Inatu ulika omuntu-Amukwiyu

OMUWILIKI gwo Swapo mOshikoto Armas Amukwiyu okweekelehi omapopyo kutya oshitopolwa she oshuulika Jerry Ekandjo onga oye ta ka thikama monkatu yuuPresidente pokongresa ya Swapo ta yi ya mu Novomba.

Opwa kala omapopyo kutya Oshikoto oshuulika Ekandjo oye a ka kondjithe omuPresidente Hage Geingob pokongresa ndjoka.

Ashike, Amukwiyu okwa lombwele The Namibian mEtiyali kutya oshitopolwa she inashi ulika nenge shi koleke Ekandjo onga ngoka ta ka kondjitha Geingob moshigongi sha Novomba.”Kapwali omauliko ga ningwa,” osho ati.Oto koleke shike? Opwali omauliko ngono ga pumbwa ekoleko lyetu?”

Amukwiyu okwa gwedhapo kutya ongundumutima oha yi ulike aaleli yane yopombanda,yo iitopolwa ta yi ya koleke nduno.” Ihatu landula iinima yatya ngaaka.Aantu oyena oku tegelela sigo ewiliko lyongundu tali tisha kombinga yomauliko nomakoleko kombinga yomahala ngoka gelipo,”Amukwiyu ta ti.

Amukwiyu okuulike wo omalimbililo ge kombinga yewawa lyaagundjuka, lyaakokele oshowo iitopolwa yilwe mbyoka ya popya nale puuyelele kutya ota yi koleke Geingob oye owala a thikame onga omuPresidente gwongundu.

Ekandjo ohela okuukitha omapulo ku amushanga gwuuyelele mo Swapo Helmut Angula,ngoka ali ati kutya keshisha nado kombinga yomakoleko ta ga popiwa.”Aaye kandishisha nando. Olopota twamono okuza kongundu yali ya tumwa koshitopolwa inayi popyasha kombinga yomauliko nenge omaziminino,” Angula ta ti.Okwa popi kutya Ekandjo okuna okuulikwa koshitayi sha yalulwa opo ongundu yi taambeko euliko lye.

Moshito, ongundu ohayuulike mboka ya hala oku thikama pomahala ngoka gane omanankondo oomwedhi ndatu manga okongesa inaayi thika, opo aantu mboka ya tameke nomahwahwameko, yo ya mone wo kutya otaya ka thikama noolye.

Iitopolwa yimwe ngaashi Khomas,Otjozondjupa,Kavango-east na Zambezi oya popya nale kutya oya gandja nale eziminino lyayo opo Geingob a thikame oye awike.Ewawa lyaanyasha,ewawa lyoomeme osho lyaakokele mo Swapo ayehe wo otaya ti kutya ota ya yambidhidha Geingob.Angula, nando ongaaka okwa popi kutya uuyelele kutya oolye ta ya ka thikama pomahala ngoka omanankondo gane, ota wu kazamo owala uuna iitayi ayihe niitopolwa ya mana nomailongekidho gawo.

Okwa popi kutya oolopota adhike okuza kiitayi niitopolwa yongundu odhi na tango oku talwa no ku dhindwa kolaata yopokati, omanag inaapu ulikwa ando aathikami.Okwa popi kutya ekotampango lyongundu halyo lyo taliti kutya aantu mboka ta ya thikama pomahala gane omanankondo nayuulikwe oomwedhi manga okongressa ina yi ningwa.

“Kashina mpoka sha nyolwa mekotampango lyongundu.Ongundumutima oyina oku tsakanena omanga o kongress ina yiningwa,na oyina owala oku tsakanena uuna iitopolwa ayihe ya mana iinyangadhalwa yawo,” tabti ngaaka.” Olopota yewawa lyaanyasha nayo opo owala yiilemo, omanga ndhoka dhokOmaheke oshowo Kavango west natango dhili inaadhithika,”tati ngaaka.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.