Kapia ota thigi po Oparliamende

NGOKA a li nale Ominista yOpevi yIilonga, Iiyenditho nOmakwatathano, Paulus Kapia, okwa zimine okwiikutha mOmutumba gwOpashigwana konima yoonkundathana oonene nOmupresidende gwongundu tatekulu Sam Nujoma omutenya gwEtine lya zi ko.

Oohapu ndhika odha li dha tulwa puuyelele konzo yimwe mongundu yoSwapo omutenya gwEtine ndyoka. Uuyelele wulwe kombinga yaashoka sha li tashi kundathanwa nenge shilwe shoka sha adhika po pethimbo lyoonkundathana dha Kapia na Nujoma inatu shi tseya pethimbo oshinyolwa shika sha yi koshinyanyangidho.Kapia ngoka a kuthilwe miilonga pakathimbo ong’Amushanga-Ndjayi gwEwawa lyAagundjuka moSwapo, okwa zimine okwiikutha mOparliamende patokolo lyokangundu okaningimatokolo moSwapo nenge tutye Politburo nokonima wo yoonkundathana na Nujoma.Amushanga-Ndjayi gwoSwapo Ngarikutuke Tjiriange okwa li a shangela Kapia omwedhi gwa zi ko moka e mu pula opo i ikuthe mo mOparliamende.Tjiriange okwa li a ningi ngaaka omwedhi gwa zi ko palombwelo lyOpolitburo.Aniwa Kapia okwa li a tindi okwiikutha mo mOparliamende konima sho a ningi oonkundathana na gumwe gwomaawiliki aakuluntu yoSwapo ngoka wo e mu pe omayele kutya na tinde etokolo ndyoka.Inashi yela nee kutya omolwashike omukwatelikomeho gwoPolitburo a ningila etokolo ndyoka kutya Kapia na thige po oshipundi she e te kemu pa ishewe omayele kutya na tinde oshinima shoka.Tjiriange okwa popi mEtitatu lyoshiwike sha zi ko kutya keshi naanaa kutya omolwashike Kapia ini ikutha natango miilonga, ihe okwa koleke kutya Kapia oku li ompinge netokolo lyoPolitburo.Kapia okwa li a kuthwa iinakugwanithwa ayihe yi na sha nOpaati yoSwapo omanga taku ningwa omakonakono kombinga yekutho mbinga lye moshinima shekano lyoshimaliwa shoomiliyuna omilongo ndatu (N$30 million) ndhoka dha kanene mu Avid Investments okuza ku Social Security Commission (SSC).Ongundu ndjika yoPolitburo oya thimaka mOmupresidende gwongundu, omupevipresidende gwongundu, Amushanga-Ndjayi nomupeha gwe nosho wo iilyo yilwe yi li 17.Ongundu ndjika oyi na oonkondo okutidha omuntu kehe moSwapo kakele kOmupresidende, Omupevipresidende, Amushanga-Ndjayi nomupeha gwe.Tjiriange okwa hokolola ngeyi kutya okwa shangela Kapia palombwelo lyongundu ndjika yoSwapo nokwa tegelela wo okupewa elombwelo ekwawo nenge tutye onkatu ndjoka e na okukatuka.”Etokolo kali li miikaha yandje.Opaati otayi wilikwa kaaleli yayo, na oyo nee ye na okugandja elombwelo kutya oshike shi na okuningwa po komeho.Itandi vulu okugandja ethaneko lya sha mu shika molwashoka itashi ti sha okuninga ngaaka,” Tjiriange ta popi.Ekotampango lyoSwapo otali popi ngeyi kutya Opolitburo oyi na okutsakanena lumwe momwedhi, ashike Tjiriange okwa popi kutya otayi vulu okutsakanena olwindji tashi vulika nokuli shi ningwe lutatu moshiwike.Kapia ngoka i ikutha miilonga ongOminista yIilonga, Iiyenditho nOmakwatathano sha etwa komapulapulo mOmpangu yOpombanda mekano lyoshimaliwa sha SSC, oha yi owala kiilonga mOmutumba gwOpashigwana ngaashi shito.Uuyelele wulwe kombinga yaashoka sha li tashi kundathanwa nenge shilwe shoka sha adhika po pethimbo lyoonkundathana dha Kapia na Nujoma inatu shi tseya pethimbo oshinyolwa shika sha yi koshinyanyangidho.Kapia ngoka a kuthilwe miilonga pakathimbo ong’Amushanga-Ndjayi gwEwawa lyAagundjuka moSwapo, okwa zimine okwiikutha mOparliamende patokolo lyokangundu okaningimatokolo moSwapo nenge tutye Politburo nokonima wo yoonkundathana na Nujoma.Amushanga-Ndjayi gwoSwapo Ngarikutuke Tjiriange okwa li a shangela Kapia omwedhi gwa zi ko moka e mu pula opo i ikuthe mo mOparliamende.Tjiriange okwa li a ningi ngaaka omwedhi gwa zi ko palombwelo lyOpolitburo.Aniwa Kapia okwa li a tindi okwiikutha mo mOparliamende konima sho a ningi oonkundathana na gumwe gwomaawiliki aakuluntu yoSwapo ngoka wo e mu pe omayele kutya na tinde etokolo ndyoka.Inashi yela nee kutya omolwashike omukwatelikomeho gwoPolitburo a ningila etokolo ndyoka kutya Kapia na thige po oshipundi she e te kemu pa ishewe omayele kutya na tinde oshinima shoka.Tjiriange okwa popi mEtitatu lyoshiwike sha zi ko kutya keshi naanaa kutya omolwashike Kapia ini ikutha natango miilonga, ihe okwa koleke kutya Kapia oku li ompinge netokolo lyoPolitburo.Kapia okwa li a kuthwa iinakugwanithwa ayihe yi na sha nOpaati yoSwapo omanga taku ningwa omakonakono kombinga yekutho mbinga lye moshinima shekano lyoshimaliwa shoomiliyuna omilongo ndatu (N$30 million) ndhoka dha kanene mu Avid Investments okuza ku Social Security Commission (SSC).Ongundu ndjika yoPolitburo oya thimaka mOmupresidende gwongundu, omupevipresidende gwongundu, Amushanga-Ndjayi nomupeha gwe nosho wo iilyo yilwe yi li 17.Ongundu ndjika oyi na oonkondo okutidha omuntu kehe moSwapo kakele kOmupresidende, Omupevipresidende, Amushanga-Ndjayi nomupeha gwe.Tjiriange okwa hokolola ngeyi kutya okwa shangela Kapia palombwelo lyongundu ndjika yoSwapo nokwa tegelela wo okupewa elombwelo ekwawo nenge tutye onkatu ndjoka e na okukatuka.”Etokolo kali li miikaha yandje.Opaati otayi wilikwa kaaleli yayo, na oyo nee ye na okugandja elombwelo kutya oshike shi na okuningwa po komeho.Itandi vulu okugandja ethaneko lya sha mu shika molwashoka itashi ti sha okuninga ngaaka,” Tjiriange ta popi.Ekotampango lyoSwapo otali popi ngeyi kutya Opolitburo oyi na okutsakanena lumwe momwedhi, ashike Tjiriange okwa popi kutya otayi vulu okutsakanena olwindji tashi vulika nokuli shi ningwe lutatu moshiwike.Kapia ngoka i ikutha miilonga ongOminista yIilonga, Iiyenditho nOmakwatathano sha etwa komapulapulo mOmpangu yOpombanda mekano lyoshimaliwa sha SSC, oha yi owala kiilonga mOmutumba gwOpashigwana ngaashi shito.