Mboka ya fundja moshipotha sha Avid-SSC naya tamanekwe: Ompangu tayi ti

O MUTAMANEKI-NDJAYI na ningile iipotha mboka ya fundja mOmpangu pethimbo lyomapulapulo moshipotha shekano lyoshimaliwa shoomiliyuna odhindji dha Social Security Commission (SSC) shoka sha kanene mu Avid Investment Corporation, ngoka a li Omupanguli gwOpakathimbo Raymond Heathcote ta ti ngaaka.

Okampani ya SSC oya li ya gandja oomiliyuna omilongo ndatu (N$30 million) dhi ka pungulwe mu Avid Investment kuyele nuumvo noshimaliwa shoka osha li shi na okushunithwa konima yoomwedhi ne ngele sha vala. Konima yoomwedhi ndatu sho omapulapulo ga pu, Omupanguli Heathcote okwa manitha nokushaina olopota ye moka a gandja wo epopilo lye kutya oshike tashi vulu okuningwa po.Okwa ningi epopilo limwe ashike olya kindja noonkondo ndyoka tashi vulika li ka dhitikithe nokuli yamwe yomwaamboka ya li taya gandja uumbangi mOmpangu yOpombanda pethimbo lyomapulapulo moshipotha shika.Heathcote okwa popi ngeyi kutya yamwe yomoonakupulapulwa oye mu lombwele dhanakalindi (iifundja) mOmpangu.Okwa gandja omayele ngoka kutya omishangwa ndhoka dha ningwa mOmpangu yOpombanda komeho ge pethimbo aantu mboka taya gandja uumbangi nadhi pewe Omutamaneki-Ndjayi opo a ninge etokolo lya yela ngele ota vulu okutamaneka yamwe yomaagandji yuumbangi.Mboka ya li aawiliki mu Avid Investment oye li petameko lyomusholondondo gwaantu mboka ya li taya gandja uumbangi mOmpangu ndjika yOpombanda.Mboka oya kwatela mo nee ngoka a li nale Ominista yIiyenditho nOmakwatathano (a li wo omuwiliki mu Avid) Paulus Kapia, ngoka a li nale Amushanga-Ndjayi gwopakathimbo gwa National Youth Council (NYC) Ralph Blaauw, omunaveta Otniel Podewiltz ngoka a kutwa mUuministeli wAaaniilonga, ngoka a li nale Omunashipundi gwOlaata ya Avid Inez /Gases nosho wo nakusa Lazarus Kandara ngoka a li omukuluntuwiliki gwa Avid Investment.Omapulapulo mOmpangu yOpombanda oga li ga ningwa nelalakano ku monike kutya oshimaliwa shoomiliyuna odhindji shoka SSC a ningi etokolo okupungula mu Avid Investment uule woomwedhi ne okuza pehulilo lya Januali oshi li naanaa peni.Ndhika odha li dha popiwa kOmupanguli gwopakathimbo pethimbo ndyoka Heathcote molopota ye yomapandja omulongo naga hetatu (18).Olopota ndjika oya pu nokupitithwa omasiku ga zi ko.Molwashoka aantu yamwe mboka ya li ya ithanwa opo ya gandje uumbangi mOmpangu kombinga yaampoka pwa kanene oshimaliwa sha SSC, oya popi iifundja iitokele omanga yamwe inaya popya oshili shuudha, omapopyo gawo oga yi moshipala omulandu gwokumona kutya oshimaliwa shika oshi li naanaa peni.Ngashiingeyi Omutamaneki-Ndjayi oku na nee okukonakona nokusokona olopota ndjika opo a ninge etokolo lye ngele otapu vulu okutamanekwa omuntu sho a fundju mOmpangu nenge ongiini, ta popi ishewe ngaaka.Ngele Omutamaneki okwa ningi etokolo okutamaneka omuntu sho a fundju komeho gOmpangu, omuntu ngoka e ta monika ondjo mOmpangu sho a fundju, “nena omuntu ngoka na geelwe lela paveta,” Heathcote ta popi.”Iifundja komeho gOmpangu inayi talika ko kutya ‘oshipotha sha nathangwa’, na ngele osho tashi talika ngaaka, nena otashi ti kutya onakuyiwa ya Namibia otayi ka tokolwa kiinima yilwe yaashi oshili,” Heathcote ta popi.Omupanguli Heathcote okwa li a ningi etokolo okuninga omapulapulo mOmpangu yOpombanda kombinga yekano lyoshimaliwa shoomiliyuna odhindji dha SSC ndhoka dha kenene mu Avid Investment.Shika Heathcote okwe shi ningi konima sho omunaveta gwa SSC a ningi eindilo mOmpangu yopombanda momasiku 12 ga Juli kutya Avid na patwe pakathimbo molwashoka okwa ndopa oku shunitha oshimaliwa she shoomiliyuna omilongo ndatu.Omapulapulo ngoka oga li ga ningwa pakatendo okati 417 kOveta yOokampani (Companies Act) hoka