Jacobina Sebron a fumvikwa pOshikulufitu mOmbalantu

O MUKADHONA omugundjuka gwomomukunda Omatelekelo mOmbalantu mOshitopolwa sha Musati Jacobina Tulinanye Naapopye Sebron ngoka a dhipagelwa molukanda lwa Havana mOvenduka ongulohi yOmaandaha geti 15 Oktoba 2007, okwa fumvikwa pOshikulufitu mOmbalantu okuzilila mOngeleka ya Shikulufitu moka mOlyomakaya geti 20 Oktoba 2007 kengathithi lyaalilasa.

Nakusa Jacobina, okwa li ha longele pObaa yedhina Kenny Bar mOvenduka. Opolisi ya Venduka oya kwata po omulumentu gwedhina Michael Malenga Homateni (25) gwomomukunda Omafaanaule mOmbalantu mOshitopolwa sha Musati shi na sha nedhipago lya Jacobina.Michael nguka, a kala nee kOvenduka pethimbo ndika, otaku tiwa kutya okwa li omumati gwa nakusa Jacobina.Omahokololo ngoka ge ya tango otaga ti kutya omufekelwa nguka Michael okwa dhipaga Jacobina, sho e mu pondo noongodhi dhoongaku.Sha ningwa ngeno ongulohi yEtiyali lya zi ko.E shi ningila ngeno aniwa pehala limwe pondje yegumbo lyawo, miihwa moka.Okuza mpoka Michael okwa shuna kegumbo lyawo nashi sha kala tashi mu nyenyetele, okwa yi kOpolisi ye mwene nokukalopota kutya okwa dhipaga omukadhona gwe.Opolisi oya yi naye sigo oompoka, a ti kutya opo a dhipagela Jacobina, na opo ya adha omudhimba gwa Jacobina mpoka.Michael okwa kwatwa po kOpolisi nokupatululilwa oshipotha shedhipago.Okwa holoka mOmpangu ya Mangestrata mOvenduka moka meti 17 Oktoba 2007 noshipotha shoka shedhipago.Ina pulwa manga a tye sha noshipotha she oshuundulilwa keti 17 Maalitsa 2008 omolu omakonaakono.Ka li a pewa manga uuthemba wokwiifutila mo, ashike okwa lombwelwa kutya ota vulu okukonga Hahende e mu popile.Pethimbo lyefumviko lye pOshikulufitu mpoka, aakwanezimo oya yelitha kutya oya pewa uuyelele wu li nawa, wu vulithe pwaamboka wa pewa Opolisi mOvenduka Aakwanezimo taya ti kutya ongulohi lela yeti 15 Oktoba 2007 lwopomulongo gwuusiku (Omaandaha), Michael okwe ya poKenny Bar mpoka.Kenny Bar oha pata pomulongo guusiku mpoka, na Michael na Jacobina oya yi kegumbo kOhavana nokuya mondunda yawo.Mondunda moka, aakwanezimo otaya ti kutya omo e mu pondele ongulohi tuu ndjoka.Omumati ngoka ha zi megumbo lyawo moka, aniwa ota hokolola kutya sho ye ya mo uusiku mboka okwe ya mona.Ashike nee sho ta pulwa shoka sha ningwa po okuza mpoka, ita popi we sha.Ota ti ashike ina uva taya umana na ina uva okolokoto yasha.Uuyelele wumwe aakwanezimo taya ti, ou li ngeyi kutya aakalimo yopOhavana mpoka, otaya hokolola kutya uusiku owo tuu mboka lwopomulongonambali gwuusiku, oya mona okatuukala okatokele taka zi lwopegumbo lyOoMichael mpoka ka uka pomulamba mpoka pwa adhika omudhimba gwa Jacobina.Mokatuukala moka omwa zi aalumentu yane ya humbata omuntu a zala iikutu ngashi mbyoka ya adhika ya zalwa ku nakusa Jacobina.Omuntu ngoka a humbatwa kuyo okwa fa a mangwa noongodhi komagulu nokomaako noye mu umbile momulamba.Aakwanezimo otaya ti kutya opu na aniwa yamwe yomwaamboka ye shi mona sho tashi ningwa, ya kutha ko onomola yokahauto hoka kokatuukala.Aakwanezimo otaya ti kutya oya li taya pula ya pewe onomola ndjoka ashike inaye yi pewa aniwa.Aakwanezimo mbaka otaya indile nee nesinameno enene kaakalimo yomomudhingoloko aguhe gwa Venduka, opo