Iikunino yiiyamakuti nayi kwatwe nawa

poNAMUTONI I IKUNINO yiiyamakuti yopashigwana ngashi shoka sha Etosha National Park, oyi na okukwatwa nawa na omauwanwa ngoka haga zi mo okupitila momatalelopo oge na okupewa Aanamibia ayehe.

Shika osha popiwa kOmupresidende Hifikepunye Pohamba pethimbo a li ta egulula pambelewa oshituthi shokutyapula oomvula ethele dhOshikunino shiiyamakuti sha Etosha pOnamutuni mEtitano lya zi ko. Poshituthi osho tuu shika, Omupresidende Pohamba okwa li wo a egulula pambelewa omahala gokulala gaatalelipo ga opalekululwa gatatu, gOkampani ya Namibia Wildlife Resorts (agehe ge li mEtosha).Pohamba okwa ti Epangelo olya kutha ko oongaku mokutula oshimaliwa miinima yi na sha nomatalelopo, mwa kwatelwa wo iikunino yiiyamakuti opo yi ete oshindji meliko lyoshilongo.Ta ti, oshikondo shOmatalelopo oshi na oonkondo okuninga oindjina yehumithokomeho lyoshilongo na iikunino yiiyamakuti, otayi vulu okweeta po oshindji mu shika.”Ohayi eta oshimaliwa okupitila miifuta yokuya mo nokuza miikwamatalelopo,” Pohamba ta popi ngaaka.Pethimbo ndika, oshikondo shomatalelopo ohashi eta meliko lyoshilonga oshimaliwa shOondola Oobiliona mbali (lwaampoka) komumvo kehe.Iitopolwa ayihe ya Namibia omulongo niiyali oya li ya kalelwapo poshituthi shika.Aanenentu yalwe mboka ya li poshituthi shika oyo ngaashi Omuprimaminista Nahas Angula, Omupeviprimimanista Libertina Amathila nOmukwaniilwa gwa Ndonga Immanuel Elifas.Ndilimani Cultural Troupe, Jackson Kaujeua, Elemotho na Bullet ya Kaoko, oya li ya kuthile ko aayenda noomusika dhawo.Poshituthi osho tuu shika, Omupresidende Pohamba okwa li wo a egulula pambelewa omahala gokulala gaatalelipo ga opalekululwa gatatu, gOkampani ya Namibia Wildlife Resorts (agehe ge li mEtosha).Pohamba okwa ti Epangelo olya kutha ko oongaku mokutula oshimaliwa miinima yi na sha nomatalelopo, mwa kwatelwa wo iikunino yiiyamakuti opo yi ete oshindji meliko lyoshilongo.Ta ti, oshikondo shOmatalelopo oshi na oonkondo okuninga oindjina yehumithokomeho lyoshilongo na iikunino yiiyamakuti, otayi vulu okweeta po oshindji mu shika.”Ohayi eta oshimaliwa okupitila miifuta yokuya mo nokuza miikwamatalelopo,” Pohamba ta popi ngaaka.Pethimbo ndika, oshikondo shomatalelopo ohashi eta meliko lyoshilonga oshimaliwa shOondola Oobiliona mbali (lwaampoka) komumvo kehe.Iitopolwa ayihe ya Namibia omulongo niiyali oya li ya kalelwapo poshituthi shika.Aanenentu yalwe mboka ya li poshituthi shika oyo ngaashi Omuprimaminista Nahas Angula, Omupeviprimimanista Libertina Amathila nOmukwaniilwa gwa Ndonga Immanuel Elifas.Ndilimani Cultural Troupe, Jackson Kaujeua, Elemotho na Bullet ya Kaoko, oya li ya kuthile ko aayenda noomusika dhawo.