Kandjeke ta ka tseyithila Pohamba iizemo GIPF

OMUYALULI ndjayi okwiilongekidha okugandja iizemo yekonakono lyoshiketha sho GIPF shomapendulepo.

Iizemo mbika yekonakono lya ningwa kehangano lyaayaluli mambo ya BDO pehala lyombelewa yomuyaluli ndjayi olya manithwa momasiku 24 ga January nuumvo. Kandjeke okwa ti okabinete oka li ka gandja omasiku 60 opo ekonakono ndika li kale lya manithwa mbala, na BDO okwa manitha ndika muule womasiku 59. Okwa ti BDO okwa li a pewa iinima ya popiwa shuukilila mbyoka ena okukonakona nomapulo guukilila ngoka ena okupula. Okwa kwashilipaleke kutya oshilonga shoka sha longwa oshili nawa nosha longeka. Omuyaluli ndjayi okwa ti okwa indila na le opo a pewe ompito okiutsakaneka omuperesidende Hiofikepunye Pohamba oku mu tseyithila iizemo mbika. Okabinete oka li ka gandja elombwelo muKotoba omumvo gwayi konima sho ehangano lyaaniilonga lya li lya ti GIPF na konakonwe sha landula iizemo yekonakono lya ningilwe komukonakoni omuSouth Africa ngoka a tile iimaliwa mbyoka ya gandjwa kaaheheli sha pitile moshiketha shomapendulepo shedhina DCP oshinima shuudha omapuko. Konyala oomiliona 465 ndhoka dha li dha gandjwa ku DCP kaa indili oomiliona ashike 126 odho dha galuka. Na oomiliona 64 ndhoka dha li dhapewa omahangano ngoka ga katya oga mbangolota, oomiliona ashike ntano odho dha galukile moshiketha sha GIPF. Aaniilonga yomepangelo oya tilitha kutya otaya ka ninga ekanka nenge ehololo madhiladhilo oshilongo ashihe oshiwike tashiya.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.