukakwashikekookanhu okudja peepelesenda 53 momudo 2020 fiyo olwopeepelesenda 22 momudo 2024, ta tu oilongo ikwao omukumo i landule oshinima eshi.
Kamusela mewiliko lodoolopa yaVenduka, Sade Gawanas okwa ti omahepeko opaukakwashikekookanhu kee fi ashike omukundu wopanghalafano ashike oku li yoo omukundu weyambukepo leliko neenghedi.
Okwa ti elineekelo meefamili nomoshiwana ola nghundipalekwa nounona ohava kala nomikundu edi hadi kumu eenghalamwenyo davo neenghono.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
