Kashuupulwa a pandula noonkondo aamati yomOshana Tangi unene aamati yandje yomOshana, Kashuupulwa ta ti

G AVENA ya Shana Klemens Kashuupulwa okwa pandula noonkondo Osipana yEtanga lyokOompadhi yomOshitopolwa sha Shana ndjoka ya sindana po Ekopi lyethigathanopo lyuudhano wEtanga lyokoompadhi wo The Namibian mboka wa dhanenwa kOkaiti kOshitopolwa sha Karas mehuliloshiwike lya zi ko lyOpaasa.

Uudhano mbuka ohau kuthwa ombinga kOosipana dha za mIitopolwa ayihe omulongoniitatu ya Namibia. Hela wa tamekelwe inau sindanwa kwali kOosipana dhokUumbangalantu wokamusinda okatiligane.Ashike nee wonuumvo owa sindanwa po kOsipana yOshitopolwa sha Shana.Oshinima shoka sha nyanyukitha noonkondo Omupangeli gwOshitopolwa shoka, Gavena Klemens Kashuupulwa.”Tangi unene aamati yandje.Omwa ninga nanwa.Omwa longa nawa nuudhiginini nomwiilongele esindano ndika enene kumwe nOshitopolwa ashihe nenge nOnooli ayihe kumwe noshilongo ashihe.Otwe mu pandula noonkondo.Inamu shi etha okuninga ngawo,” Gavena Kashuupulwa ta ti ngawo konima sho Osipana ya Shana ya sindana Ekopi ndika lyoThe Namibian Omaandaha ga zi ko mOkaiti sho ya dhenge mo Osipana yokOshitopolwa sha Khomas nOokoola mbali muyimwe.”Osho naanaa twa kala twa hala notwa tegelela shoka.Onda kala nda landula nawa uudhano mbuka sho wa tameke na unene tuu mbuka wokOkaiti kOshitopolwa sha Karas nonda kala ndi shi wete kutya aamati yetu yomOshana otaya dhana ya mana mo notaya vulu okuya kokule methigathanopo ndika nenge ngaa nokuli ye li sindane po ngashi ye shi ningi.Tangi unene aamati yandje otwe mu pandula noonkondo, inamu shi etha.Gavena Kashuupulwa ta pandula wo oosipana adhihe ndhoka dha kuthile ombinga methigathanopo ndjoka.Ta ti uudhano otau tungu nawa oshigwana shokomongula.Omupangeli gwOshitopolwa sha Shana ta pandula unene Oshifo sho The Namibian sho sha eta po uudhano mbuka tau tungu nokutula kumwe oshigwana sha Namibia mIitopolwa ayihe yasho omulongoniitatu.”The Namibian oku shi kupandulwa oshoka ota tula aantu kumwe paitopolwa.Ta yelutha po uukumwe wAanamibia, unene tuu woshigwana shokomongula nota yelutha po wo nokuhumitha komeho Osipana yoshilongo, the Bare Warriors, oshoka mOosipana ndhoka dhOpaitopolwa ndhoka hadhi kondjele Ekopi lyoThe Namibian, omo hamu kuthwa wo aadhanitangandhingi ya ka dhanene Osipana yopashigwana yo Brave Warriors,” Kashuupulwa ta ti nokupandula ngawo noonkondo.Ta indile koshigwana shomOshana shi gandje olupandu olunene kaamati mbaka sho taya thiki kegumbo noku ya tsa wo omukumo monakuyiwa ya tsikile nomasindano gatya ngawo.Aakalimo yomOshana nayo oya pandula noonkondo Osipana yawo yomOshana sho ya sindana.Taya ti kutya, olwo lwotango mondjokonona yEkopi ndika lyo The Namibian hela lya totelwe po omimvo dha zi ko, tali sindanwa kOsipana ya za kiitopolwa mbyoka yi li kuumbangalantu wokamusinda okatiligane.Aamati oya thikile ohela mOshakati noya tsakanekwa koyendji, taye ya tanga noku ya pandula noonkondo sho ya sindana po Ekopi ndika nuudhano auhe wonuumvo wEkopi lyoThe Namibian kOkaiti.Hela wa tamekelwe inau sindanwa kwali kOosipana dhokUumbangalantu wokamusinda okatiligane.Ashike nee wonuumvo owa sindanwa po kOsipana yOshitopolwa sha Shana.Oshinima shoka sha nyanyukitha noonkondo Omupangeli gwOshitopolwa shoka, Gavena Klemens Kashuupulwa.”Tangi unene aamati yandje.Omwa ninga nanwa.Omwa longa nawa nuudhiginini nomwiilongele esindano ndika enene kumwe nOshitopolwa ashihe nenge nOnooli ayihe kumwe noshilongo ashihe.Otwe mu pandula noonkondo.Inamu shi etha okuninga ngawo,” Gavena Kashuupulwa ta ti ngawo konima sho Osipana ya Shana ya sindana Ekopi ndika lyoThe Namibian Omaandaha ga zi ko mOkaiti sho ya dhenge mo Osipana yokOshitopolwa sha Khomas nOokoola mbali muyimwe.”Osho naanaa twa kala twa hala notwa tegelela shoka.Onda kala nda landula nawa uudhano mbuka sho wa tameke na unene tuu mbuka wokOkaiti kOshitopolwa sha Karas nonda kala ndi shi wete kutya aamati yetu yomOshana otaya dhana ya mana mo notaya vulu okuya kokule methigathanopo ndika nenge ngaa nokuli ye li sindane po ngashi ye shi ningi.Tangi unene aamati yandje otwe mu pandula noonkondo, inamu shi etha.Gavena Kashuupulwa ta pandula wo oosipana adhihe ndhoka dha kuthile ombinga methigathanopo ndjoka.Ta ti uudhano otau tungu nawa oshigwana shokomongula.Omupangeli gwOshitopolwa sha Shana ta pandula unene Oshifo sho The Namibian sho sha eta po uudhano mbuka tau tungu nokutula kumwe oshigwana sha Namibia mIitopolwa ayihe yasho omulongoniitatu.”The Namibian oku shi kupandulwa oshoka ota tula aantu kumwe paitopolwa.Ta yelutha po uukumwe wAanamibia, unene tuu woshigwana shokomongula nota yelutha po wo nokuhumitha komeho Osipana yoshilongo, the Bare Warriors, oshoka mOosipana ndhoka dhOpaitopolwa ndhoka hadhi kondjele Ekopi lyoThe Namibian, omo hamu kuthwa wo aadhanitangandhingi ya ka dhanene Osipana yopashigwana yo Brave Warriors,” Kashuupulwa ta ti nokupandula ngawo noonkondo.Ta indile koshigwana shomOshana shi gandje olupandu olunene kaamati mbaka sho taya thiki kegumbo noku ya tsa wo omukumo monakuyiwa ya tsikile nomasindano gatya ngawo.Aakalimo yomOshana nayo oya pandula noonkondo Osipana yawo yomOshana sho ya sindana.Taya ti kutya, olwo lwotango mondjokonona yEkopi ndika lyo The Namibian hela lya totelwe po omimvo dha zi ko, tali sindanwa kOsipana ya za kiitopolwa mbyoka yi li kuumbangalantu wokamusinda okatiligane.Aamati oya thikile ohela mOshakati noya tsakanekwa koyendji, taye ya tanga noku ya pandula noonkondo sho ya sindana po Ekopi ndika nuudhano auhe wonuumvo wEkopi lyoThe Namibian kOkaiti.