Menindjela mu NBC a kuthwa miilonga

M ENINDJELA omukuluntu gwOonzo dhOpantu mehangano etumimawi mombepo lya Namibian Broadcasting Corporation (NBC), Teophilus Karipi okwa kuthwa miilonga pakathimbo.

Karipi okwa pewa elombwelo lyokuthigapo Ombelewa ye kOmukuluntuwiliki gwa NBC, Bob Kandetu mOmaandaha goshiwike shika. Kandetu oye wo a gandja ombapila yekuthomiilonga pakathimbo lya Karipi ngoka a longa mu NBC ethimbo ele.Kepulo, Karipi okwa koleke kutya okwa kuthwa shili miilonga, ta gwedhapo ngeyi kutya omatompelo ngoka ga gandjwa oga kwatathana nomukanda gwokuthigapo iilonga ngoka a li a shangelwa momumvo 2003.Okwa tindi okugandja uuyelele womuule kombinga yoshinima shika.”Inandi hala okukundathana oshinima moshigwana pethimbo ndika,” ta lombwele ngaaka The Namibian.Uuyelele wumwe mboka wa holoka momolopota ya NBC pokati komumvo 2000 sigo omumvo 2005, owa kwatela mo Karipi – shoka sha eta nokuli oshinima shika shi tulwe momake gaanaveta ya NBC.Palopota ndjoka, Karipi okwa ningi omalongekidho gokwiikutha miilonga kwe mwene nosho wo kwa yakwawo yalwe yaali.Oya li nee ya shunithwa miilonga meendelelo.Etompelo lya Karipi okuzimina omaikutho gawo miilonga pamwe nayakwawo, olya li kutya oya li ya hala okupewa oopenzela dhawo.Oshinima shika osha li sha ningwa momumvo 2003 pethimbo lyokuningulula omutungilo gwa NBC.Pethimbo ndyoka oonkatu nenge tutye opoosa odhindji odha li dha kuthwa po molwashoka odha li dha fa inadhi pumbiwa.Uuyelele mbuka owa li wa pewa wo Ominista yOmauyelele Netumbo Nandi-Ndaitwah pethimbo olopota ndjika ya longekidhilwa kehangano lya Grand Namibia mu Septemba omumvo gwa zi ko.Olopota ndjika oya li ya ningwa paindilo lyOmbelewa yOmuyaluli-Ndjayi.Ehangano lyaayaluli olya koleke kutya yaali yomaaniilonga oya mona nale oopenzela dhawo, omanga uuyelele kombinga ya gumwe inau kolekwa natango kwali,” Omininsta osho ya li ya tseyithilwa ngaaka.Minista okwa tseyithilwa wo kutya oshinima shoka osha tulwa nale momake gaanaveta ya NBC.Kepulo ngele oshinima shoka otashi vulika osho sha eta a kuthwe miilonga, Karipi okwa yamukula ta ti: “Osha fa osho li ngaaka.””Osha yela kutya opu na omafatululo ogendji.Oshinima shika osha kuthwa momukalo moka sha li shi na okukala, nopu na nee ompumbwe okushi shunitha momukalo moka shi na okukala.”Opu na iikonga yontumba tayi ningwa,” Karipi ta tamaneke ngaaka.Oonkambadhala adhihe okumona andola okomenda okuza kOmukuluntuwiliki gwaNBC Bob Kandetu odha hulile muunyengwi sigo opethimbo oshinyolwa shika tashi yi koshinyanyangidho.Omunashipundi gwOlaata ya NBC Ponhele ya Frans naye okwa li aniwa pondje ya Venduka, aashike inatu vula okumumona opo andola agandje okomenda modhinima shika.Kandetu oye wo a gandja ombapila yekuthomiilonga pakathimbo lya Karipi ngoka a longa mu NBC ethimbo ele.Kepulo, Karipi okwa koleke kutya okwa kuthwa shili miilonga, ta gwedhapo ngeyi kutya omatompelo ngoka ga gandjwa oga kwatathana nomukanda gwokuthigapo iilonga ngoka a li a shangelwa momumvo 2003.Okwa tindi okugandja uuyelele womuule kombinga yoshinima shika.”Inandi hala okukundathana oshinima moshigwana pethimbo ndika,” ta lombwele ngaaka The Namibian.Uuyelele wumwe mboka wa holoka momolopota ya NBC pokati komumvo 2000 sigo omumvo 2005, owa kwatela mo Karipi – shoka sha eta nokuli oshinima shika shi tulwe momake gaanaveta ya NBC.Palopota ndjoka, Karipi okwa ningi omalongekidho gokwiikutha miilonga kwe mwene nosho wo kwa yakwawo yalwe yaali.Oya li nee ya shunithwa miilonga meendelelo.Etompelo lya Karipi okuzimina omaikutho gawo miilonga pamwe nayakwawo, olya li kutya oya li ya hala okupewa oopenzela dhawo.Oshinima shika osha li sha ningwa momumvo 2003 pethimbo lyokuningulula omutungilo gwa NBC.Pethimbo ndyoka oonkatu nenge tutye opoosa odhindji odha li dha kuthwa po molwashoka odha li dha fa inadhi pumbiwa.Uuyelele mbuka owa li wa pewa wo Ominista yOmauyelele Netumbo Nandi-Ndaitwah pethimbo olopota ndjika ya longekidhilwa kehangano lya Grand Namibia mu Septemba omumvo gwa zi ko.Olopota ndjika oya li ya ningwa paindilo lyOmbelewa yOmuyaluli-Ndjayi.Ehangano lyaayaluli olya koleke kutya yaali yomaaniilonga oya mona nale oopenzela dhawo, omanga uuyelele kombinga ya gumwe inau kolekwa natango kwali,” Omininsta osho ya li ya tseyithilwa ngaaka.Minista okwa tseyithilwa wo kutya oshinima shoka osha tulwa nale momake gaanaveta ya NBC.Kepulo ngele oshinima shoka otashi vulika osho sha eta a kuthwe miilonga, Karipi okwa yamukula ta ti: “Osha fa osho li ngaaka.””Osha yela kutya opu na omafatululo ogendji.Oshinima shika osha kuthwa momukalo moka sha li shi na okukala, nopu na nee ompumbwe okushi shunitha momukalo moka shi na okukala.”Opu na iikonga yontumba tayi ningwa,” Karipi ta tamaneke ngaaka.Oonkambadhala adhihe okumona andola okomenda okuza kOmukuluntuwiliki gwaNBC Bob Kandetu odha hulile muunyengwi sigo opethimbo oshinyolwa shika tashi yi koshinyanyangidho.Omunashipundi gwOlaata ya NBC Ponhele ya Frans naye okwa li aniwa pondje ya Venduka, aashike inatu vula okumumona opo andola agandje okomenda modhinima shika.