Kapia oku li mOparliamende natango

MOSHINIMA shoka kwa talika kutya oshihaluthi, Amushanga gwEwawa lyAagundjuka Paulus Kapia ngoka a kuthwa iinakugwanithwa ayihe yi na sha noSwapo pakathimbo okwi zaleke onyati nokuya kOmutumba gwOpashigwana sho gwa tameke iilonga omutenya gwEtiyali.

Okwa li ta kupopiwa kutya otashi vulika Kapia a tidhwe moSwapo konima sho Swapo a ningi omapopyo kutya okwa hala Kapia a thige po oshipundi she mOparliamende. Ngashiingeyi osha fa shi li ngeyi kutya Kapia okwa tindi etokolo ndika lyoSwapo.Okwa li a kudnwa nawa kiilyo iikwawo yOparliamende, nokwa li ti inyenge okuza pu gulwe okuya pomukwawo nokupapatelathana.Iiwike iyali ya zi ko Kapia okwa li a kuthwa oshipundi she kewiliko lyopombanda lyongundu tayi pangele.Pethimbo ndyoka Amushanga-Ndjayi gwoSwapo Ngarikutuke Tjiriange okwa li a lombwele iikundaneki kutya Kapia ita ka kala mOparliamende sho tayi ka tameka iilonga notaya ningi omalongekidho ge li nawa opo Kapia a thige po oshipundi she mOmutumba nguka gwOpashigwana.Tjiriange okwa li wo a tseyitha kutya Kapia okwa kuthwa iinakugwanithwa ayihe yi na sha noSwapo omanga taku ningwa omakonakono kombinga yekuthombinga lye moshinima shekano lyoshimaliwa shoomiliyuna omilongo ndatu (N$30 million) dha SSC-Avid Investments.Ngele nani iilyo yOparliamende oya li ya haluka okumona Kapia oyeshi ningi pamukalo gwomonanguwi.Kapia ngoka a thiki pOparliamende ku na ethimbo lya gwana okwa, mono ompito okupopithathana nayakwawo ngaashi: Ominista yIikwankondo Erkki Nghimtina, Ominista yOpevi yEgameno Gabriel Shihepo, Omu-peviminista gwIikwameni Theopolina Mushelenga nosho wo Ominista yOpevi yOmapangelo gOpaitopolwa nOmagumbo Kazenambo Kazenambo.Okwa li a fa a kumwa kutya omolwashike iikundaneki ya li ya hala okupopya naye nokumuthaneka.Konima yomutumba ngoka gwa kwata owala ominute inadhi thika petata lyowili, Kapia okwa kala na antaanta nokupopitha iilyo yilwe yOparliamende.Okwa lombwele iikundaneki ta ti: “Ngame ondi li owala oshilyo shOparliamende.Omolwashike kehe gumwe e na ohokwe mu ngame?” Kapia okwa tindi okugandja okomenda ye kombin ga ye tokolo lye okugalukila kOparliamende.Konima sho Egumbo ndika lyOparliamende lya zimbulwa, Tjiriange, Omuprima Nahas Angula, Oshokoto yoSwapo mEgumbo ndika, tate Ben Amadhila nOmunashipundi gwOparliamende Theo-Ben Gurirab oya thigala mo taya kundathana konyala uule konyala wominute omilongo ndatu.Sho a holoka mOparliamende ngeyi Tjiriange ngoka a li a fa a kumwa kiikundaneki sho tayi pula, okwa popi ta ti: “Oku li oshilyo shOparliamende.”Kepulo kutya omolwashike Kapia a galukila mOparliamende konima sho Opolitburo ya tseyitha kutya ina kale we noshipundi mOparliamende, Tjiriange ka li ta vulu okuyamukula kepulo ndyoka.Okwa popi owala ta ti: “Tegelela owala iinima otayi ka ningwa notamu keyi mona,” osho owala a li ta vulu okupopya ngaaka.Tjiriange ina vula wo okupopya ngele Kapia ota ka galukila mOmutumba gwOparliamende sho tagu ka tameka iilonga mEtiyali lyoshiwike tashi ya.Swapo okwa li a popi kutya ngele Kapia iti ikutha mOparliamende, shoka Swapo e na okuninga okutula etokolo lye miilonga oku mu tidha mo mongundu.Pethimbo lyomapulapulo moshinima shoka taku popiwa kutya oshopaulingilingi mepungolo lyoshimaliwa sha SSC-Avid Investments shoka sha li mOmpangu yOpombanda, Kapia okwa