kOkongo nako okwa valwa elongo nuumvo

O NKUNDANA ye tu zilila kOshipangelo sha Kongo mOukwanyama mOshitopolwa sha Hangwena, otayi ti kutya namo mOshipangelo mmoka meti 29 Auguste 2006 omwa monikile elongo, ano uunona utatu oshita, wa valwa ku meme Taimi Handjaba gwoomvula 21, a zile momukunda Oshiti-shiwa mOukwanyama tuu moka.

Oshiti-shiwa, otaku hokololwa kutya, sho gwa kala, omukunda gwomagadhi/omalonga goonyiki nomauwanawa ogendji. Sha yela kutya nani nelongo otali vulu okuza mo ngashi lya monika mo ngeyi.Ndhika odha lombwelwa Oshifo shika kOmukuluntu gwOshipangelo sha Kongo Seesitela Martha Kapulwa.Seesitela Kapulwa ta ti kutya uunona mbuka utatu, okamati kamwe nuukadhona uyali, sho wa monika ngeyi, aapangi moshipangelo sha Kongo oye wu pe omadhina.Okamati oye ka luku Michael, okakadhona kamwe taye ka luku Martha nakakwawo oMaria.Tate gwuunona mbuka, wa valwa wa kola nawa lela wu na oshiviha shoopala, oye Wilhelm Shomongula.Tate Shomongula oshowo meme Taimi kaye na iilonga yasha onkee oye uvite kutya oya pumbwa shili ekwatho mokutekulu nokukokeka uunona wawo mbuka.Nuumvo moNooli omwa kala tamu monika omalongo, unene tuu mIipangelo ngashi mOshakati nOnandjokwe noshowo nee mwaashoka shaKongo nee ngeyi.Koshipangelo shEpangelo sha Shakati okwa monika elongo meti 2 Auguste nuumvo sho meme omugundjuka gwoomvula 29 Cecilia Paulus gwokomukunda Omaadi popepi nOhaingu mOukwanyama mOshitopolwa sha Hangwena, a monene aamati yaali nokakadhona kamwe.Oomeme aagundjuka yatatu, Abia Edhiya gwoomvula 32 gwomomukunda Onakiidhi popepi nOntananga mOndonga mOshitopolwa sha Shikoto noshowo Mirjam Nambahu gwoomvula 29 gwokomukunda Ondando/Oniipa mOshitopolwa shaShikoto na Martha Angula gwoomvula 22 gwomondoolopa ya Shifo moRuacana mOshitopolwa sha Musati, oya pewa omagano guunona utatu.Ye wu monene mOshipangelo sha Nandjokwe.Meme Abia, ngoka a patulula omalongo nuumvo moNooli, ano meti 18 Apilili 2006 mOshipangelo sha Nandjokwe moka, okwa pewa omagano gaamati yaali nokakadhona kamwe, e wu mono nomusamane gwe tate Gabriel Nakale noye wu luku Naatan Panduleni Shekupe, Sylvanus Kotokeni Shatipamba na Loide Ndeshiihaluka Ndeshipanda.Martha Angula okwa mono elongo lyuumati utatu meti 29 Auguste 2006.Aamati ye mbaka, e ya mono nomuholike gwe Andreas Amutenya, ha longele kOmbaye, oye ya luku Nehale, Nangolo na Kambonde.Meti 4 Septemba 2006 meme Marianne Nambahu gwoomvula 29 naye okwa mono aamati ye yatatu, ano a mono wo naye elongo mOshipangelo sha Nandjokwe moka, noye ya luku Twapewa, Atuhe na Omagano.Matrona gOshipangelo sha Nandjokwe meme Monika Shilongo, okwa tile kutya aanona ayehe mbaka kumwe nooyina yawo oye li nawa.Meme Shilongo ta ti kutya uunona kawa li wa pumbwa nokuli okutulwa muubruikasa.Oshinima oshinene noshikumithi osha holoka mOshipangelo shEpangelo sha Shakati ongula yeti 11 Septemba 2006, sho mwa monika aakwana ya shitwa ye li kumwe.Osho aniwa oshikando shotangotango moNamibia tamu valwa aanona ye li kumwe ngawo.Ya valwa nee ku meme gwawo Elizabeth Paulus gwoomvula 35 gwomomukunda Iiwiyongo mUukwambi mOshitopolwa sha Shana na tate Salomo Diogenus Shigwedha gwokOmege mUukwambi mOshitopolwa sha Shana.Uunona mbuka wuukwana wu li kumwe owa shashwa ashike esiku ndjoka wa valwa nowa pewa omadhina Monika Ngendinomuwa na Taimi Talohole.Owa valwa nee wu na omutima gumwe nehuli limwe.Sho nee wu li kumwe ngeyi nou na omutima nehuli limwe, itau vulu aniwa okukala ngawo ethimbo ele.Oondohotola otaya ti nee kutya ou na okukuthwa kumwe paunongononi, ashike nee, nge etando ndika lyoku wu kutha kumwe olya ningwa, kamwe komuwo oke na aniwa okusa, opo ka kwawo ka hupe.Ou na nee okuninga oomwedhi ndatu opo etando lyoku wu kutha kumwe li vulwe okuningwa.Tashi ti kutya ngele ayihe oyeende ngashi sha thanekwa kOondohotola, etando lyoku wu kutha kumwe otali ka ningwa mu Desemba