Kafula a hogolululwa poshipundi shuumeya woshilandopangelo

OKWA kundanekwa oomuni yaali ya hogolola oomeya yawo, Agnes Kafula okwa kundanwa a pewa oshikako oshitiyali poshipundi shuumeya woshilandopangelo omanga Ndangi Linekela a hogolululwa wo natango poshipundi shuumeya wondoloopa yaShomeya.

Kafula okwa hogolululwa mOmaandaha goshiwike tuu shika kokakomitiye hoka ke na sha nomahogololo naashika osha ningwa pawiliko lyamangestrata Kosmos Endjala. Omupevimeya gwe Muesee Kazapua ngoka oshikako she sha tamekele momumvo 2012 nokakomitiye kewiliko alihe ka tholomwa po kuMoses Shiikwa, Mwadhina Veico, Elaine Trepper, Fransina Kahungu naJohn Moonde nayo oya hogolululwa piipundi yawo Ehogolululo lyaShetekela okwa kundanekwa wo lya ningilwe pawiliko lyamangestrata David Munsu gwomOshomeya moka naShetekela okwa kundanekwa e li wo omunashipundi gwewiliko lyondoloopa ndjoka.

Kaansela Pieter Anthon van der Smit oye omupevi gwaShetekela noye wo ta kala omupevinashipundi gwewiliko lyondoloopa ndjoka. Ewiliko nee lyondoloopa ndjoka olya tholomwa po nee kuVeueza Christophine Kasiringa, Rosa Marietjie Eises, Mathew Hangula, Moses Shingo naListon Gei-Khoebeb.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.