Minista Kamwi a talela po Iipangelo mOshitopolwa sha Hangwena

O MINITSELI yUuhaku nIilonga yOnkalonawa Omundohotola Richard Kamwi, oshiwike sha zi ko okwa kala nokutalela po Iipangelo iinene yomOshitopolwa sha Hangwena ngashi shoka shEenhana, sha Ngela noshaKongo.

Oministeli oya li ya thindikilwa kAanambelewa Aakuluntu ya za mIikondo yi li itano lwaampoka yomUuministeli wUuhaku nIilonga yOnkalonawa. Pethimbo ta ningi oshigongi nAaleli yomOshitopolwa sha Hangwena, mpoka pwa li Ngoloneya Usko Nghaamwa nOmuwiliki gwUuhaku mOshitopolwa sha Hangwena, Erobeam Amundaba, minista okwa ti omasiku ga zile ko okwa ningile etalelopo lye kIipangelo yimwe nokUukilinika wumwe womOshitopolwa sha Musati, ngashi pIipandayamiti, pEpoko nopOlupandu noku adha Uupangelogona mboka wu li monkalo ombwinayi noonkondo molwashoka owa tungilwe po nalenale momimvo 1960 lwaampoka na inau opalekululwa we nande.Shoka a mono hoka, oshe mu halutha nokwa ka lombwela aanambelewa ye aakuluntu kOvenduka ya ye naye moshilongo ashihe ya ka tale onkalo moka mu na Iipangelo nUuklinika.Metitatu lya zi ko oya tamekele nee mOshipangelo sha Eenhana.mEtine taya yi kOkongo nomEtitano lya zi ko oya li mEngela, moka ya hugunina mOshitopolwa shoka sha Hangwena.Omundohotola Kamwi ta ti kutya etalelopo lye kIipangelo ndika, e ya nAanambelewa ye ayehe aakuluntu yIikondo, olyo lyotango lyoludhi nduka, hela ayile koshipundi shUuministeli wUuhaku nokuwete kutya sho taya ka mana netalelopo lyawo ndika, oshindji otashi ka kala sheendukululwa nawa miitopolwa moka, nonando itashi ka kala oshipu okuninga.Minista Kamwi ta ti kutya oya tameka mOshitopolwa sha Hangwena tango molwashoka Oshitopolwa shika pamishangwahokololo dhEpangelo osho aniwa oshithigona kwiikwawo, nonando oko kwa za Omupresidende gwoshilongo.Ta ti wo kutya oshitopolwa sha Hangwena osho sha hepekwa unene kiita shi vulithe iikwawo, onkee okuwete kutya osha pumbwa okupewa eitulomo nekwatho lyotango kIitopolwa iikwawo.Ta ti otaya ka enda nIitopolwa ayihe 13 moshilongo nokutala onkalo yUuhaku sho yi li mIitopolwa nIitopolwa.Omundohotola Kamwi ta tseyitha kutya Uuminjisteli we owa pumbwa oshimaliwa oshindji opo wu kandule po oompumbwe dhawo nokuwete kutya otashi ka kala oshiwanawa okukonaakona mo omaudhigu noompumbwe adhihe dhUuministeli we mIipangelo nomooklinika moshilongo ashihe, opo ihe nawa taka shanga omushangwahokololo e gu ukitha kOmbala yOshilongo nokOkabinete, opo uuna ta pula a pewe oshimaliwa oshindji shokukandula po oompumbwe ndhoka, Omupresidende nOkabinete ya kale ye na euvoko li li nawa noku mu pa oshimaliwa shoka ta pula.Kamwi ta ti sho a ningi Oministeli yUuhaku, okwa adha haya pewa Oomiliona mbali dhi na sha niiyenditho nomuntu owa li ashike to vulu okulanda iiyenditho iishona noshimaliwa shoka.Ta ti oku shi okupandula Epangelo, sho pethimbo ndika ha pewa Oomiliona 17 komumvo dhi na sha niiyenditho, nota vulu nee okulanda iiyenditho yokIipangelo oyindji shi vulithe nale, nonande natango inayi gwana.Ta popi wo kompumbwe yOondohotola nAapangi nokwa indile koshigwana ashihe sha Namibia shi kondje nokukumagidha aanona yi ilongele Uundohotola, opo ya kuthe po ompumbwe yOondohotola, Aapangi nAanuunongononi yalwe yuunamiti.Minista Kamwi ta indile kAawiliki yIikondo mUuhaku ya kale taya longo nuudhiginini nokukala taya gandja omauyelele kAapangi mIipangelo nomUuklinika.Kamwi ta ti wo kutya oshigwana oshi na okusilwa oshimpwiyu oshinene kombinga yuundjolowele washo.Unene tuu kombinga yekondjitho lyomikithi ngashi gwoHIV-AIDS, Opolio nOkolela.Ta gandja uusama kOmalelo gomIitopolwa nokOshikondo shokugandja omeya momikunda, kutya oshigwana oshi li po tashi nu omeya ga nyata molwashoka ngoka ga yela gomominino oga patwa, aniwa sho inaga futwa.”Oshinima shOshikondo shOmeya tashi pata omeya molwashoka aniwa inaga futwa, kashi shi oshiwanawa noshi na okumona ehulilo,” Kamwi ta