OMUPANGI omukulu gwomEenhana mOukwanyama mOshitopolwa sha Hangwena,Leefa Shikongo, a tseyika nedhina Wakailele, okwa manene oondjenda dhe mOshipangelo shEpangelo sha Shakati, Omaandaha goshiwike shika (24.10.2011) konima yuuwehame nomepipi lyomimvo omilongoheyali nahetatu (78).
Nakusa,Leefa Shikongo, ngoka pakuvalwa kwe oye Leefa ya Timotheus Ndilula, mOhaingu mOukwanyama, okwa li omukulukadhi gwOmulongisikola omukulu gwomEenhana moka, Daniel Shikongo. Ta kala wo a tseyika nedhina Mukwanambwa waShikongo. Oyendji otaye mu hokolola a li omunambili, omusimaneki gwakehe gumwe, omwiidhidhimiki, omutekuli, omugandjimayele kamana nomuntu gwaayehe. Iilonga yuupangi mbyoka a tameke momimvo dhomilongontano okwa longele naapangi yaaSoomi ngashi, Maija-Liisa Teusanen, oyendji natango otaye mu hepulula a li omupangi omunambili, omunandjungu miilonga.Nakusa, Leefa, ngoka wo a kala omukwatakanithikumwe gwaayehe mofamili yawo, mezimo lye nolyomusamane gwe noshowo momukunda gwawo moka,okwa thiga ko omusamane gwe, Daniel Shikongo, oyana yahamano,noshowo uutekulu oundji. Nakusa, Leefa oyinamweno gwaMeya yOndoolopa yEenhana, Julia Shikongo na Omumwahekadhona gwa Kaansela omukulu gwOshikandjohogololo sha Ngela, Urias Nghidipohamba Ndilula, Mwahafa Ndilula nayakwawo yalwe. Otaku hokololwa kutya nakusa, Leefa ye mwene okwa li e yile kOshituthi shoomvula ethele dhOshipangelo sha Nandjokwe meti 24 Septemba 2011 pOnandjokwe mpoka sho a hakukilwa komukithi nguka gwe mu faalele konima yomwedhi. Okwa li a taambelewa mOshipangelo sha Nandjokwe esiku ndyoka nokwa lundululilwa kwaashoka shEpangelo sha Shakati mesiku lya landula hoka a kala nee ta pangwa uule wethimbo alihe ndyoka. Oshituthidhimbuluko she oshiliko metitano komatango pegumbo lyawo, omanga oshituthi fumviko she otashi ka ningwa olyomakaya ngaka oku ziilila megongalo lyongelki yEvangeli paLutheri yomoNamibia [ELCIN] mEenhana moshitopolwa Ohangwena.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
