Kashihakumwa ta indile koshigwana shi ethe po okwiimangeleka

K OMANDA gwOpolisi mOshitopolwa sha Shana kOmufala gwOpevi gwOpolisi Ndhangwapo Kashihakumwa, okwa indila koshigwana, unene tuu shoka oshigundjuka, shi hulithe po okwiikutha oomwenyo, uuna sha adhika kuudhigu noshi kuthe omukalo gwokukundathana omaudhigu gasho kwaamboka yi inekela moshigwana.

Pethimbo a kala kOmanda yOpolisi mOshitopolwa sha Musati, Kashihakumwa okwa kala ha ningitha iigongi tayi kundathana kombinga yomaimangeleko, moka aaleli yOpamuthigululwakalo, yOongeleka nosho wo yOondoolopa nIitopolwa haye ya pamwe nOpolisi nonUuministeli wUuhaku e taya kundathana uupyakadhi womaidhipagomwene moshigwana. “Ondi wete kutya uupyakadhi mbuka uunene moshigwana nowa pumbwa okuungaungiwa nawo kAawiliki yoshigwana, pamwe tau mono ehulilo,” Kashihakumwa ta popi.Komanda gwOpolisi mOshana ta indile kAavali, kaakuluntu nosho wo kAawiliki yi ili noyi ili yomoshigwana, ya kuthe ombinga mehungomwenyo lyoshigwana, unene tuu shoka shokomongula.”Ondi wete oshigwana oshi na oku uvithwa ko nawa ehungomwenyo, kutya ngele omuntu ou na uudhigu, okwiimangeleka, nenge okwiikutha omwenyo, hasho ekandulopo lyomukundu, ihe oku gu eta po ashike.Onkee otandi indile koshigwana shi kuthe omukalo gwuukwawowanankali nokukala tashi popi nokuninga oonkundathana, uuna pwa holoka omaudhigu, omaupyakadhi nosho tuu,” Kashihakumwa ta popi.”Sho nda li kOmusati, onda li ndi shi oko akuke ku na omaimangeleko ogendji, ashike sho nde ya kOshitopolwa sha Shana nako ongashikwawo.Shoka shi li konkumbi osho ngaa nani shi li wo kEwale, nondi wete nee kutya oshigwana oshi na okwiikala popepi nomaipukululo, omahungomwenyo, omakumagidhathano nomaikwathelathano, opo kuhulithwepo omaimangeleko, omaiyaho, omaiyumbilomomeya nosho tuu,” Kashihakumwa ta ti ngawo nokugwedha ko kutya hanga kehe esiku oshigwana otashi lili, omolu omaimangeleko ngoka taga pula komeho mokati koshigwana.Yamwe ya popiwa nayo kOshifo shika otaya ti kutya oshigwana oshindji unene tuu shoka oshigundjuka otashi imangeleke molwashoka oshi na omaudhigu ogendji, unene gwokwaa na iilonga, omahupilo, Osikola noshowo omahala gokukala noye li ashike taya elaela kaye na shoka taya longo.Omanga omaudhigu gomomagumbo nogiihole, nago wo taga dhana onkandangala momaidhipago goludhi nduka.”Ondi wete kutya uupyakadhi mbuka uunene moshigwana nowa pumbwa okuungaungiwa nawo kAawiliki yoshigwana, pamwe tau mono ehulilo,” Kashihakumwa ta popi.Komanda gwOpolisi mOshana ta indile kAavali, kaakuluntu nosho wo kAawiliki yi ili noyi ili yomoshigwana, ya kuthe ombinga mehungomwenyo lyoshigwana, unene tuu shoka shokomongula.”Ondi wete oshigwana oshi na oku uvithwa ko nawa ehungomwenyo, kutya ngele omuntu ou na uudhigu, okwiimangeleka, nenge okwiikutha omwenyo, hasho ekandulopo lyomukundu, ihe oku gu eta po ashike.Onkee otandi indile koshigwana shi kuthe omukalo gwuukwawowanankali nokukala tashi popi nokuninga oonkundathana, uuna pwa holoka omaudhigu, omaupyakadhi nosho tuu,” Kashihakumwa ta popi. “Sho nda li kOmusati, onda li ndi shi oko akuke ku na omaimangeleko ogendji, ashike sho nde ya kOshitopolwa sha Shana nako ongashikwawo.Shoka shi li konkumbi osho ngaa nani shi li wo kEwale, nondi wete nee kutya oshigwana oshi na okwiikala popepi nomaipukululo, omahungomwenyo, omakumagidhathano nomaikwathelathano, opo kuhulithwepo omaimangeleko, omaiyaho, omaiyumbilomomeya nosho tuu,” Kashihakumwa ta ti ngawo nokugwedha ko kutya hanga kehe esiku oshigwana otashi lili, omolu omaimangeleko ngoka taga pula komeho mokati koshigwana.Yamwe ya popiwa nayo kOshifo shika otaya ti kutya oshigwana oshindji unene tuu shoka oshigundjuka otashi imangeleke molwashoka oshi na omaudhigu ogendji, unene gwokwaa na iilonga, omahupilo, Osikola noshowo omahala gokukala noye li ashike taya elaela kaye na shoka taya longo.Omanga omaudhigu gomomagumbo nogiihole, nago wo taga dhana onkandangala momaidhipago goludhi nduka.