kehe ngoka wu na uuyelele wa gwedhwa po shi na sha neso lya Jacobina, wu dhengele koongodhi tadhi landula.0812482305 (Demetria Aifete), 0812292199 (Penna Sebron) nenge ko 0813511836 (Kristofina Aipinge)Opolisi ya Venduka oya kwata po omulumentu gwedhina Michael Malenga Homateni (25) gwomomukunda Omafaanaule mOmbalantu mOshitopolwa sha Musati shi na sha nedhipago lya Jacobina.Michael nguka, a kala nee kOvenduka pethimbo ndika, otaku tiwa kutya okwa li omumati gwa nakusa Jacobina.Omahokololo ngoka ge ya tango otaga ti kutya omufekelwa nguka Michael okwa dhipaga Jacobina, sho e mu pondo noongodhi dhoongaku.Sha ningwa ngeno ongulohi yEtiyali lya zi ko.E shi ningila ngeno aniwa pehala limwe pondje yegumbo lyawo, miihwa moka.Okuza mpoka Michael okwa shuna kegumbo lyawo nashi sha kala tashi mu nyenyetele, okwa yi kOpolisi ye mwene nokukalopota kutya okwa dhipaga omukadhona gwe.Opolisi oya yi naye sigo oompoka, a ti kutya opo a dhipagela Jacobina, na opo ya adha omudhimba gwa Jacobina mpoka.Michael okwa kwatwa po kOpolisi nokupatululilwa oshipotha shedhipago.Okwa holoka mOmpangu ya Mangestrata mOvenduka moka meti 17 Oktoba 2007 noshipotha shoka shedhipago.Ina pulwa manga a tye sha noshipotha she oshuundulilwa keti 17 Maalitsa 2008 omolu omakonaakono.Ka li a pewa manga uuthemba wokwiifutila mo, ashike okwa lombwelwa kutya ota vulu okukonga Hahende e mu popile.Pethimbo lyefumviko lye pOshikulufitu mpoka, aakwanezimo oya yelitha kutya oya pewa uuyelele wu li nawa, wu vulithe pwaamboka wa pewa Opolisi mOvenduka Aakwanezimo taya ti kutya ongulohi lela yeti 15 Oktoba 2007 lwopomulongo gwuusiku (Omaandaha), Michael okwe ya poKenny Bar mpoka.Kenny Bar oha pata pomulongo guusiku mpoka, na Michael na Jacobina oya yi kegumbo kOhavana nokuya mondunda yawo.Mondunda moka, aakwanezimo otaya ti kutya omo e mu pondele ongulohi tuu ndjoka.Omumati ngoka ha zi megumbo lyawo moka, aniwa ota hokolola kutya sho ye ya mo uusiku mboka okwe ya mona.Ashike nee sho ta pulwa shoka sha ningwa po okuza mpoka, ita popi we sha.Ota ti ashike ina uva taya umana na ina uva okolokoto yasha.Uuyelele wumwe aakwanezimo taya ti, ou li ngeyi kutya aakalimo yopOhavana mpoka, otaya hokolola kutya uusiku owo tuu mboka lwopomulongonambali gwuusiku, oya mona okatuukala okatokele taka zi lwopegumbo lyOoMichael mpoka ka uka pomulamba mpoka pwa adhika omudhimba gwa Jacobina.Mokatuukala moka omwa zi aalumentu yane ya humbata omuntu a zala iikutu ngashi mbyoka ya adhika ya zalwa ku nakusa Jacobina.Omuntu ngoka a humbatwa kuyo okwa fa a mangwa noongodhi komagulu nokomaako noye mu umbile momulamba.Aakwanezimo otaya ti kutya opu na aniwa yamwe yomwaamboka ye shi mona sho tashi ningwa, ya kutha ko onomola yokahauto hoka kokatuukala.Aakwanezimo otaya ti kutya oya li taya pula ya pewe onomola ndjoka ashike inaye yi pewa aniwa.Aakwanezimo mbaka otaya indile nee nesinameno enene kaakalimo yomomudhingoloko aguhe gwa Venduka, opo kehe ngoka wu na uuyelele wa gwedhwa po shi na sha neso lya Jacobina, wu dhengele koongodhi tadhi landula.0812482305 (Demetria Aifete), 0812292199 (Penna Sebron) nenge ko 0813511836 (Kristofina Aipinge)

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.