Minista a popila etanutho lyopulanda ya Air Namibia

OKUTOTA kwondjila ompe ndjoka yu ukilila owala ko Europe kwehangano lyoondhila lya Air Namibia otaku ka indjipaleka omatalelopo gaapashiyoni moshilongo, shi vulithe sho Air Namibia iikwatelela owala komakonekiso goondhila dhilwe okuya kiilongo ya Europe.

Ndhika odha li dha popiwa kOministeli yEpangelo mEtine lyoshiwike sha zi ko mOvenduka. Pethimbo ta yamukula komapulo ga Johan de Waal gwoDTA mOparliamende, Ominsita yEliko Saara Kuugongelwa-Amadhila okwa popi kutya pakuyelekanitha nuunongo mboka ya mono melongitho lyoondhila, osha yela kutya okwiikwatelela komakonekiso goondhila dhilwe okukathika hoka wa hala, hasho oshinima tashi vulu okwiinekelwa monkatu yotango.”Oshinima sheningululo lya Air Namibia oshi na okutalikila momukalo ngoka kutya okutula okampani momukalo omwaanawa gwengeshefo shoka tashi ka indjipaleka wo eyo lyaapashiyoni moshilongo, omangeshefelo nosho wo okwiindjipaleka omapungulo, unene tuu moshikondo shaapashiyoni,” ta popi ngaaka.Kuugongelwa-Amadhila okwa hokolola ngeyi kutya ependulepo lyondjila ya ukilila ko London okuza mOvenduka nenge tutye Windhoek-London, oshi li shimwe sheningululo mokampani ndjika.Minista oku na etimaumbwile kutya ondjila ndjoka yu ukilila ko London okuza mOvenduka otayi ka indjipaleka iiyemo, shoka wo tashi ka ningitha okampani ndjoka hayi kanitha oshimaliwa yi kale hayi mono ovenisa.Kuugongelwa-Amadhila ta popi wo ngeyi kutya omathaneko oga ulike kutya Air Namibia ota ka kala ha udha iipundi yoondhila dhe noopelesenda omilongo 65 nosho wo omilongo 70 muule womumvo gwotango ngoka ta kutha ondjila ndjoka.Nando ongaaka ehangano ndika lyoondhila oli na andola okukala hali udha iipundi noopelesenda 77 yaantu mboka haya landa uutekete.Ondjila ndjoka okuya ko London okuza mOvenduka ndjoka ya tulwa miilonga mehuliloshiwike oyi na nale kwali oopelesenda omilongo heyali (70) dhaantu mboka ya landa uutekete.Nando nee ongaaka omwaalu nguka okwa tegelelwa gu ka gwe pevi poolesenda omilongo ndatu nandatu mu Aguste nuumvo, Kuugongelwa-Amadhila ta popi.Minista okwa gwedha po ishewe ngeyi kutya omufaalelwa kehe ota ka kotha Air Namibia oshimaliwa shi li poondola/N$3 000 momutsalo kehe mondjila ya Windhoek-London.Ondjila ndjika otayi ka pula omahooli goolitela 8 100 shoka tashi ka kotha Air Namibia oondola/N$24 988,50.Minista ta hokolola wo ngeyi kutya ethitho nenge tutye ehiilo lyondhila ya A340 300 Airbus otali pula oshimaliwa shoondola dha Amerika dhi li US$530 000 omwedhi kehe.Okwa ti ondhila ya Namibia yedhina Forkker F28-3000 ihayi eta mo nando osha shi iwetikile noya hala nokuli okuyi landitha po.Kongashiingeyi ondhila ndjoka oyi na ongushu tayi tengekelwa pokati kOondola/N$600 000 no N$700 000.Pethimbo ta yamukula komapulo ga Johan de Waal gwoDTA mOparliamende, Ominsita yEliko Saara Kuugongelwa-Amadhila okwa popi kutya pakuyelekanitha nuunongo mboka ya mono melongitho lyoondhila, osha yela kutya okwiikwatelela komakonekiso goondhila dhilwe okukathika hoka wa hala, hasho oshinima tashi vulu okwiinekelwa monkatu yotango.”Oshinima sheningululo lya Air Namibia oshi na okutalikila momukalo ngoka kutya okutula okampani momukalo omwaanawa gwengeshefo shoka tashi ka indjipaleka wo eyo lyaapashiyoni moshilongo, omangeshefelo nosho wo okwiindjipaleka omapungulo, unene tuu moshikondo shaapashiyoni,” ta popi ngaaka.Kuugongelwa-Amadhila okwa hokolola ngeyi kutya ependulepo lyondjila ya ukilila ko London okuza mOvenduka nenge tutye Windhoek-London, oshi li shimwe sheningululo mokampani ndjika.Minista oku na etimaumbwile kutya ondjila ndjoka yu ukilila ko London okuza mOvenduka otayi ka indjipaleka iiyemo, shoka wo tashi ka ningitha okampani ndjoka hayi kanitha oshimaliwa yi kale hayi mono ovenisa.Kuugongelwa-Amadhila ta popi wo ngeyi kutya omathaneko oga ulike kutya Air Namibia ota ka kala ha udha iipundi yoondhila dhe noopelesenda omilongo 65 nosho wo omilongo 70 muule womumvo gwotango ngoka ta kutha ondjila ndjoka.Nando ongaaka ehangano ndika lyoondhila oli na andola okukala hali udha iipundi noopelesenda 77 yaantu mboka haya landa uutekete.Ondjila ndjoka okuya ko London okuza mOvenduka ndjoka ya tulwa miilonga mehuliloshiwike oyi na nale kwali oopelesenda omilongo heyali (70) dhaantu mboka ya landa uutekete.Nando nee ongaaka omwaalu nguka okwa tegelelwa gu ka gwe pevi poolesenda omilongo ndatu nandatu mu Aguste nuumvo, Kuugongelwa-Amadhila ta popi.Minista okwa gwedha po ishewe ngeyi kutya omufaalelwa kehe ota ka kotha Air Namibia oshimaliwa shi li poondola/N$3 000 momutsalo kehe mondjila ya Windhoek-London.Ondjila ndjika otayi ka pula omahooli goolitela 8 100 shoka tashi ka kotha Air Namibia oondola/N$24 988,50.Minista ta hokolola wo ngeyi kutya ethitho nenge tutye ehiilo lyondhila ya A340 300 Airbus otali pula oshimaliwa shoondola dha Amerika dhi li US$530 000 omwedhi kehe.Okwa ti ondhila ya Namibia yedhina Forkker F28-3000 ihayi eta mo nando osha shi iwetikile noya hala nokuli okuyi landitha po.Kongashiingeyi ondhila ndjoka oyi na ongushu tayi tengekelwa pokati kOondola/N$600 000 no N$700 000.