K
ANSELA mewiliko lyoHenties Bay na okwa li wo nale meya gwoshilando shoka, Paulus Imbamba okwa pewa egeelo lyokufuta oodola omayovi gaali. Imbamba okwa pewa egeelo ndika konima yokumonika ondjo mokuponokela Meya gwoshilando shoka nomutse gwotelephona mombelewa ya Meya kuyele nuumvo.
Eponokelo ndyoka olya ningilwe kuyele nuumvo mombelewa ya Gisela Cramer, sho Imbamba a li a indile meya opo a gandje epitikilo komuhingili gwelelo, opo emu fale kegumbo a ka lye omwiha.Meya aniwa okwa li a lombwele Imbamba opo a ithane omunambelewa gwomondjila naashika aniwa osha geeke Imbamba ngoka ulike meya nomunwe gwe omanga te mu popitha mOshiwambo, na okwe mudhenge noshitopolwa shoka hashi yamukulithwa uuna omuntu to popi mongodhi. Omutamaneki okwa li a indile opo Imbamba a geelwe nokufuta oodola eyovi, ndele mengestrata okwa ti omuponokelwa omuntu a simana moshigwana na ishewe omukiintu omukokele,onkene shika osha thiminike ohofa yi gandje egeelo li vule pwaashoka sha thanekwa. Okwa gandja egeelo lyoodola omayovi gaali nenge oomwedhi hamano mondholongo.Okwa ti ohofa oya tala onkalo ya Imbamba yiiyemo yoodola 1 300 konima sho mwa kuthwa iikuthwamo yilwe, ye ishewe oha yambidhidha aakwathelwa 12.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
