Inamu maashinga: Opolisi tayi londodha ngaaka

O ngundu yoonakulwa aakulu mboka ya pulanda oku maashinga oshiwike tashi ya oya pewa elondodho enene.

Inspekta-Ndjayi gwOpolisi Leitenanda-Ndjayi Sebastian Ndeitunga okwa londodha ngeyi kutya Omupolisi kehe ta ka adhika ta maashinga mokati kongundu ndjoka, ota ka taalela oshilanduli shi vule oonkondo dhe. Ongundu ndjika oya pulanda oku maashinga momasiku 4 Juni nuumvo, ano oshiwike tashi ya.Momushangwa ngoka a tumu kaakuluntu ayehe yiikondo mOpolisi ya Namibia, Leitenanda-Ndjayi Sebastian Ndeitunga okwa popi kutya Omupolisi kehe ta ka adhika ta maashinga, ota ka ningilwa oshipotha shokwaa na omaihumbato, kutya nee okwa ninga eindilo lyefudho mesiku ndyoka nenge aawe.”Omapopyo gamwe inaga kolekwa otaga ti kutya yamwe yomiilyo yopolisi oye na edhiladhilo okukutha ombinga mekanka ndika,” omushangwa tagu popi ngaaka.Ndeitunga okwa ti kutya oshinima shika itashi ningwa pakatendo okati 15 koveta yi na sha nomaihumbato gOpolisi.Ta gandja uuyelele kombinga yoshinima shika, Omugandjimulombo gwOpolisi Inspekta Angula Amulungu okwa popi ta ti Aapolisi inaya pumbwa okugama ombinga ethimbo kehe.”Omanga owala ye li iilyo yOpolisi ya Namibia, kaye na okugama ombinga.Ndika olyo etompelo molwashoka katu na ehangano,” Amulungu ta popi.Oshinima shika osha gayitha aalongekidhi yomaashinga ndjika mboka wo ye li iilyo yokomitiye yoonakulwa aakulu Alex Kamwi na Mateus Nangolo mboka ya li ye wete kutya otaya ka kamona aayambidhidhi yoonakulwa aakulu mboka ngashiingeyi ya kutwa mEtanga lyOpolisi nosho wo mEtanga lyoNDF.”Oshinima shika oshi li eyonagulo lyuuthemba womuntu.Omuntu kehe okwa pewa uuthemba wokuya mefudho, noku na uuthemba wokuninga kehe shoka a hala pethimbo ndyoka e li mefudho.Okuninga shila Inspekta-Ndjayi ta popi kutya efudho lya kuthwa po, kapu na esiku limwe a gandje elombwelo li li ngaaka,” Kamwi ta limbwele ngeyi The Namibian.Ongundu ndjika oya pulanda oku maashinga momasiku 4 Juni nuumvo, ano oshiwike tashi ya.Momushangwa ngoka a tumu kaakuluntu ayehe yiikondo mOpolisi ya Namibia, Leitenanda-Ndjayi Sebastian Ndeitunga okwa popi kutya Omupolisi kehe ta ka adhika ta maashinga, ota ka ningilwa oshipotha shokwaa na omaihumbato, kutya nee okwa ninga eindilo lyefudho mesiku ndyoka nenge aawe.”Omapopyo gamwe inaga kolekwa otaga ti kutya yamwe yomiilyo yopolisi oye na edhiladhilo okukutha ombinga mekanka ndika,” omushangwa tagu popi ngaaka.Ndeitunga okwa ti kutya oshinima shika itashi ningwa pakatendo okati 15 koveta yi na sha nomaihumbato gOpolisi.Ta gandja uuyelele kombinga yoshinima shika, Omugandjimulombo gwOpolisi Inspekta Angula Amulungu okwa popi ta ti Aapolisi inaya pumbwa okugama ombinga ethimbo kehe.”Omanga owala ye li iilyo yOpolisi ya Namibia, kaye na okugama ombinga.Ndika olyo etompelo molwashoka katu na ehangano,” Amulungu ta popi.Oshinima shika osha gayitha aalongekidhi yomaashinga ndjika mboka wo ye li iilyo yokomitiye yoonakulwa aakulu Alex Kamwi na Mateus Nangolo mboka ya li ye wete kutya otaya ka kamona aayambidhidhi yoonakulwa aakulu mboka ngashiingeyi ya kutwa mEtanga lyOpolisi nosho wo mEtanga lyoNDF.”Oshinima shika oshi li eyonagulo lyuuthemba womuntu.Omuntu kehe okwa pewa uuthemba wokuya mefudho, noku na uuthemba wokuninga kehe shoka a hala pethimbo ndyoka e li mefudho.Okuninga shila Inspekta-Ndjayi ta popi kutya efudho lya kuthwa po, kapu na esiku limwe a gandje elombwelo li li ngaaka,” Kamwi ta limbwele ngeyi The Namibian.