India a mona Omupresidende gwomukiintu

N EW DELHI – Pratibha Patil, ngoka a sindana momahogololo gOpaupresidende mu India omasiku ngaka, oye Omupresidende gwomukiintu gwotango pandjokonona yoshilongo shoka.

Patil ngoka e li Omunaveta paithano – okwa dhenge mo Omupevipresidende gwa India Bhairon Singh Shekhawat nomawi ogendji mOlyomakaya ga zi ko. Iilongo naayambidhidhi yongundu ya Patil oya li ya kundukidha Egumbo lye mu New Delhi mOsoondaha.Oyendji oya li ya humbata oongala, dhokutyapula esindano lya Patil.Konima sho iizemo yomahogololo ya tseyithwa mOlyomakaya, aayambidhidhi ya Patil oya li ya tameke okundaanisa momapaanda.”Onda nyanyukilwa aahogololi yandje …Onda nyanyukilwa AaIndia, aakiintu naalumentu,” Patil, ngoka ta yi koshipundi pambelewa ngula momasiku 25 ga Juli ta popi ngaaka.Aatseyinawa miikwapolitika naayambidhidhi ya Patil oya popi kutya esindano lye olya simana noonkondo kaakiintu moshilongo shika, moka aakiintu oomiliyuna ye li haya thindilwa kongudhi noye li moluhepo olunene.”Muule woomvula 60 dhemanguluko lyetu, shika oshikando shotango tu na Omupresidende omukiintu na onda nyanyukilwa ookuume ketu naayehe mboka ye mu hogolola,” Omupresidende omunankondo gwOpaati ndjoka tayi pangele ngashiingeyi mu India, Sonia Gandhi osho a popi ngaaka.Opaati yUukomunisi ndjoka yi na wo uukuume naandjoka tayi pangele yo Congress Party, nayo oya tsu kumwe naye, tayi gwedha po kutya, esindano lya Patil otali ka kutha po omaitaalo ngoka ge li po kutya elugo olyo ashike ehala lyomukiintu.Patil, ngoka a valelwa moshitopolwa sha Maharashtra, okwa sindana nomawi goopelesenda 66, Omunambelewa gwomahogololo PDT Achary osho a popi popi ngaaka.Nampa-AFPIilongo naayambidhidhi yongundu ya Patil oya li ya kundukidha Egumbo lye mu New Delhi mOsoondaha.Oyendji oya li ya humbata oongala, dhokutyapula esindano lya Patil.Konima sho iizemo yomahogololo ya tseyithwa mOlyomakaya, aayambidhidhi ya Patil oya li ya tameke okundaanisa momapaanda.”Onda nyanyukilwa aahogololi yandje …Onda nyanyukilwa AaIndia, aakiintu naalumentu,” Patil, ngoka ta yi koshipundi pambelewa ngula momasiku 25 ga Juli ta popi ngaaka.Aatseyinawa miikwapolitika naayambidhidhi ya Patil oya popi kutya esindano lye olya simana noonkondo kaakiintu moshilongo shika, moka aakiintu oomiliyuna ye li haya thindilwa kongudhi noye li moluhepo olunene.”Muule woomvula 60 dhemanguluko lyetu, shika oshikando shotango tu na Omupresidende omukiintu na onda nyanyukilwa ookuume ketu naayehe mboka ye mu hogolola,” Omupresidende omunankondo gwOpaati ndjoka tayi pangele ngashiingeyi mu India, Sonia Gandhi osho a popi ngaaka.Opaati yUukomunisi ndjoka yi na wo uukuume naandjoka tayi pangele yo Congress Party, nayo oya tsu kumwe naye, tayi gwedha po kutya, esindano lya Patil otali ka kutha po omaitaalo ngoka ge li po kutya elugo olyo ashike ehala lyomukiintu.Patil, ngoka a valelwa moshitopolwa sha Maharashtra, okwa sindana nomawi goopelesenda 66, Omunambelewa gwomahogololo PDT Achary osho a popi popi ngaaka.Nampa-AFP