Mu Namibia omu na Aakiina ye li 40 000

O ONDUMBA dhaakwiilongo onene, unene tuu Aakiina, odhi li tadhi mbombolokele ku Namibia taya kongo iilonga na otaya pewa oovisa noopelemeta dhokukala moshilongo kondando yi li pevi.

Shika osha popiwa koshilyo shongundu yo Monitor Action Group (MAG) mOmutumba gwOpashigwana, Jurie Viljoen mOmaandaha goshiwike shika. A li ta popi pethimbo lyoonkundathana kombinga yiilonga kayi li nawa tayi longwa kOokampani dhokutunga mu Namibia, Viljoen okwa londodha kutya ekutho po lyEliko lyAafrika olya tameka ishewe.”Ngashiingeyi ota ku tengenekwa kutya mu Namibia omu na Aakiina 44 000,” Viljoen ta popi ngaaka.Viljoen okwa pandula Uuministeli wIikwameni nIinima yokOongamba sho aniwa wa endeleleke egandjo lyOovisa noombapila dhokulonga mu Namibia, unene tuu mboka yiilonga yokutunga omatungo.”Ondi wete kutya oshi li nawa koongundu dhaantu kehe ya mone oondokumende dha pumbiwa muule wethimbo efupi ngaaka,” ta tsikile ko ngaaka.Ta ti, Afrika ota vulu okumona mo uuwanawa okuzilila kAaKiini, ihe oku na epulo kutya shika ote shi mono pofuto yi thike peni.Omuwiliki gwongundu yo Congress of Democrats Ben Ulenga oye a li a eta po osheetwapo kutya nakukundathanwe kombinga yiilonga kayi li nawa tayi longwa moshikondo shiilonga yokutunga omatungu mu Septemba nuumvo.Ulenga okuwete kutya aatungi yamwe ihaya gwanitha po ooveta dhootendela na ishewe, ihaya tungu omatungo ge li nawa.Ta ti, omatungo ogendji ngoka ga tungwa kOokampani dhopondje, dhimwe dhAakiina, kage li paveta yOoveta dhAaniilonga na Ookampani ndhika ohadhi futu wo aniwa aaniilonga oondjambi dhi li pevi noonkondo – kadhi li pu dhoka dha tulwapo kehangano lyOokampani oontungimatungo lyopaigwana/Construction Industry Federation (CIF).Moshipopiwa she, Ominista yIilonga nOmakwatathano gopangodhi, Joel Kaapanda, okwa ti ootendela dhiilonga yokutunga ndhoka dha gandjwa kEpangelo inadhi ningilwa pandhipe Ookampani dhAakiina.Mootendela 16 dhoka dha gandjwa, hamano odha pewa Ookampani dhAakiina, omanga ndhiyaka omulongo dha kala po dha pelwe Ookampani dhAanamibia.Ookampani dhopondje adhihe odhi na okugwanitha po nokwiiyutha kooveta dhi na sha negandjo lyootendela, ngele odha hala okupopilwa kUuministeli mbuka.Kaapanda okwa li wo a gandja omadhina gOomkampani dhAakiina hamano ndhoka dha pewa ootendela.Ookampani ndhika odho China Nanjing International Namibia, ndjoka yi na aaniilonga ye li 23 ya shangithwa nOkampani ya Social Security Commission.Okampani ndjika oya li wo aniwa ya dheula aalongwa poshiputudhilo sha Windhoek Vocational Training Centre.Dhimwe ndhiyaka ntano odho Jiangsu Zhengtai Construction Group, New Era Investments, China State Construction and Engeneering Corporation Southern Africa, China Jiangus International Namibia (Ltd) na China Jianxi Internaional (Namibia).A li ta popi pethimbo lyoonkundathana kombinga yiilonga kayi li nawa tayi longwa kOokampani dhokutunga mu Namibia, Viljoen okwa londodha kutya ekutho po lyEliko lyAafrika olya tameka ishewe.”Ngashiingeyi ota ku tengenekwa kutya mu Namibia omu na Aakiina 44 000,” Viljoen ta popi ngaaka.Viljoen okwa pandula Uuministeli wIikwameni nIinima yokOongamba sho aniwa wa endeleleke egandjo lyOovisa noombapila dhokulonga mu Namibia, unene tuu mboka yiilonga yokutunga omatungo.”Ondi wete kutya oshi li nawa koongundu dhaantu kehe ya mone oondokumende dha pumbiwa muule wethimbo efupi ngaaka,” ta tsikile ko ngaaka.Ta ti, Afrika ota vulu okumona mo uuwanawa okuzilila kAaKiini, ihe oku na epulo kutya shika ote shi mono pofuto yi thike peni.Omuwiliki gwongundu yo Congress of Democrats Ben Ulenga oye a li a eta po osheetwapo kutya nakukundathanwe kombinga yiilonga kayi li nawa tayi longwa moshikondo shiilonga yokutunga omatungu mu Septemba nuumvo.Ulenga okuwete kutya aatungi yamwe ihaya gwanitha po ooveta dhootendela na ishewe, ihaya tungu omatungo ge li nawa.Ta ti, omatungo ogendji ngoka ga tungwa kOokampani dhopondje, dhimwe dhAakiina, kage li paveta yOoveta dhAaniilonga na Ookampani ndhika ohadhi futu wo aniwa aaniilonga oondjambi dhi li pevi noonkondo – kadhi li pu dhoka dha tulwapo kehangano lyOokampani oontungimatungo lyopaigwana/Construction Industry Federation (CIF).Moshipopiwa she, Ominista yIilonga nOmakwatathano gopangodhi, Joel Kaapanda, okwa ti ootendela dhiilonga yokutunga ndhoka dha gandjwa kEpangelo inadhi ningilwa pandhipe Ookampani dhAakiina.Mootendela 16 dhoka dha gandjwa, hamano odha pewa Ookampani dhAakiina, omanga ndhiyaka omulongo dha kala po dha pelwe Ookampani dhAanamibia.Ookampani dhopondje adhihe odhi na okugwanitha po nokwiiyutha kooveta dhi na sha negandjo lyootendela, ngele odha hala okupopilwa kUuministeli mbuka.Kaapanda okwa li wo a gandja omadhina gOomkampani dhAakiina hamano ndhoka dha pewa ootendela.Ookampani ndhika odho China Nanjing International Namibia, ndjoka yi na aaniilonga ye li 23 ya shangithwa nOkampani ya Social Security Commission.Okampani ndjika oya li wo aniwa ya dheula aalongwa poshiputudhilo sha Windhoek Vocational Training Centre.Dhimwe ndhiyaka ntano odho Jiangsu Zhengtai Construction Group, New Era Investments, China State Construction and Engeneering Corporation Southern Africa, China Jiangus International Namibia (Ltd) na China Jianxi Internaional (Namibia).