Meekulu Justina Mbwalala a fumvikwa kengathithi enene

O MUKALIMO a tseyika nawa gwomomukunda Oshihole mOnesi mUukolonkadhi mOshitopolwa sha Musati kuku Justina Ndakwafelwa Mbwalala, a tseyika wo nawa nedhina “Gwanghifi” ngoka a manene oondjenda dhe meti 25 Aguste 2007 okwa fumvikwa kengathithi enene pomawendo ga Nesi ngoka ge li momuthitu gwaTshishele mOlyomakaya ga zi ko.

Kuku Gwanghifi okwa hulithile mOshipangelo shEpangelo mOshakati mepipi lyomimvo omilongo hetatu nantano (85) konima yuuwehame. Kuku Gwanghifi, okwa kala omukwathi mEtumo lyOngeleka Onkwaevangeli Paluuteli mOnooli.”Nakusa oya li ya pewa omagano gaanona ye li omulongo nayatatu (13) ashike gumwe gwomuyo, ina tumwa, noya kala naanona omulongo nayaali (12) mboka yane yomuyo ya hulitha ngashiingeyi, nopu na nee yahetatu,” Omusita Mateus Ampweya ta lombwele The Namibian ngaaka ohela.Pahokololo, kuku Gwanghifi oya li ya valwa yahetatu, ashike yahamano moka naye a kwatelwa mo, oya hulitha, ngashiingeyi opwa thigala nee yaali.Okwa thiga ko omusamane gwe tatekulu Melkisedek Mbwalala, ngoka a kala omulongisikola nosho wo omulongi mEtumo, oyana mboka aatekulu nuutekulululwa.Oshituthifumviko she osha ningwa ngaa okuzilila mOngeleka ya Nesi ngaashi sha li sha tseyithwa nale.Egalikano neyapulo lyomudhimba oya ningwa kOmusita gwEgongalo lyaNesi, ano kOmusita Mateus Ampweya.Oshituthi sha nakusa Gwanghifi osha li sha wilikwa koshitenya she Herman Ausiku, ku meme Julia Nakahwa Iilonga nosho wo ku tate Matti Awala.Oshituthihupulutho she osha ningwa komatango gEtitano pegumbo lyawo pOshihole, nokufumvikwa nee mOlyomakaya okuzilila mOngeleka yawo pOnesi.Oshifo shetu otashi gandja omahekeleko koonakuthigwapo atuheni.Kuku Gwanghifi, okwa kala omukwathi mEtumo lyOngeleka Onkwaevangeli Paluuteli mOnooli.”Nakusa oya li ya pewa omagano gaanona ye li omulongo nayatatu (13) ashike gumwe gwomuyo, ina tumwa, noya kala naanona omulongo nayaali (12) mboka yane yomuyo ya hulitha ngashiingeyi, nopu na nee yahetatu,” Omusita Mateus Ampweya ta lombwele The Namibian ngaaka ohela. Pahokololo, kuku Gwanghifi oya li ya valwa yahetatu, ashike yahamano moka naye a kwatelwa mo, oya hulitha, ngashiingeyi opwa thigala nee yaali.Okwa thiga ko omusamane gwe tatekulu Melkisedek Mbwalala, ngoka a kala omulongisikola nosho wo omulongi mEtumo, oyana mboka aatekulu nuutekulululwa.Oshituthifumviko she osha ningwa ngaa okuzilila mOngeleka ya Nesi ngaashi sha li sha tseyithwa nale.Egalikano neyapulo lyomudhimba oya ningwa kOmusita gwEgongalo lyaNesi, ano kOmusita Mateus Ampweya.Oshituthi sha nakusa Gwanghifi osha li sha wilikwa koshitenya she Herman Ausiku, ku meme Julia Nakahwa Iilonga nosho wo ku tate Matti Awala.Oshituthihupulutho she osha ningwa komatango gEtitano pegumbo lyawo pOshihole, nokufumvikwa nee mOlyomakaya okuzilila mOngeleka yawo pOnesi.Oshifo shetu otashi gandja omahekeleko koonakuthigwapo atuheni.