Montopa ya Shakati mwa sila natango omukalimo gumwe

E FEKELO ndyoka lya li po kutya montopa ya Shakati otashi omwa fa mwiiyumbila omuntu okupendukila mEtitatu lyoshiwike shika, lya ninga lyoshili, sho Opolisi ya Shakati ya kutha mo omudhimba gwa meme gumwe ongula yohela.

Omupopiliko gwOpolisi mOshitopolwa sha Shana Konstabela Jonas Slogan Matheus, ta ti efekelo ndyoka lya li po kutya otashi vulika meme Flodina Theofelus (47) gwomOkakukiipupu popepi nOshakati, i yumbila momeya pontopa mpoka ongulohi yEtiyali lyoshiwike shika, olyoshili, sho Opolisi ongula yohela ya lopotelwa kutya momeya gopontopa mpoka omu na omudhimba, nashi ya yi po, oya kutha mo omudhimba ngoka konima gwa dhimbululwa kutya ogwa Flodina Theofelus. Ongula yEtitatu lyoshiwike shika pontopa mpoka opwa li pwiitsuwa oongaku dhoshikiintu, oshikayiwa nombindja, shoka sha eta okafekela kutya montopa moka omwiiyumbila omuntu.Opolisi oya yi niizalomwa mbyoka nokutseyitha mOradio kutya oyi na iizalomwa ye yi kutha pontopa, tashi vulika yomuntu i iyumbila momeya.Aanona ya ya meme Flodina, sho ya uvu elaka mOradio, yo ya dhimbulula kutya meme gwawo kaye shi mpoka a ya, oya yi kOpolisi noya dhimbulula kutya iizalomwa mbyoka oya meme gwawo.Opolisi oya kala nee tayi konaakona.Tayi ti kutya omeya ngoka oga nyata noga nika oshiponga, na inayi ya mo kwali.Oya tegelele nee yi tale nge omudhimba tagu ya kombanda.Sarah Josef gwoomvula 23, gumwe gwomaanona ya nakusa meme Flodina, okwa hokololela The Namibian kutya meme gwawo nguka omathimbo ga zi ko okwa kala ta nyenyeta noonkondo, e uvite uudhigu konkalo yegumbo, unene tuu kombinga yuunona uuthigwa, wa valwa kaamwayina yaali mboka ya sa nale noku li oye te wu tekula.”Meme, ina hokanwa, ka longa nokwa kala aluhe shili ta nyenyeta omolu onkalo moka e li mo,” Sarah ta hokololele The Namibian ngawo.Ta ti kutya tate gwawo Josef Malumbu oku na egumbo lye nOfamili ye kOshaanda na osha fa ita vulu we naanaa oku ya kwathela moompumbwe ye dhi na dhesiku kehe.Ta ti megumbo lyawo moka ya kala na meme gwawo oye li mo yahamano kokanona ke, ano ka Sarah, komvula yimwe noomwedhi ne, nohaya kala ngaa ye na uudhigu okwiimonena iipalutha.Kepulo okwa ti, yo oyOngeleka ya Kastoolika ka Roma mOshakati.Ohela The Namibian okwa kundana kutya Sarah, sho sha zi mo nawa kutya meme gwawo oye a sila momeya pontopa mpoka, okwa haluka noonkondo nokwiihata po.Ta falwa meendelelo kOshipangelo shEpangelo sha Shakati hoka e li ta mono epango pethimbo ndika.Flodina oku li omuntu omutitatu nuumvo ta si sho i iyumbile momeya gopontopa yomOshakati, noku li omutihetatu lwaampoka gwomaantu mboka yi ikutha omwenyo sho yi umbile momeya kohi yontopa ndjoka.Oyendji otaya kElelo lya Shakati nokOpolisi ya ninge po sha pontopa mpoka, manga oyendji inayi iyumbila mo.Kansela gwa Shakatiuzilo tate Loth Kuushomwa mokuuva onkalo moka nakusa meme Flodina a li, na tashi vulika oyo ya eta eikuthomwenyo lye ngeyi, okwa ningi eindilo lya thina