Kapu na sha shi li meholama, Hausiku tati

E DHILADHILO lyOmupresidende omukulu gwa Namibia Sam Nujoma kutya Namibia na tungile Osikola yimwe ‘ookalasa’ mu Lubango nokwoopaleka omawendo gamwe mondoolopa ndjika yAangola, kashi shi oshinima tashi ningwa meholama.

Ominista yIikwapondje Marco Hausiku okwa popi mOmutumba gwOpashigwana mEtine lya zi ko, kutya Nujoma okwa li a ningi euvaneko kEpangelo lyAangola okuya ningila ngaaka. Hausiku okwa ti Aanambia oyendji mboka ya sile kombanda omo ya ya fumvikwa momawendo ngaka.Omasiku ga zi ko, oshifokunandeki shimwe shomegumbo osha li sha lopota kutya Epangelo lya Namibia olya gandja oshimaliwa shOondola oomiliyuna dha Namibia kondoolopa ya Lubango (meholoma), shi longithe mokugwedhela ookalasa pOsikola yimwe mu Lubango nokwoopaleka omaendo.Sho Nujoma a li a talelepo mondoolopa ndjika mu Febuluali gwomumvo gwa zi ko manga a li e li natango Omupresidende gwoshilongo, Omukalelipo gwa Namibia ku Angola okwa li a lombwele osheendo she (sha Nujoma0 kutya omaendo gomoLubango oge li monkalo ombwiinayi na Osikola yomondoolopa ndjika nayo oya pumbwa wo ookalasa.”Osheendo shAanamibia osha li nee sha kala nokutala kutya oshike tashi vulu okugandjwa oshishona shi li pamukalo gwookalasa nenge gwOkilinika.Oshinima shomaendo nasho osha li wo sha kundathanwa na mboka ya li mosheendo shika oya li ya tsu kumwe kutya naga opalekwe,” Minista ta popi ngaaka.”Ong’omutse gwosheendo, Omupresidende omukulu Nujoma okwa li a ningi euvaneko peha lyEpangelo lyetu nolyAanamibia,” Hausiku ta popi, ta tsikile ko kutya, kapu na nande shimwe shomiinima mbika tashi ningwa meholamo.Ta ti, oshinima shika osha li sha kundathanwa muule kOkomitiye yOkabinete yi na sha nelongitho lyiimaliwa yEpangelo na okwa li wo kwa gandjwa iinakugwanitha opo ayihe yi ende pamukalo gu iwetikile.Inaku gandjwa aniwa natango oshimaliwa molwashoka aniwa Okabinete inayi mana oku shi konakona.Konima sho a popi ngaaka, Hausiku okwa nukile kiita mbyoka ya li pokati kaakwiita yo Plan naakwiita yEpangelo lyokatongotongo lya South Afrika.Ta ti, South Afrika okwa sindika kaakwiita yo Plan, na shika osha ka eta South Afrika a zimine opulanda yIigwanahangano yi na sha nemanguluko lya Namibia.”Angola okwa futa oshindji mokweeta po omamanguluko giilongo yAafrika lyUumbugantu na okwa li wo a kala nokupiyaganekwa kaakwiita yEpangelo lyokatongotongo lya South Afrika.Aangola oye tu pa omulalo, oye tu pa iikulya, oye tu pa ehala mOosikola dhawo (kamu na ehala lya gwana) nosho wo ta topola nayo omahala gomayakulo gopaunamti,” Hausiku ta popi ngaaka.Shika okwe shi popi nee nelalakano okuulika kutya edhiladhilo lya Nujoma okukwathele Osikola ndjoka nokwoopaleka omaendo gomoLubango oli li nawa.Mokuuva ngaaka, omuwiliki gwongundu yo Congress of Democrats Ben Ulenga okwa thikama e ta yi mo ta ti, yo ongundu yawo kayi li ompinge noshinima shika – ihe oya li ya haluka sho ye shi uvu ashike miikundaneki.Ulenga okwa