MoVenduka mwi inyenga ekakamo lyevi

EKAKAMO lyevi eshona lela olyu uvika pomahala gamwe mOshilandopangelo omutenya gwEtitano lya zi ko, Oshikondo oshikonakoni shiikwamamanya mUuministeli wOomina nIikwankondo, osho sha tseyitha ngaaka oshiwike shika.

Omuniilonga omukuluntu mOshikondo shika, Azangi Mangongolo okwa lombwele The Namibian oshiwike shika kutya ekakamo lyevi ndika olyi inyenge lela oshinano shookilometa heyali lwaampoka kuuzilo wa Venduka. Okwa ti ekakamo lyevi ndika olyu uvika po Northern Industrial Area, Rocky Crest, Khomasdal nopo Hochland Park.”Aantu yamwe po Rocky Crest oya mono aniwa iinima tayi kakama notayi gu mOsitola yimwe,” Mangongolo ta popi ngaaka.Nando ongaaka, ekakamo ndika lyevi inaku lopotwa nando lya yonagula sha nenge lya ehameka omuntu moshilandopangelo.Okwa talika kutya oshinima shika osha li owala einyengo yevi paufupi.Pethimbo ndika iinima yi na sha niiponga nenge tutye nomaupyakadhi gopauntshitwe otayi lopotwa konyala esiku kehe muuyuni.Omathimbo ga zi ko, otwa kundana ekakamo lyevi lya dhipaga aantu omayovi ogendji miitopolwa ngaashi mu India, Pakistan nosho wo momudhingoloko gwaahoka.Oshiwike sha zi ko, Egumbo Etiyali lyOpashigwana olya li lya gandja edhiladhilo kutya Namibia na tume etumwalaka lyomahekeleko ku mboka ya gumwa kekakamo lyevi ndyoka lya dhipaga omayovi gaantu nokuthiga oomiliyuna odhindji yaa na omagumbo.Okwa ti ekakamo lyevi ndika olyu uvika po Northern Industrial Area, Rocky Crest, Khomasdal nopo Hochland Park.”Aantu yamwe po Rocky Crest oya mono aniwa iinima tayi kakama notayi gu mOsitola yimwe,” Mangongolo ta popi ngaaka.Nando ongaaka, ekakamo ndika lyevi inaku lopotwa nando lya yonagula sha nenge lya ehameka omuntu moshilandopangelo.Okwa talika kutya oshinima shika osha li owala einyengo yevi paufupi.Pethimbo ndika iinima yi na sha niiponga nenge tutye nomaupyakadhi gopauntshitwe otayi lopotwa konyala esiku kehe muuyuni.Omathimbo ga zi ko, otwa kundana ekakamo lyevi lya dhipaga aantu omayovi ogendji miitopolwa ngaashi mu India, Pakistan nosho wo momudhingoloko gwaahoka.Oshiwike sha zi ko, Egumbo Etiyali lyOpashigwana olya li lya gandja edhiladhilo kutya Namibia na tume etumwalaka lyomahekeleko ku mboka ya gumwa kekakamo lyevi ndyoka lya dhipaga omayovi gaantu nokuthiga oomiliyuna odhindji yaa na omagumbo.