moshigwana kutya, oshigwana nashi kale tashi popi mo omaudhigu gasho.Kansela mElelo lya Ndangwa tate Peter Shituula, naye okwa popi nga Kansela Kuushomwa.Ta ti oshigwana oshi na aawiliki yasho yopaendondo dhi ili nodhi ili, na nashi kale tashi fala omaudhigu gasho kuyo, opo kutalike kutya otaga kandulwa po ngiini, shi vulithe sho tashi idhipaga shoshene ngeyi.Ongula yEtitatu lyoshiwike shika pontopa mpoka opwa li pwiitsuwa oongaku dhoshikiintu, oshikayiwa nombindja, shoka sha eta okafekela kutya montopa moka omwiiyumbila omuntu.Opolisi oya yi niizalomwa mbyoka nokutseyitha mOradio kutya oyi na iizalomwa ye yi kutha pontopa, tashi vulika yomuntu i iyumbila momeya.Aanona ya ya meme Flodina, sho ya uvu elaka mOradio, yo ya dhimbulula kutya meme gwawo kaye shi mpoka a ya, oya yi kOpolisi noya dhimbulula kutya iizalomwa mbyoka oya meme gwawo.Opolisi oya kala nee tayi konaakona.Tayi ti kutya omeya ngoka oga nyata noga nika oshiponga, na inayi ya mo kwali.Oya tegelele nee yi tale nge omudhimba tagu ya kombanda.Sarah Josef gwoomvula 23, gumwe gwomaanona ya nakusa meme Flodina, okwa hokololela The Namibian kutya meme gwawo nguka omathimbo ga zi ko okwa kala ta nyenyeta noonkondo, e uvite uudhigu konkalo yegumbo, unene tuu kombinga yuunona uuthigwa, wa valwa kaamwayina yaali mboka ya sa nale noku li oye te wu tekula.”Meme, ina hokanwa, ka longa nokwa kala aluhe shili ta nyenyeta omolu onkalo moka e li mo,” Sarah ta hokololele The Namibian ngawo.Ta ti kutya tate gwawo Josef Malumbu oku na egumbo lye nOfamili ye kOshaanda na osha fa ita vulu we naanaa oku ya kwathela moompumbwe ye dhi na dhesiku kehe.Ta ti megumbo lyawo moka ya kala na meme gwawo oye li mo yahamano kokanona ke, ano ka Sarah, komvula yimwe noomwedhi ne, nohaya kala ngaa ye na uudhigu okwiimonena iipalutha.Kepulo okwa ti, yo oyOngeleka ya Kastoolika ka Roma mOshakati.Ohela The Namibian okwa kundana kutya Sarah, sho sha zi mo nawa kutya meme gwawo oye a sila momeya pontopa mpoka, okwa haluka noonkondo nokwiihata po.Ta falwa meendelelo kOshipangelo shEpangelo sha Shakati hoka e li ta mono epango pethimbo ndika.Flodina oku li omuntu omutitatu nuumvo ta si sho i iyumbile momeya gopontopa yomOshakati, noku li omutihetatu lwaampoka gwomaantu mboka yi ikutha omwenyo sho yi umbile momeya kohi yontopa ndjoka.Oyendji otaya kElelo lya Shakati nokOpolisi ya ninge po sha pontopa mpoka, manga oyendji inayi iyumbila mo.Kansela gwa Shakatiuzilo tate Loth Kuushomwa mokuuva onkalo moka nakusa meme Flodina a li, na tashi vulika oyo ya eta eikuthomwenyo lye ngeyi, okwa ningi eindilo lya thina moshigwana kutya, oshigwana nashi kale tashi popi mo omaudhigu gasho.Kansela mElelo lya Ndangwa tate Peter Shituula, naye okwa popi nga Kansela Kuushomwa.Ta ti oshigwana oshi na aawiliki yasho yopaendondo dhi ili nodhi ili, na nashi kale tashi fala omaudhigu gasho kuyo, opo kutalike kutya otaga kandulwa po ngiini, shi vulithe sho tashi idhipaga shoshene ngeyi.