MTC Namibia okwa hala MTN nenge Portugal Telecom a ninge kahewa ke

E HANGANO lyooselula mu Namibia MTC olya ningi epopilo kOkabinete kutya olya hala okulanditha po oosheya dhalyo dhoopelesenda 34 kehangano lilwe ekwiilongo.

Oopelesenda ndhika otadhi ka landithwa nee ku MTN South Afrika nenge ku Portuguese Telecom, MTC MD Bengt Stenge ta popi ngaaka oshiwike sha zi ko. “Eeno, oshi li mondjila kutya epopilo olya ningwa kUuministeli wIilonga Iiyenditho nOmakwatathano, notali ka pewa Okabinete ndjoka yi na okuninga etokolo moshinima,” Strenge ta koleke ngaaka pamushangwa.”Omahangano gaali ngoka tashi vulika limwe li pewe oopelesenda ndhoka ongaashi MTN South Afrika na Portugal Telecom ehangano lyoku Portugal.”Strenge okwa popi ishewe kutya omakonakono nolukongo kombinga yaangoka e na okupewa opelesenda ndhoka oga kala nokuningwa okuza omumvo gwa zi ko, ihe okwa tindi okupopya kutya pokati komahangano ngoka gaali olini naanaa ngiika MTC a hala.”Itandi vulu naanaa okupopya kutya olye a pandika pethimbo ndika molwashoka ngoka ta longo noshinima shika opo manga ta ningi omalongekidho taga pumbiwa na MWTC (nUuministeli),” ta popi ngaaka.Momumvo 2003 okwa li kwa ningwa ethaneko kutya Oveta yi na sha nOmakwatathano nayi lundululwe opo yi mangulukile aantu ayehe nenge tutye omahangano galwe ngoka tashi vulika ga hala okweeta oongeshefa dhopamakwatathano gopaselula mu Namibia.Momumvo 2004, Namibia Communications Commission (NCC) okwa li a hiya omahangano ngoka tashi vulika ge na ehalo moka ehangano limwe lyokuKiina nosho wo NamPower iimanga kumwe nehangano lyokuNorway ya li ya ulike ehalo okukutha ombinga mongeshefa ndjika.Nando nee Omunashipundi gwa NCC, David Imbili, a li a popya kutya oshinima shi na sha nomahangano ngoka ga ulike kutya oge na ehalo mokukutha ombinga mongeshefa yi na sha nooselula otashi ka manithwa muule womwedhi gumwe nenge mbali, inapu ningwa nando osha sigo onena ndjika konima yomumvo netata lwaampoka.Oshinima shilwe osho shoka kutya otashi vulika ngiini omahangano gepangelo agehe gaali Telecom na NamPower ga pewe ompito yokukondjithathana mongeshefa ya faathana.Momumvo 2004, Namibia Post na Telecommunication Holdings (NPTH) oya li ya landa mo ehangano lya Sweden mu MTC noomiliyuna omathele gatatu (N$300 million).Omahangano agehe lya NPTH na NamPower ogEpangelo.MTC ota tsikile nokuninga ovenisa yi li nawa.Pamayalulomambo gomumvo 2003-2004 otaga ulike kutya MTC okwa mono ovenisa yoomiliyuna 354,345 (N$354,345 million) omanga inakukuthwa iishoshela.”Eeno, oshi li mondjila kutya epopilo olya ningwa kUuministeli wIilonga Iiyenditho nOmakwatathano, notali ka pewa Okabinete ndjoka yi na okuninga etokolo moshinima,” Strenge ta koleke ngaaka pamushangwa.”Omahangano gaali ngoka tashi vulika limwe li pewe oopelesenda ndhoka ongaashi MTN South Afrika na Portugal Telecom ehangano lyoku Portugal.”Strenge okwa popi ishewe kutya omakonakono nolukongo kombinga yaangoka e na okupewa opelesenda ndhoka oga kala nokuningwa okuza omumvo gwa zi ko, ihe okwa tindi okupopya kutya pokati komahangano ngoka gaali olini naanaa ngiika MTC a hala.”Itandi vulu naanaa okupopya kutya olye a pandika pethimbo ndika molwashoka ngoka ta longo noshinima shika opo manga ta ningi omalongekidho taga pumbiwa na MWTC (nUuministeli),” ta popi ngaaka.Momumvo 2003 okwa li kwa ningwa ethaneko kutya Oveta yi na sha nOmakwatathano nayi lundululwe opo yi mangulukile aantu ayehe nenge tutye omahangano galwe ngoka tashi vulika ga hala okweeta oongeshefa dhopamakwatathano gopaselula mu Namibia.Momumvo 2004, Namibia Communications Commission (NCC) okwa li a hiya omahangano ngoka tashi vulika ge na ehalo moka ehangano limwe lyokuKiina nosho wo NamPower iimanga kumwe nehangano lyokuNorway ya li ya ulike ehalo okukutha ombinga mongeshefa ndjika.Nando nee Omunashipundi gwa NCC, David Imbili, a li a popya kutya oshinima shi na sha nomahangano ngoka ga ulike kutya oge na ehalo mokukutha ombinga mongeshefa yi na sha nooselula otashi ka manithwa muule womwedhi gumwe nenge mbali, inapu ningwa nando osha sigo onena ndjika konima yomumvo netata lwaampoka.Oshinima shilwe osho shoka kutya otashi vulika ngiini omahangano gepangelo agehe gaali Telecom na NamPower ga pewe ompito yokukondjithathana mongeshefa ya faathana.Momumvo 2004, Namibia Post na Telecommunication Holdings (NPTH) oya li ya landa mo ehangano lya Sweden mu MTC noomiliyuna omathele gatatu (N$300 million).Omahangano agehe lya NPTH na NamPower ogEpangelo.MTC ota tsikile nokuninga ovenisa yi li nawa.Pamayalulomambo gomumvo 2003-2004 otaga ulike kutya MTC okwa mono ovenisa yoomiliyuna 354,345 (N$354,345 million) omanga inakukuthwa iishoshela.