Kaino Hainana a tsuwa nokweehamekwa noshikonde komuholike gwe

O POLISI mOshakati otayi konaakona oshipotha shi na sha nokutsuwa noshikonde noshowo okudhengwa nomamanya kwa meme Kaino Hainana gwomomukunda Onawa popepi nOngwediva nOshakati mOshitopolwa sha Shana ongulohi yOlyomakaya ngaka ga zi ko.

Komanda gwOpolisi mOshitopolwa sha Shana, Komufala gwOpevi gwOpolisi Josef Anghuwo, ngoka a koleke oshiningwanima shika koThe Namibian, okwa ti kutya oya kwata po omulumentu gwontumba shi na sha noshiningwanima shika, taku tiwa kutya aniwa ohonda ya meme Kaino Hainana nguka. Meme Rebekka Shilunga, yina ya Kaino, oshowo aamwayina Sevenseas Hainana na Alvina Hainana, otaya hokolola kutya Olyomakaya ngoka ga zi ko omulumentu gwedhina Jafet Hango, oya yile ya ka lyange yo na Kaino, omuholike gwe, kOoshakati noshowo ku Kandjengedi lwaahoka.Hango okwa fa nee a thigi aniwa Kaino pokuma momudhingoloko gwa Shakati, e ye ngeno e mu pitule po.Hango aniwa sho a zi hoka a yile, inaka pitula ko we meme Kaino, okwa yi ashike kOoKaino, hoka a adhika ku Kaino konima yethimbo sho Kaino a vulwa naiwa oku mu tegelela pokuma mpoka e mu thigile.Kaino aniwa sho a thiki megumbo, oondjuma, ndhoka dha landulwa kolugodhi, odha tameke.Mbaka ya tatu otaya hokololele nee The Namibian kutya Kaino aniwa okwa dhengwa nayi nomamanya momutse nokutsuwa nayi noshikonde mothingo.Ta hulwa iikutu ye nayimwe tayi togonyonwa po.Ta kuthwa okapendi ke nokupatelwa aniwa mondunda ye moka ta zi oombinzi nokuthigwa moka.Okanona ke kamwe kokakadhona oke mu uvu ta lili ye ta keme mondunda ye moka.Oka ngwandula po omweelo noka adha yina a lala moka ta zi ombinzi.Yamwe yomegumbo moka nayo oye ya nokufala nziya Kaino koshipangelo okupitila kOpolisi.Omusamane Anghuwo ota ti kutya oshinima shika otashi konaakonwa kOpolisi nomulumentu ta popiwa moshinima shika taku tiwa kutya oye tate Hango okwa kwatwa po nale shi na sha noshinima shika.Ta patanekelwa oshipotha shi na sha nedhengo neehameko lyomuntu.Ano lya Kaino nguka.Meme Rebekka Shilunga, yina ya Kaino, oshowo aamwayina Sevenseas Hainana na Alvina Hainana, otaya hokolola kutya Olyomakaya ngoka ga zi ko omulumentu gwedhina Jafet Hango, oya yile ya ka lyange yo na Kaino, omuholike gwe, kOoshakati noshowo ku Kandjengedi lwaahoka.Hango okwa fa nee a thigi aniwa Kaino pokuma momudhingoloko gwa Shakati, e ye ngeno e mu pitule po.Hango aniwa sho a zi hoka a yile, inaka pitula ko we meme Kaino, okwa yi ashike kOoKaino, hoka a adhika ku Kaino konima yethimbo sho Kaino a vulwa naiwa oku mu tegelela pokuma mpoka e mu thigile.Kaino aniwa sho a thiki megumbo, oondjuma, ndhoka dha landulwa kolugodhi, odha tameke.Mbaka ya tatu otaya hokololele nee The Namibian kutya Kaino aniwa okwa dhengwa nayi nomamanya momutse nokutsuwa nayi noshikonde mothingo.Ta hulwa iikutu ye nayimwe tayi togonyonwa po.Ta kuthwa okapendi ke nokupatelwa aniwa mondunda ye moka ta zi oombinzi nokuthigwa moka.Okanona ke kamwe kokakadhona oke mu uvu ta lili ye ta keme mondunda ye moka.Oka ngwandula po omweelo noka adha yina a lala moka ta zi ombinzi.Yamwe yomegumbo moka nayo oye ya nokufala nziya Kaino koshipangelo okupitila kOpolisi.Omusamane Anghuwo ota ti kutya oshinima shika otashi konaakonwa kOpolisi nomulumentu ta popiwa moshinima shika taku tiwa kutya oye tate Hango okwa kwatwa po nale shi na sha noshinima shika.Ta patanekelwa oshipotha shi na sha nedhengo neehameko lyomuntu.Ano lya Kaino nguka.