Katali omuhiki hiya

UUMINISTELI wOomina Noonkondo otawu ka ninga oshigongi nomalelo giilando noshowo omahangano gokwaandjaganeka olusheno miitopolwa kuyele omumvo ta guya.

Minista Yoomina noonkondo Isak Katali okwa ti oya dhiladhila okweetapo omukalo omwaanawa ngoka tagu ziminwa kwaayehe noguli muwanawa waayehe.
Okwa gwedha ko tati osha pumbiwa opo kehe gumwe a gumwa koshinima shika a kwatelwemo moonkundathana.
Okwa ti nonando ondunge yokudhikapo omahangano ngaka oya li ombwanawa, ndjika ina yi vula okulonga nawa molwaashoka iilando yimwe oya tindi okuninga iilyo yomahangano ngoka.
Sigo oompaka opena ashike omahangano gokugandja olusheno kiitopolwa ga dhikwa ge li gatatu.
Ngaka ogo Nored, Cenored, nErongo Red, omanga omalelo giilando omashona oga tindi okuninga iilyo momahangano ngoka.Katali okwa ti osha fa omalelo giilando iishona ogo ageke haga mono uuwanawa okuziilila komahangano ngaka, oshoka omalelo ngaka kagena oonzo dha gwana oku kuta aainginia.
Omanga omalelo giilando iinene oga ti go ihaga mono uuwanawa washa pashimaliwa.
Katali okwa ti iilando iinene iha yi mono ko iimaliwa komahangano gokwaandjaganeka olusheno.
Shika oshi li ngaaka unene tuu uuna ndoka iilando iinene ya tungu iipumbiwa yomalusheno mbyoka ha yi kuthwapo komahangano ngaka.
Elelo lyoshilando shaMbaye olya tokola okuza mo mehangano lyokugandja olusheno lyErongo Red, tashi ti okuza ngashingeyi muni gwa Mbaye oye ishewe ta kala noku landitha olusheno kaakalimo yomoshilando shoka.
Etokolo olya ningwa aniwa oshoka ombelewa yameya gwoshilando shoka oya li ya gwililwapo komanyenyeto ogendji kombinga yondando ya londa pombanda konyala nooperesenda 100.
Omuwiliki gwewilikongundu lyolusheno moshilongo, Siseho Simasiku okwa tile etokolo lya Mbaye ita li ka longa oshoka oshilando kashina ombapila yokugandja olusheno, na ishewe ita li vulu oku gandja olusheno lu li pevi pandando yaandoka talu gandjwa ku Erongo Red.
Okwa ti petameko Ombaye oyo ya pulile pudhikwe oRed ngashingeyi oyo ishewe ya nuka mo muukwashilyo wehangano.
Simasiku okwa indile opo Ombaye pamwe na Erongo Red ya kuutumbe ya kundathane oshinima shika.
Okwa ti oku wete ishewe kutya iilongitho yolusheno yaMbaye oya kulupa na opo mbyoka yi pepalekwe opwa pumbiwa oshimaliwa, okwa pula kutya shika Ombaye ota yi keshi kutha peni.
Simasiku okwati oVenduka ndjoka na yo ya tinda oku ninga oshilyo sha Reda oyi li moonkundathana kombinga yoshinima shika.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.