ka gandja oonkondo kOmpangu yOpombanda okwiithana omuntu kehe taku popiwa kutya okwa kutha ombinga mekorapto lyokampani yontumba.Okatendo oko tuu hoka otaka hokolola nawa kutya omuntu kehe otashi vulika a pulwe a gandje uuyelele nando nee uuyelele mboka tashi vulika wu mu mangithe mwene.Konima yoomwedhi ndatu sho omapulapulo ga pu, Omupanguli Heathcote okwa manitha nokushaina olopota ye moka a gandja wo epopilo lye kutya oshike tashi vulu okuningwa po.Okwa ningi epopilo limwe ashike olya kindja noonkondo ndyoka tashi vulika li ka dhitikithe nokuli yamwe yomwaamboka ya li taya gandja uumbangi mOmpangu yOpombanda pethimbo lyomapulapulo moshipotha shika.Heathcote okwa popi ngeyi kutya yamwe yomoonakupulapulwa oye mu lombwele dhanakalindi (iifundja) mOmpangu.Okwa gandja omayele ngoka kutya omishangwa ndhoka dha ningwa mOmpangu yOpombanda komeho ge pethimbo aantu mboka taya gandja uumbangi nadhi pewe Omutamaneki-Ndjayi opo a ninge etokolo lya yela ngele ota vulu okutamaneka yamwe yomaagandji yuumbangi.Mboka ya li aawiliki mu Avid Investment oye li petameko lyomusholondondo gwaantu mboka ya li taya gandja uumbangi mOmpangu ndjika yOpombanda.Mboka oya kwatela mo nee ngoka a li nale Ominista yIiyenditho nOmakwatathano (a li wo omuwiliki mu Avid) Paulus Kapia, ngoka a li nale Amushanga-Ndjayi gwopakathimbo gwa National Youth Council (NYC) Ralph Blaauw, omunaveta Otniel Podewiltz ngoka a kutwa mUuministeli wAaaniilonga, ngoka a li nale Omunashipundi gwOlaata ya Avid Inez /Gases nosho wo nakusa Lazarus Kandara ngoka a li omukuluntuwiliki gwa Avid Investment.Omapulapulo mOmpangu yOpombanda oga li ga ningwa nelalakano ku monike kutya oshimaliwa shoomiliyuna odhindji shoka SSC a ningi etokolo okupungula mu Avid Investment uule woomwedhi ne okuza pehulilo lya Januali oshi li naanaa peni.Ndhika odha li dha popiwa kOmupanguli gwopakathimbo pethimbo ndyoka Heathcote molopota ye yomapandja omulongo naga hetatu (18).Olopota ndjika oya pu nokupitithwa omasiku ga zi ko.Molwashoka aantu yamwe mboka ya li ya ithanwa opo ya gandje uumbangi mOmpangu kombinga yaampoka pwa kanene oshimaliwa sha SSC, oya popi iifundja iitokele omanga yamwe inaya popya oshili shuudha, omapopyo gawo oga yi moshipala omulandu gwokumona kutya oshimaliwa shika oshi li naanaa peni.Ngashiingeyi Omutamaneki-Ndjayi oku na nee okukonakona nokusokona olopota ndjika opo a ninge etokolo lye ngele otapu vulu okutamanekwa omuntu sho a fundju mOmpangu nenge ongiini, ta popi ishewe ngaaka.Ngele Omutamaneki okwa ningi etokolo okutamaneka omuntu sho a fundju komeho gOmpangu, omuntu ngoka e ta monika ondjo mOmpangu sho a fundju, “nena omuntu ngoka na geelwe lela paveta,” Heathcote ta popi.”Iifundja komeho gOmpangu inayi talika ko kutya ‘oshipotha sha nathangwa’, na ngele osho tashi talika ngaaka, nena otashi ti kutya onakuyiwa ya Namibia otayi ka tokolwa kiinima yilwe yaashi oshili,” Heathcote ta popi.Omupanguli Heathcote okwa li a ningi etokolo okuninga omapulapulo mOmpangu yOpombanda kombinga yekano lyoshimaliwa shoomiliyuna odhindji dha SSC ndhoka dha kenene mu Avid Investment.Shika Heathcote okwe shi ningi konima sho omunaveta gwa SSC a ningi eindilo mOmpangu yopombanda momasiku 12 ga Juli kutya Avid na patwe pakathimbo molwashoka okwa ndopa oku shunitha oshimaliwa she shoomiliyuna omilongo ndatu.Omapulapulo ngoka oga li ga ningwa pakatendo okati 417 kOveta yOokampani (Companies Act) hoka ka gandja oonkondo kOmpangu yOpombanda okwiithana omuntu kehe taku popiwa kutya okwa kutha ombinga mekorapto lyokampani yontumba.Okatendo oko tuu hoka otaka hokolola nawa kutya omuntu kehe otashi vulika a pulwe a gandje uuyelele nando nee uuyelele mboka tashi vulika wu mu mangithe mwene.