Ovakalimo vomOtjiwarongo Omaandaxa ova ti kutya otava ningi ehololomadilaadilo lopambili li li ominge nokomisi yomahoololo yaNamibia eshi vati ya kuta ovanhu ve na nale oilonga yepangelo ovo va kufe ombinga momahoololo oo tee ya mafiku aa oitopolwahoololo nomalelo eedoolopa.
Ovakalimo ovo va nyemata oshinima eshi ove shi popya Omaandaxa poprima fikola yedina Ombili, oko omadeulo oshivike okomisi yomahoololo yaNamibia taa ningilwa.
Ova ti vati etata lovanambelewa vokomisi yomahoololo ovo tava mono omadeulo ohava longo keenhele ngaashi Orwetoveni Primary School, oshitaashi shopolifi shaTjiwarongo, metanga leameno nomoomuni waTjiwarongo.
“Omu na omuwapaleki wokoMotor Vehicle Accident (MVA) Fund Otjiwarongo, omutonateli womikanda nomambo koUniversity of Namibia kOvenduka nomunambelewa waTelecom,” ovakalimo osho va ti ngaho.
Ongudu yovanhu ve dulife po 50 oya ti kai na oilonga nova hala ovo va pewe eemhito edi dokomisi yomahoololo, tava ti kutya eshiivifo lokomisi yomahoololo ole shi yeleka nawa kutya oilonga okwa li ya nuninwa ovanhu ovo ihava longo.
Omunambelewa wokomisi yomahoololo kOtjiwarongo Charlotte Jantze, oo ta ningi omadeulo, okwa ti okondalaka yokuyandja oilonga yokomisi yomahoololo yaNamibia inai pitika ovanailonga vayo va kale vali ve na oilonga imwe.
“Onda shiivifa yoo vali ongula yonena kutya keshe omunhu ta mono omadeulo aa e na oilonga pamwe pelili na dje mo moshaala. Oupyakadi ou li momaindilo, oo kwa li a ningwa komalungula, osho sha ninga shidjuu kufye opo tu koleke ngee ovafeekelwa ove na nale oilonga pamwe pelili,” Jantze osho a ti ngaho.
Ashike nee, ovanambelewa vakula vavali kombelewa yaTelecom mOtjiwarongo, ovanambelewa vavali vamuni waTjiwarongo nOrwetoveni Primary School ova koleka kutya ovanhu ovo va tumbulwa kongudu yovanhu oyo ya nyemata ovanailonga vavo shili nove li momafudo paife.
Omuwiliki woMVA Fund kOtjiwarongo Monica Snewe okwa ti omunailonga womukainhu oo ta popiwa omuwapaleki kombelewa yaye ashike okwa kutwa kehangano lopaumwene lokuwapaleka olo la findana po otendela yokuwapaleka.
Mwene wehangano ledina Erastus Kuume Investment CC, olo la pewa oilonga kuMVA Fund li wapeleke kOtjiwarongo, Erastus Kuume, meenghundafana dopangodi okwa ti omunailonga okwa kundafana oshikumungu eshi naye ndee ta pitike a kufe oilonga yokomisi yomahoololo youle womafiku ashona.
Omunambelewa womahoololo moshitopolwahoololo shaTjozondjupa Victoria Amutenya Omaandaxa okwa ti kutya ota ka konakona oshikumungu eshi ndee ta kufa mo keshe omunhu e na nale oilonga momusholondodo wokomisi yomahoololo.
Omupopiliko wokomisi yomahoololo yaNamibia De Wet Siluka, momapulaapulo opangodi omutenya Omaandaxa, okwa ti ngee oumbangi owa yandjwa kuye, okomisi yomahoololo otai ka kufa mo omadina ovanhu ava momusholondodo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
