Iitendelele iinene pOmhedi meti 4 sigo ometi 5 Aguste

TATE Hadino Hishongwa, ngoka e li gumwe gwomaagandjimayele yOmukwaniilwa gwUukwanyama meekulu Martha Mwadinomho yaKristian yaNelumbu, mEtitano lya zi ko okwa tseyitha pOmungwelume kutya meti 4 sigo 5 Aguste 2006, pOmbala yOhamba yUukwanyama pOmhedi otapu ka kala oshiithanene oshinenene shOsumina yokutungitha Ombelewa yOhamba yAukwanyama mOmbala ye pOmhedi mpoka.

Tate Hishongwa ngoka a li a ende pamwe nOhamba yUukwanyama meekulu Mwadinomho sho ya li ye ya okutalela po oshigwana shayo pOmungwelume mpoka , okwa ti kutya nonando Ombala yAukwanyama ya thikamekwa po omvula dha zi ko, opu na natango yindji yi na okutungwa mo, mwa kwatelwa unenenene Ombelewa yOmukwaniilwa. Omusamane Hishongwa ta ti nee kutya omolu ompumbwe ndjoka yOmbelewa ya pumbwa okukandulwa po meendelelo, oomeme yAakwanyama oya tokola okukutha ko oshinakugwanithwa shoka shokutungitha po Ombelewa yOhamba ndjoka meendelelo ngashi tashi vulika.Oomeme mbaka oya kutha nee tate Hishongwa oye a kale omukomeho gwawo, kahewa kawo mOprojeka yokutungitha Ombelewa yOhamba.Momasiku ngoka ga Aguste, ano meti 4 sigo eti 5 Auguste 2006, oomeme mbaka oya longekidha nee esiku ndjoka li ka kale esiku enene lyoomeme pOmhedi mpoka lyokugongela oshimaliwa shokutungitha Ombelewa ndjoka.Oomeme mbaka otaya hiyi nee oomeme ayehe yAakwanyama ye ye nookahewa kawo, kutya nee Aakwanyama nenge kaye shi Aakwanyama noshowo ootate ayehe moshilongo ashihe, unene tuu mUukwanyama, opo yee yi iyambidhidhe mOsumina ndjoka, ku monike oshimaliwa shokutungitha Ombelewa yOhamba mOmbala mOmhedi moka.”Ileni , ileni yakwetu, tu ye tu iyambidhidheni.Kehe gumwe, kutya nee owa za mOshitopolwa shAukwanyama nenge opondje yasho, ileni tu yambidhathaneni, “tate Hishongwa ta ti noku indila ngawo a mana mo.Omusamane Hishongwa ta ti nee kutya omolu ompumbwe ndjoka yOmbelewa ya pumbwa okukandulwa po meendelelo, oomeme yAakwanyama oya tokola okukutha ko oshinakugwanithwa shoka shokutungitha po Ombelewa yOhamba ndjoka meendelelo ngashi tashi vulika.Oomeme mbaka oya kutha nee tate Hishongwa oye a kale omukomeho gwawo, kahewa kawo mOprojeka yokutungitha Ombelewa yOhamba.Momasiku ngoka ga Aguste, ano meti 4 sigo eti 5 Auguste 2006, oomeme mbaka oya longekidha nee esiku ndjoka li ka kale esiku enene lyoomeme pOmhedi mpoka lyokugongela oshimaliwa shokutungitha Ombelewa ndjoka.Oomeme mbaka otaya hiyi nee oomeme ayehe yAakwanyama ye ye nookahewa kawo, kutya nee Aakwanyama nenge kaye shi Aakwanyama noshowo ootate ayehe moshilongo ashihe, unene tuu mUukwanyama, opo yee yi iyambidhidhe mOsumina ndjoka, ku monike oshimaliwa shokutungitha Ombelewa yOhamba mOmbala mOmhedi moka.”Ileni , ileni yakwetu, tu ye tu iyambidhidheni.Kehe gumwe, kutya nee owa za mOshitopolwa shAukwanyama nenge opondje yasho, ileni tu yambidhathaneni, “tate Hishongwa ta ti noku indila ngawo a mana mo.