li i ikutha miilonga ong’Omupeviminista mUuministeli wIilonga nOmakwatathano.Otaku popiwa kutya shika okwe shi ningi konima sho a lombwelwa aniwa kongundu kutya otaka tidhwa ngele iti ikutha mo mwene.Konima owala yoshiwike shimwe, Tjiriange okwa tseyitha kutya Kapia okwa kuthwa iinakugwanithwa ayihe yi na sha nongundu yoSwapo.Etokolo ndika olya li lya ningwa konima sho kwa tumbulwa kutya Kapia okwa kutha ombinga meindilo lyoshimaliwa shoomiliyuna omilongo ndatu dha SSC ndhoka dha pewa Avid Investments Corporation okampani moka Kapia a li omuwiliki.Kapia okwa li a popi kutya okwa taambako etokolo ndyoka.Ngele Kapia ini ikutha mOparliamende, e ta tokola okukala ina holoka mOmutumba nguka uule womasiku omulongo pwaa na etompelo, Pakotampango lya Namibia, ota kanitha oshipundi she mOmutumba nguka.Ohela, iilyo yOparliamende oya tameke oshigongi oshitiyali shokweendithwa po okuza sho Oparliamende ya totwa mu Maalitsa nuumvo.Oparliamende otayi ka tameka owala iilonga yawo oshiwike tashi ya.Metiyali, Oparliamende oya li ya kwatelwa komeho kiilyo yompilameno mbyoka ya li yi ilongekidha okupula Oominista dhimwe omapulo.Nora Schimming-Chase okwa li a hala uuyelele kombinga yEpangelo ndyoka lya nukile pomuyenta kombinga yeuvaneko lya lyo okunawapeka oondjambi nomauwanawa galwe gaalongisikola.Henk Mudge okwa li a hala okutseya sha kombinga yekuthoko lyofaalama ya Ongombo West.Omuwiliki gwoDTA Katuutire Kaura okwa tula poshitaafula iiyetwapo ngaashi; okwa hala kuningwe oonkundathana kombinnga yelongo moshilongo, onkalo moondoolopa moka omeya ga shunithwa pevi nokwa popi ishewe kutya oshikwiila shaakokele nashi gwedhelwe shi ye pOondola/N$500.Kala Gertze gwoCoD okwa tula poshitaafula oshikundathanwa she kombinga iifuta nenge tutye iishoshela yOombaanga mbyoka a popi kutya oya londa unene pombanda notayi hepitha oshigwana.Ngashiingeyi osha fa shi li ngeyi kutya Kapia okwa tindi etokolo ndika lyoSwapo.Okwa li a kudnwa nawa kiilyo iikwawo yOparliamende, nokwa li ti inyenge okuza pu gulwe okuya pomukwawo nokupapatelathana.Iiwike iyali ya zi ko Kapia okwa li a kuthwa oshipundi she kewiliko lyopombanda lyongundu tayi pangele.Pethimbo ndyoka Amushanga-Ndjayi gwoSwapo Ngarikutuke Tjiriange okwa li a lombwele iikundaneki kutya Kapia ita ka kala mOparliamende sho tayi ka tameka iilonga notaya ningi omalongekidho ge li nawa opo Kapia a thige po oshipundi she mOmutumba nguka gwOpashigwana.Tjiriange okwa li wo a tseyitha kutya Kapia okwa kuthwa iinakugwanithwa ayihe yi na sha noSwapo omanga taku ningwa omakonakono kombinga yekuthombinga lye moshinima shekano lyoshimaliwa shoomiliyuna omilongo ndatu (N$30 million) dha SSC-Avid Investments.Ngele nani iilyo yOparliamende oya li ya haluka okumona Kapia oyeshi ningi pamukalo gwomonanguwi.Kapia ngoka a thiki pOparliamende ku na ethimbo lya gwana okwa, mono ompito okupopithathana nayakwawo ngaashi: Ominista yIikwankondo Erkki Nghimtina, Ominista yOpevi yEgameno Gabriel Shihepo, Omu-peviminista gwIikwameni Theopolina Mushelenga nosho wo Ominista yOpevi yOmapangelo gOpaitopolwa nOmagumbo Kazenambo Kazenambo.Okwa li a fa a kumwa kutya omolwashike iikundaneki ya li ya hala okupopya naye nokumuthaneka.Konima yomutumba ngoka gwa kwata owala ominute inadhi thika petata lyowili, Kapia okwa kala na antaanta nokupopitha