Maamberua a ninga Omupresidende gwoSwanu

O NGUNDU yopapolitika yonale kwaadhihe mu Namibia yoSwanu, oya hogolola ngoka a li nale Amushanga omukuluntu mUuministeli wIimaliwa Usutuaije Maamberua a ninge Omupresidende gwawo.

Maamberua okwa li a hogololwa pOkongresa onti: 12 yoSwanu ya li ko mehuliloshiwike lya zi ko. Ongundu ndjika oya li ya totwa po momumvo 1959.Omundohotola Rihupisa Kandando, ngoka a li nale Omupresidende gwopaati ndjika, okwa ningwa Amushanga gwopashigwana gwo Swanu.”Tse otwe shi itaala ko notu na einekelo kutya Aanamibia otaya ka hogolola Swanu a ninge Epangelo,” Maamberua osho a lombwele iikundaneki ngaaka mOsoondaha.Okwa ti yo inaya tala Swanu ong’ongundu yompilameno, ihe oyi li ong’ongundu tayi ka pangela monakuyiwa.Maamberua, ngoka ngashiingeyi ha gandja ootundi mOyunivesiti ya Namibia okwa ti Epangelo lyoSwanu ota li ka gandja elongo oshali kAanamibia ayehe sigo omiiputudhilo yopombanda.Epangelo lyoSwanu otali ka gandja wo aniwa evi ku mboka ye li pumbwa, tali ka gwedhela oshimaliwa shopenzela, tali ka shunitha pevi omukithi gwoHIV-AIDS nokweetapo oompito dhiilonga.Ta ti, Epangelo lyoSwanu otali ka indila wo Ndowishi a fute Aanamibia mboka ya monithwa iihuna pethimbo lyEpangelo lyuukoloni wa Ndowishi mu Namibia.Yamwe mboka ya li ya pewa iipundi moSwanu oyo Barend de Klerk, ngoka mono oshipundi shUupevipresidende wIikwapolitika, Omundohotola Tangeni Iiyambo (Amushanga-Ndjayi) na Tjimbongoro Marenga (Omupevi gwa Iiyambo).Horombi Kambaekwa okwa ningwa Amushanga gwIinewe omanga Khamaster Ndukireepo e li omupeha gwe.Omundohotola Rukee Tjingaete, ngoka li nale Omupevikuluntu gwOshikondo shOmatalelopo mUuministeli wEgameno lyUuntshitwe nOmatalelopo, okwa pewa oshinakugwanithwa shokuuungaunga niinima yomahogololo na omupeha gwe oye Unaani Kauami.Opoosa yOmupevipresidende omutiyali kayi na natango omuntu.Ongundu ndjika oya kala tayi nyengwa okumona aayambidhidhi okuza pemanguluko lyoshilongo, ihe oya li ngaa ya mono oshipundi mElelo lyoshitopolwa sha Maheke momumvo 2004.Ongundu ndjika oya li ya totwa po momumvo 1959.Omundohotola Rihupisa Kandando, ngoka a li nale Omupresidende gwopaati ndjika, okwa ningwa Amushanga gwopashigwana gwo Swanu.”Tse otwe shi itaala ko notu na einekelo kutya Aanamibia otaya ka hogolola Swanu a ninge Epangelo,” Maamberua osho a lombwele iikundaneki ngaaka mOsoondaha.Okwa ti yo inaya tala Swanu ong’ongundu yompilameno, ihe oyi li ong’ongundu tayi ka pangela monakuyiwa.Maamberua, ngoka ngashiingeyi ha gandja ootundi mOyunivesiti ya Namibia okwa ti Epangelo lyoSwanu ota li ka gandja elongo oshali kAanamibia ayehe sigo omiiputudhilo yopombanda.Epangelo lyoSwanu otali ka gandja wo aniwa evi ku mboka ye li pumbwa, tali ka gwedhela oshimaliwa shopenzela, tali ka shunitha pevi omukithi gwoHIV-AIDS nokweetapo oompito dhiilonga.Ta ti, Epangelo lyoSwanu otali ka indila wo Ndowishi a fute Aanamibia mboka ya monithwa iihuna pethimbo lyEpangelo lyuukoloni wa Ndowishi mu Namibia.Yamwe mboka ya li ya pewa iipundi moSwanu oyo Barend de Klerk, ngoka mono oshipundi shUupevipresidende wIikwapolitika, Omundohotola Tangeni Iiyambo (Amushanga-Ndjayi) na Tjimbongoro Marenga (Omupevi gwa Iiyambo).Horombi Kambaekwa okwa ningwa Amushanga gwIinewe omanga Khamaster Ndukireepo e li omupeha gwe.Omundohotola Rukee Tjingaete, ngoka li nale Omupevikuluntu gwOshikondo shOmatalelopo mUuministeli wEgameno lyUuntshitwe nOmatalelopo, okwa pewa oshinakugwanithwa shokuuungaunga niinima yomahogololo na omupeha gwe oye Unaani Kauami.Opoosa yOmupevipresidende omutiyali kayi na natango omuntu.Ongundu ndjika oya kala tayi nyengwa okumona aayambidhidhi okuza pemanguluko lyoshilongo, ihe oya li ngaa ya mono oshipundi mElelo lyoshitopolwa sha Maheke momumvo 2004.