popi.Omupresidende naye ine shi panda, nangame inadi shi panda.Otashi hepeke oshigwana nokuthiminika oshigwana shi nwe omeya inaga yela, sho shi kwatwe komikithi ngashi ndhoka dhookolela nosho tuu,” Kamwi ta ti.Pethimbo ta ningi oshigongi nAaleli yomOshitopolwa sha Hangwena, mpoka pwa li Ngoloneya Usko Nghaamwa nOmuwiliki gwUuhaku mOshitopolwa sha Hangwena, Erobeam Amundaba, minista okwa ti omasiku ga zile ko okwa ningile etalelopo lye kIipangelo yimwe nokUukilinika wumwe womOshitopolwa sha Musati, ngashi pIipandayamiti, pEpoko nopOlupandu noku adha Uupangelogona mboka wu li monkalo ombwinayi noonkondo molwashoka owa tungilwe po nalenale momimvo 1960 lwaampoka na inau opalekululwa we nande.Shoka a mono hoka, oshe mu halutha nokwa ka lombwela aanambelewa ye aakuluntu kOvenduka ya ye naye moshilongo ashihe ya ka tale onkalo moka mu na Iipangelo nUuklinika.Metitatu lya zi ko oya tamekele nee mOshipangelo sha Eenhana.mEtine taya yi kOkongo nomEtitano lya zi ko oya li mEngela, moka ya hugunina mOshitopolwa shoka sha Hangwena.Omundohotola Kamwi ta ti kutya etalelopo lye kIipangelo ndika, e ya nAanambelewa ye ayehe aakuluntu yIikondo, olyo lyotango lyoludhi nduka, hela ayile koshipundi shUuministeli wUuhaku nokuwete kutya sho taya ka mana netalelopo lyawo ndika, oshindji otashi ka kala sheendukululwa nawa miitopolwa moka, nonando itashi ka kala oshipu okuninga.Minista Kamwi ta ti kutya oya tameka mOshitopolwa sha Hangwena tango molwashoka Oshitopolwa shika pamishangwahokololo dhEpangelo osho aniwa oshithigona kwiikwawo, nonando oko kwa za Omupresidende gwoshilongo.Ta ti wo kutya oshitopolwa sha Hangwena osho sha hepekwa unene kiita shi vulithe iikwawo, onkee okuwete kutya osha pumbwa okupewa eitulomo nekwatho lyotango kIitopolwa iikwawo.Ta ti otaya ka enda nIitopolwa ayihe 13 moshilongo nokutala onkalo yUuhaku sho yi li mIitopolwa nIitopolwa.Omundohotola Kamwi ta tseyitha kutya Uuminjisteli we owa pumbwa oshimaliwa oshindji opo wu kandule po oompumbwe dhawo nokuwete kutya otashi ka kala oshiwanawa okukonaakona mo omaudhigu noompumbwe adhihe dhUuministeli we mIipangelo nomooklinika moshilongo ashihe, opo ihe nawa taka shanga omushangwahokololo e gu ukitha kOmbala yOshilongo nokOkabinete, opo uuna ta pula a pewe oshimaliwa oshindji shokukandula po oompumbwe ndhoka, Omupresidende nOkabinete ya kale ye na euvoko li li nawa noku mu pa oshimaliwa shoka ta pula.Kamwi ta ti sho a ningi Oministeli yUuhaku, okwa adha haya pewa Oomiliona mbali dhi na sha niiyenditho nomuntu owa li ashike to vulu okulanda iiyenditho iishona noshimaliwa shoka.Ta ti oku shi okupandula Epangelo, sho pethimbo ndika ha pewa Oomiliona 17 komumvo dhi na sha niiyenditho, nota vulu nee okulanda iiyenditho yokIipangelo oyindji shi vulithe nale, nonande natango inayi gwana.Ta popi wo kompumbwe yOondohotola nAapangi nokwa indile koshigwana ashihe sha Namibia shi kondje nokukumagidha aanona yi ilongele Uundohotola, opo ya kuthe po ompumbwe yOondohotola, Aapangi nAanuunongononi yalwe yuunamiti.Minista Kamwi ta indile kAawiliki yIikondo mUuhaku ya kale taya longo nuudhiginini nokukala taya gandja omauyelele kAapangi mIipangelo nomUuklinika.Kamwi ta ti wo kutya oshigwana oshi na okusilwa oshimpwiyu oshinene kombinga yuundjolowele washo.Unene tuu kombinga yekondjitho lyomikithi ngashi gwoHIV-AIDS, Opolio nOkolela.Ta gandja uusama kOmalelo gomIitopolwa nokOshikondo shokugandja omeya momikunda, kutya oshigwana oshi li po tashi nu omeya ga nyata molwashoka ngoka ga yela gomominino oga patwa, aniwa sho inaga futwa.”Oshinima shOshikondo shOmeya tashi pata omeya molwashoka aniwa inaga futwa, kashi shi oshiwanawa noshi na okumona ehulilo,” Kamwi ta popi.Omupresidende naye ine shi panda, nangame inadi shi panda.Otashi hepeke oshigwana nokuthiminika oshigwana shi nwe omeya inaga yela, sho shi kwatwe komikithi ngashi ndhoka dhookolela nosho tuu,” Kamwi ta ti.