iilyo yilwe yOparliamende.Okwa lombwele iikundaneki ta ti: “Ngame ondi li owala oshilyo shOparliamende.Omolwashike kehe gumwe e na ohokwe mu ngame?” Kapia okwa tindi okugandja okomenda ye kombin ga ye tokolo lye okugalukila kOparliamende.Konima sho Egumbo ndika lyOparliamende lya zimbulwa, Tjiriange, Omuprima Nahas Angula, Oshokoto yoSwapo mEgumbo ndika, tate Ben Amadhila nOmunashipundi gwOparliamende Theo-Ben Gurirab oya thigala mo taya kundathana konyala uule konyala wominute omilongo ndatu.Sho a holoka mOparliamende ngeyi Tjiriange ngoka a li a fa a kumwa kiikundaneki sho tayi pula, okwa popi ta ti: “Oku li oshilyo shOparliamende.”Kepulo kutya omolwashike Kapia a galukila mOparliamende konima sho Opolitburo ya tseyitha kutya ina kale we noshipundi mOparliamende, Tjiriange ka li ta vulu okuyamukula kepulo ndyoka.Okwa popi owala ta ti: “Tegelela owala iinima otayi ka ningwa notamu keyi mona,” osho owala a li ta vulu okupopya ngaaka.Tjiriange ina vula wo okupopya ngele Kapia ota ka galukila mOmutumba gwOparliamende sho tagu ka tameka iilonga mEtiyali lyoshiwike tashi ya.Swapo okwa li a popi kutya ngele Kapia iti ikutha mOparliamende, shoka Swapo e na okuninga okutula etokolo lye miilonga oku mu tidha mo mongundu.Pethimbo lyomapulapulo moshinima shoka taku popiwa kutya oshopaulingilingi mepungolo lyoshimaliwa sha SSC-Avid Investments shoka sha li mOmpangu yOpombanda, Kapia okwa li i ikutha miilonga ong’Omupeviminista mUuministeli wIilonga nOmakwatathano.Otaku popiwa kutya shika okwe shi ningi konima sho a lombwelwa aniwa kongundu kutya otaka tidhwa ngele iti ikutha mo mwene.Konim
a owala yoshiwike shimwe, Tjiriange okwa tseyitha kutya Kapia okwa kuthwa iinakugwanithwa ayihe yi na sha nongundu yoSwapo.Etokolo ndika olya li lya ningwa konima sho kwa tumbulwa kutya Kapia okwa kutha ombinga meindilo lyoshimaliwa shoomiliyuna omilongo ndatu dha SSC ndhoka dha pewa Avid Investments Corporation okampani moka Kapia a li omuwiliki.Kapia okwa li a popi kutya okwa taambako etokolo ndyoka.Ngele Kapia ini ikutha mOparliamende, e ta tokola okukala ina holoka mOmutumba nguka uule womasiku omulongo pwaa na etompelo, Pakotampango lya Namibia, ota kanitha oshipundi she mOmutumba nguka.Ohela, iilyo yOparliamende oya tameke oshigongi oshitiyali shokweendithwa po okuza sho Oparliamende ya totwa mu Maalitsa nuumvo.Oparliamende otayi ka tameka owala iilonga yawo oshiwike tashi ya.Metiyali, Oparliamende oya li ya kwatelwa komeho kiilyo yompilameno mbyoka ya li yi ilongekidha okupula Oominista dhimwe omapulo.Nora Schimming-Chase okwa li a hala uuyelele kombinga yEpangelo ndyoka lya nukile pomuyenta kombinga yeuvaneko lya lyo okunawapeka oondjambi nomauwanawa galwe gaalongisikola.Henk Mudge okwa li a hala okutseya sha kombinga yekuthoko lyofaalama ya Ongombo West.Omuwiliki gwoDTA Katuutire Kaura okwa tula poshitaafula iiyetwapo ngaashi; okwa hala kuningwe oonkundathana kombinnga yelongo moshilongo, onkalo moondoolopa moka omeya ga shunithwa pevi nokwa popi ishewe kutya oshikwiila shaakokele nashi gwedhelwe shi ye pOondola/N$500.Kala Gertze gwoCoD okwa tula poshitaafula oshikundathanwa she kombinga iifuta nenge tutye iishoshela yOombaanga mbyoka a popi kutya oya londa unene pombanda notayi hepitha oshigwana.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.