nuumvo kOkapa koSoutha Africa.Pethimbo ndika ou li kOvenduka na meme gwawo hoka wa yile wu ka konaakonwe nokwa tegelelwa wu galukile manga koshipangelo sha Shakati, wu ye wu tegelele okuya ketando lyawo mu Desemba nee moka.Sha yela kutya nani nelongo otali vulu okuza mo ngashi lya monika mo ngeyi.Ndhika odha lombwelwa Oshifo shika kOmukuluntu gwOshipangelo sha Kongo Seesitela Martha Kapulwa.Seesitela Kapulwa ta ti kutya uunona mbuka utatu, okamati kamwe nuukadhona uyali, sho wa monika ngeyi, aapangi moshipangelo sha Kongo oye wu pe omadhina.Okamati oye ka luku Michael, okakadhona kamwe taye ka luku Martha nakakwawo oMaria.Tate gwuunona mbuka, wa valwa wa kola nawa lela wu na oshiviha shoopala, oye Wilhelm Shomongula.Tate Shomongula oshowo meme Taimi kaye na iilonga yasha onkee oye uvite kutya oya pumbwa shili ekwatho mokutekulu nokukokeka uunona wawo mbuka.Nuumvo moNooli omwa kala tamu monika omalongo, unene tuu mIipangelo ngashi mOshakati nOnandjokwe noshowo nee mwaashoka shaKongo nee ngeyi.Koshipangelo shEpangelo sha Shakati okwa monika elongo meti 2 Auguste nuumvo sho meme omugundjuka gwoomvula 29 Cecilia Paulus gwokomukunda Omaadi popepi nOhaingu mOukwanyama mOshitopolwa sha Hangwena, a monene aamati yaali nokakadhona kamwe.Oomeme aagundjuka yatatu, Abia Edhiya gwoomvula 32 gwomomukunda Onakiidhi popepi nOntananga mOndonga mOshitopolwa sha Shikoto noshowo Mirjam Nambahu gwoomvula 29 gwokomukunda Ondando/Oniipa mOshitopolwa shaShikoto na Martha Angula gwoomvula 22 gwomondoolopa ya Shifo moRuacana mOshitopolwa sha Musati, oya pewa omagano guunona utatu.Ye wu monene mOshipangelo sha Nandjokwe.Meme Abia, ngoka a patulula omalongo nuumvo moNooli, ano meti 18 Apilili 2006 mOshipangelo sha Nandjokwe moka, okwa pewa omagano gaamati yaali nokakadhona kamwe, e wu mono nomusamane gwe tate Gabriel Nakale noye wu luku Naatan Panduleni Shekupe, Sylvanus Kotokeni Shatipamba na Loide Ndeshiihaluka Ndeshipanda.Martha Angula okwa mono elongo lyuumati utatu meti 29 Auguste 2006.Aamati ye mbaka, e ya mono nomuholike gwe Andreas Amutenya, ha longele kOmbaye, oye ya luku Nehale, Nangolo na Kambonde. Meti 4 Septemba 2006 meme Marianne Nambahu gwoomvula 29 naye okwa mono aamati ye yatatu, ano a mono wo naye elongo mOshipangelo sha Nandjokwe moka, noye ya luku Twapewa, Atuhe na Omagano.Matrona gOshipangelo sha Nandjokwe meme Monika Shilongo, okwa tile kutya aanona ayehe mbaka kumwe nooyina yawo oye li nawa.Meme Shilongo ta ti kutya uunona kawa li wa pumbwa nokuli okutulwa muubruikasa.Oshinima oshinene noshikumithi osha holoka mOshipangelo shEpangelo sha Shakati ongula yeti 11 Septemba 2006, sho mwa monika aakwana ya shitwa ye li kumwe.Osho aniwa oshikando shotangotango moNamibia tamu valwa aanona ye li kumwe ngawo.Ya valwa nee ku meme gwawo Elizabeth Paulus gwoomvula 35 gwomomukunda Iiwiyongo mUukwambi mOshitopolwa sha Shana na tate Salomo Diogenus Shigwedha gwokOmege mUukwambi mOshitopolwa sha Shana.Uunona mbuka wuukwana wu li kumwe owa shashwa ashike esiku ndjoka wa valwa nowa pewa omadhina Monika Ngendinomuwa na Taimi Talohole.Owa valwa nee wu na omutima gumwe nehuli limwe.Sho nee wu li kumwe ngeyi nou na omutima nehuli limwe, itau vulu aniwa okukala ngawo ethimbo ele.Oondohotola otaya ti nee kutya ou na okukuthwa kumwe paunongononi, ashike nee, nge etando ndika lyoku wu kutha kumwe olya ningwa, kamwe komuwo oke na aniwa okusa, opo ka kwawo ka hupe.Ou na nee okuninga oomwedhi ndatu opo etando lyoku wu kutha kumwe li vulwe okuningwa.Tashi ti kutya ngele ayihe oyeende ngashi sha thanekwa kOondohotola, etando lyoku wu kutha kumwe otali ka ningwa mu Desemba nuumvo kOkapa koSoutha Africa.Pethimbo ndika ou li kOvenduka na meme gwawo hoka wa yile wu ka konaakonwe nokwa tegelelwa wu galukile manga koshipangelo sha Shakati, wu ye wu tegelele okuya ketando lyawo mu Desemba nee moka.