gandja wo uusama kEpangelo sho inali tula oshimaliwa shoka stashi ka longithwa mOproteka ndjika mEmbo lyOmulekeneno gwOshimaliwa shEpangelo shomumvo 2006/2007.Angola okwa kwathela Namibia pethimbo lyekondjelomanguluko.Hausiku okwa ti Aanambia oyendji mboka ya sile kombanda omo ya ya fumvikwa momawendo ngaka.Omasiku ga zi ko, oshifokunandeki shimwe shomegumbo osha li sha lopota kutya Epangelo lya Namibia olya gandja oshimaliwa shOondola oomiliyuna dha Namibia kondoolopa ya Lubango (meholoma), shi longithe mokugwedhela ookalasa pOsikola yimwe mu Lubango nokwoopaleka omaendo.Sho Nujoma a li a talelepo mondoolopa ndjika mu Febuluali gwomumvo gwa zi ko manga a li e li natango Omupresidende gwoshilongo, Omukalelipo gwa Namibia ku Angola okwa li a lombwele osheendo she (sha Nujoma0 kutya omaendo gomoLubango oge li monkalo ombwiinayi na Osikola yomondoolopa ndjika nayo oya pumbwa wo ookalasa.”Osheendo shAanamibia osha li nee sha kala nokutala kutya oshike tashi vulu okugandjwa oshishona shi li pamukalo gwookalasa nenge gwOkilinika.Oshinima shomaendo nasho osha li wo sha kundathanwa na mboka ya li mosheendo shika oya li ya tsu kumwe kutya naga opalekwe,” Minista ta popi ngaaka.”Ong’omutse gwosheendo, Omupresidende omukulu Nujoma okwa li a ningi euvaneko peha lyEpangelo lyetu nolyAanamibia,” Hausiku ta popi, ta tsikile ko kutya, kapu na nande shimwe shomiinima mbika tashi ningwa meholamo.Ta ti, oshinima shika osha li sha kundathanwa muule kOkomitiye yOkabinete yi na sha nelongitho lyiimaliwa yEpangelo na okwa li wo kwa gandjwa iinakugwanitha opo ayihe yi ende pamukalo gu iwetikile.Inaku gandjwa aniwa natango oshimaliwa molwashoka aniwa Okabinete inayi mana oku shi konakona.Konima sho a popi ngaaka, Hausiku okwa nukile kiita mbyoka ya li pokati kaakwiita yo Plan naakwiita yEpangelo lyokatongotongo lya South Afrika.Ta ti, South Afrika okwa sindika kaakwiita yo Plan, na shika osha ka eta South Afrika a zimine opulanda yIigwanahangano yi na sha nemanguluko lya Namibia.”Angola okwa futa oshindji mokweeta po omamanguluko giilongo yAafrika lyUumbugantu na okwa li wo a kala nokupiyaganekwa kaakwiita yEpangelo lyokatongotongo lya South Afrika.Aangola oye tu pa omulalo, oye tu pa iikulya, oye tu pa ehala mOosikola dhawo (kamu na ehala lya gwana) nosho wo ta topola nayo omahala gomayakulo gopaunamti,” Hausiku ta popi ngaaka.Shika okwe shi popi nee nelalakano okuulika kutya edhiladhilo lya Nujoma okukwathele Osikola ndjoka nokwoopaleka omaendo gomoLubango oli li nawa.Mokuuva ngaaka, omuwiliki gwongundu yo Congress of Democrats Ben Ulenga okwa thikama e ta yi mo ta ti, yo ongundu yawo kayi li ompinge noshinima shika – ihe oya li ya haluka sho ye shi uvu ashike miikundaneki.Ulenga okwa gandja wo uusama kEpangelo sho inali tula oshimaliwa shoka stashi ka longithwa mOproteka ndjika mEmbo lyOmulekeneno gwOshimaliwa shEpangelo shomumvo 2006/2007.Angola okwa kwathela Namibia pethimbo lyekondjelomanguluko.