Kaudimomunhu a pewa oomvula 15 sho a dhipago omuholike gwe

O MUSAMANE gwomomukunda Onhumba popepi nOkongo mOukwanyama mOshitopolwa sha Hangwena gwedhina Samwel Kaudimomunhu gwoomvula omilongontano (50) ngashiingeyi, ngoka a kwatelwe po meti 27 November 2003 shi na sha nedhipago lyomukulukadhi gwe meme Fiina Kaudimomungu ngoka e mu dhengele nayi esiku ndjoka nokwa ka sila mondjila okuya kOshipangelo shEenhana, okwa monika ondjo mOmpangu yOpashitopolwa ya Eenhana meti 4 Auguste 2006 nokupewa oomvula 15 mondholongo.

Ashike Omupanguli gwOmpangu yOpombanda Harris Salionga okwe mu sile ngaa ohenda nokwe mu kuthile ko oomvula hetatu kwaandhoka 15 ye a kale, ngele a zi mondholongo, ina uvikila sha muule wOomvula ntano. Otaku hokololwa kutya ongulohi ndjoka yeti 27 Auguste 2003, tate Samwel Kaudimomunhu, ngoka pethimbo ndjoka a li Omupolisi pOkongo, okwa li a geela omukulukadhi gwe nguka meme Fiina, sho aniwa ina gandja Ofooloma ye fudho lyuuwehame, ndjoka a li e mu pe e ke yi pe Opolisi yokOkongo, opo yi kale yi shi kutya sho ine ya kiilonga ota ehama.Otaku tiwa kutya aniwa tate Kaudimomunhu nguka okwa kutha ashike oshiti nokuthepagula omukiintu gwe nguka Fiina nokugwila po.Osha li aniwa kongulohi kwaaluudha.Tate Kaudimomunhu okwa li e shi meme Fiina okwa hulitha nokwa fadhuka po.Aanona megumbo kumwe naashiinda oya ithana Opolisi yaKongo ndjoka ya kutha meme Fiina noku mu fala kOklinika ya Kongo, hoka a lundululilwa ngeno kOshipangelo shEenhana nenge kOnandjokwe, ashike mondjila moka meme Fiina okwa hulitha.Opolisi oya kwata po nee tate Kaudimomunhu nguka noku mu ningila oshipotha shedhipago noku mu patela mo.Ta kala nee ta pangula sigo ta monika ondjo ngeyi kOmpangu yOpashitopolwa ya Eenhanan nokupewa egeelo lyOomvula 15 hoka kwa kuthwa nee hetatu, a kale ina uvikila sha muule woomvula ntano ngele a zi mo mondholongo yOomwedhi heyali ndhoka dha hupu ko sho kwa kuthwa hetatu.Otaku hokololwa kutya ongulohi ndjoka yeti 27 Auguste 2003, tate Samwel Kaudimomunhu, ngoka pethimbo ndjoka a li Omupolisi pOkongo, okwa li a geela omukulukadhi gwe nguka meme Fiina, sho aniwa ina gandja Ofooloma ye fudho lyuuwehame, ndjoka a li e mu pe e ke yi pe Opolisi yokOkongo, opo yi kale yi shi kutya sho ine ya kiilonga ota ehama.Otaku tiwa kutya aniwa tate Kaudimomunhu nguka okwa kutha ashike oshiti nokuthepagula omukiintu gwe nguka Fiina nokugwila po.Osha li aniwa kongulohi kwaaluudha.Tate Kaudimomunhu okwa li e shi meme Fiina okwa hulitha nokwa fadhuka po.Aanona megumbo kumwe naashiinda oya ithana Opolisi yaKongo ndjoka ya kutha meme Fiina noku mu fala kOklinika ya Kongo, hoka a lundululilwa ngeno kOshipangelo shEenhana nenge kOnandjokwe, ashike mondjila moka meme Fiina okwa hulitha.Opolisi oya kwata po nee tate Kaudimomunhu nguka noku mu ningila oshipotha shedhipago noku mu patela mo.Ta kala nee ta pangula sigo ta monika ondjo ngeyi kOmpangu yOpashitopolwa ya Eenhanan nokupewa egeelo lyOomvula 15 hoka kwa kuthwa nee hetatu, a kale ina uvikila sha muule woomvula ntano ngele a zi mo mondholongo yOomwedhi heyali ndhoka dha hupu ko sho kwa kuthwa hetatu.