Muni gwaShakati a gwedhela oondjambi dhaaniilonga noshimaliwa oshindji unene

E LELO lyondoolopa ya Shakati olya gwedhele oondjambi dhaaniilonga yalyo noshimaliwa oshindji omumvo gwa zi ko, nonande Omuyaluli-Ndjayi gwelongitho lyiimaliwa mEpangelo okwa li a popi kutya Muni gwondoolopa ndjika oku li gumwe gwomOomuni mboka taya nana nondatu mokugongela iimaliwa yElelo.

Aaniilonga ngashi mboka opo ya pewa iilonga mu Muni nguka ye li mOgrade A1 no A2, oondjambi dhawo odha li dha gwedhelwa noopelesenda dhi li pokati ko 12 sigo 35. Egwedhelo lyoondjambi olya li lya tseyithwa peshainotsokumweuvathano pokati ka Muni gwaShakati nehangano lyaaniilonga lya Namibia Public Workers Union (Napwu) mu Novemba 2005.Iimaliwa mbika otayi yalulwa okuza mo 1 July 2005.Nande ongaaka, Omukuluntu gwIinewe mu Muni gwaShakati, Immanuel Nakale okwa popi kutya shika kashi li egwedhelo lyoondjambi, ihe osha li ashike elundululo lyoondjambi.Nakale okwa lombwele The Namibian kutya Uuministeli wOmagumbo, Omapangelo gOpaitopola nOmayambulopo gokomahala gokomikunda, owa li wa gandja osheetwapo kutya Oomuni, Omalelo gOondoloopa nOmalelo guundoolopamikunda, ayehe naya kale haya longitha omulandu gumwe gwegandjo lyoondjambi.Omulandu ngoka tagu popiwa mpaka ohagu ithanwa Paterson Grading System, tashi ningwa nee okuza momasiku 1 July 2005.Nakale okwa ti Okampani oyalulimambo giinewe ya PriceWatershouse Coopers (PWC) ndjoka oyo ya li ye ya kwathele metalululo lyoondjambi dhaaniilonga yawo moopoosa dhawo, oya li ya eta po oongundu ndatu: A, B na C, (dhi na sha nefuto lyoondjambi) ndhoka Elelo lyondoolopa li na okuhogolola po yimwe.Elelo olya li nee aniwa lya kutha po ongundu ya C molwashoka oyi li nawa noya taambwa ko wo ku Napwu.Nakale okwa ti oondjambi dhaaniilonga yamwe okwa li ashike kwa umbilwa opelesenda yimwe, omanga dhimwe ina ku gwedhwa sha.Molopota ye yomayalulilo gelongitho lyiinewe yEpangelo ngoka ga hulile momasiku 30 June 2004, Omuyaluli-Ndjayi gwEpangelo Junias Kandjeke okwa li a popi kutya uunyengwi wa Muni gwaShakati okugongela iimaliwa ye kaakalimo yomondoolopa ndjika, otaku shongolitha okuyamo kwiiyemo yondoolopa.Egwedhelo lyoondjambi olya li lya tseyithwa peshainotsokumweuvathano pokati ka Muni gwaShakati nehangano lyaaniilonga lya Namibia Public Workers Union (Napwu) mu Novemba 2005.Iimaliwa mbika otayi yalulwa okuza mo 1 July 2005.Nande ongaaka, Omukuluntu gwIinewe mu Muni gwaShakati, Immanuel Nakale okwa popi kutya shika kashi li egwedhelo lyoondjambi, ihe osha li ashike elundululo lyoondjambi.Nakale okwa lombwele The Namibian kutya Uuministeli wOmagumbo, Omapangelo gOpaitopola nOmayambulopo gokomahala gokomikunda, owa li wa gandja osheetwapo kutya Oomuni, Omalelo gOondoloopa nOmalelo guundoolopamikunda, ayehe naya kale haya longitha omulandu gumwe gwegandjo lyoondjambi.Omulandu ngoka tagu popiwa mpaka ohagu ithanwa Paterson Grading System, tashi ningwa nee okuza momasiku 1 July 2005.Nakale okwa ti Okampani oyalulimambo giinewe ya PriceWatershouse Coopers (PWC) ndjoka oyo ya li ye ya kwathele metalululo lyoondjambi dhaaniilonga yawo moopoosa dhawo, oya li ya eta po oongundu ndatu: A, B na C, (dhi na sha nefuto lyoondjambi) ndhoka Elelo lyondoolopa li na okuhogolola po yimwe.Elelo olya li nee aniwa lya kutha po ongundu ya C molwashoka oyi li nawa noya taambwa ko wo ku Napwu.Nakale okwa ti oondjambi dhaaniilonga yamwe okwa li ashike kwa umbilwa opelesenda yimwe, omanga dhimwe ina ku gwedhwa sha.Molopota ye yomayalulilo gelongitho lyiinewe yEpangelo ngoka ga hulile momasiku 30 June 2004, Omuyaluli-Ndjayi gwEpangelo Junias Kandjeke okwa li a popi kutya uunyengwi wa Muni gwaShakati okugongela iimaliwa ye kaakalimo yomondoolopa ndjika, otaku shongolitha okuyamo kwiiyemo yondoolopa.