Iikolokosha mu NUNW ya ya kOmpangu

E HANGANO lyomahangano gaaniilonga mu Namibia nenge tutye National Union of Namibian Workers (NUNW) olye shi pondola okumona omukanda gwOmpangu gu li ompinge na Amushanga-Ndjayi gwalyo gwopakathimbo ngoka ya kutha miilonga, Peter Naholo.

Omukanda nguka otagu indike Naholo kaa lyate nando ompadhi ye pomatungo ga NUNW. NUNW ota popi kutya Naholo okwa holoka uuhahu nokwa ningila nokuli aaniilonga yehangano omatilitho gokuya dhenga.Naholo okwa koleke ko The Namibian kutya okwa pewa omukanda ngoka mOlyomakaya nota ningi ekwatathano naanaveta ye opo ya kondjithe ehangano ndika mOmpangu sho lye mu tidha miilonga shaa li paveta.Elombvwelo ndika lyOmpangu olya ningwa konima sho NUNW a ndopa okukeelela nenge tutye okutidha mo Naholo momatungo ge mEtitano lya zi ko.Metitano moka Naholo okwa gana nokuuvaneka kutya ota tameka iilonga ye mombelewa mOmaandaha, ihe manga aatoolinkundana nosho wo aantu yalwe mboka ya li ye na ohokwe oku mu mona miilonga ya li ya tegela pomatungo ga NUNW, Naholo ina lyata nando ompadhi ye pomatungo mpoka esiku ndyoka.”Opwa ningwa iinima iipe mehuliloshiwike, noya mono omukanda gwOmpangu gu li ompinge nangame,” Naholo ta lombwele ngaaka The Namibian okuzila kegumbo lye sho a pulwa opo andola agandje okomenda ye.Omupresidende gwOpevi gwa NUNW Alpheua Muheua okwa popi meembapila ndhoka ya gandja kOmpangu yOpombanda kutya Naholo okwa kwata onyati nokwa holola uuhahu sho a ningi omapopyo mEtitano lya zi ko kutya ota dhenge aaniilonga ya NUNW.Ta ti mEtitano moka aaniilonga oya li ya kumwa noonkondo sho Naholo e ya mombelewa ya NUNW ta pula kutya na pewe ooshapi dhe nohauto ye yopambelewa.Okwa popi wo aniwa kutya na yalulwe kutya oye Amushanga-Ndjayi gwa NUNW.Okwa li pamwe naantu ye li 20 lwaampoka mboka yamwe yomuyo ya li taya monika ya fa ye na oombistoli,” Muheua ta lombwele ngaaka Ompangu okupitila maanaveta yehangano.Muheua okwa ti Naholo okwa longitha omaliko ga NUNW okulongekidha oshigongi shiikundaneki nokulongitha wo oombapila ndhoka dhi na omutse gwehangano, ihe sho a pulwa kombinga yo maihumbato ge okwa geye unene nokwa ningile nokuli aaniilonga omatilitho ta ti oteya dhenga.Muheua okwa gandja elombwelo ku Amushanga gwopevi gwa NUNW Evalistus Kaaronda opo a ningile Naholo oshipotha, sho aanambelewa yaali yOpolisi ye ya mpoka, Naholo naantu ye oya tindi okuthiga po omatungo ga NUNW.Muheua ta ti kutya oya kumwa kiilonga ya Naholo ngoka e shi nawa oveta yaaniilonga ihe okwa hala oku kondjitha etidho lye mOmpangu.Okwa fa a li a zimina etidho ndika sho a gandja ooshapi dhombelewa nohauto yiilonga mu Desemba gwa zi ko.Muheua okwa ti kutya okugalukila kwa Naholo mombalewa mOmaandaha kwa li ku na okwiikwatitha aantu komalutu.”Onkalo otashi vulika yi ze mo mokondolola naantu yaana ondjo otashi vulika ya ehamekwe nenge ya kanithe nokuli oomwenyo dhawo,” Muheua ta popi ngaaka opaumbangi mboka a gandja mOmpangu.Ta ti NUNW ke na we ompito yilwe yaashi yokukonga omukanda kOmpangu opo ku yandwe okwiikwata komaluntu nenge etiko lyombinzi ngele Naholo okwa galukile kombelewa.Ta ti NUNW oku na uuthemba womaliko ge, ngoka ta popi kutya oga li muupyakadhi, noku na wo uuthemba wokugamena omaliko ngoka.Elombwelo lyOmpangu otali popi kutya; Naholo na kale kokule nomatungo ga NUNW, ini idhopa miilonga ya NUNW na ishewe ina longa nando osha pehala lyehangano.Pethimbo ta popitha iikundaneki mEtitano lya zi ko, Naholo okwa popi ta ti; “omalayi” ngoka ge na omalandulathano guutondwe netopoko oga kutha ndje mombelewa og’Amushanga-Ndjayi omanga nda li mefudho lya Desemba, ihe oshilangela shawo inashi pondola sha molwashoka oya li okangundu kaafele taka longithwa komuntu gwontumba ngoka e ka li konima.”Oshinima shika osha tameke sho ongundu yaawiliki yamwe yomahangano ga NUNW ya ningi omushangwa tagu yambidhidha Omupresidende Omukulu gwa Namibia Sam Nujoma moshinima shesiku lyotango lya Apilili 1989.Oya li ya popi kutya oshinima shokuyambidhidha Nujoma osha tokolwa kewiliko lyehangano, ihe Naholo okwe ya shangele ombapila moka a holola okwaa uvanawa kwe kombinga yoshinima shika.Okwa popi kutya omushangwa ngoka gwa pitithwa ku yakwawo inagu ziminwa, na yemwene nosho wo Omupresidende gwehangano Risto Kapenda inaye shi tseya.Omushangwa tagu popi kutya etsokumwe lyaawiliki ayehe yehangano lya NUNW, omushangwa ogwa yambidhidha Nujoma sho ti ipatana kutya ita vulu okupewa ombedhi medhipago lyaakwiita yoSwapo omathele mboka ya dhipagelwe mesiku lyotango lya Apilili 1989.Pethimbo ndyoka Nujoma oye a li komanda gwomatanga gokakulumbwati koSwapo pethimbo taya ulukile epangelo lyokatongo nOmatanga galyo komutse gwondjamba.Konima owala yomushangwa gwa Naholo, Muheua na yakwawo oya gongala nokutidha Naholo miilonga.Muheua okwa dhika oonyala mevi kutya oya landula omilandu dhili nawa nosho wo ekotampango lya NUNW mokutidha Naholo, na kapu na we sha shokukundathanwa.Okwaauvathana kwaawiliki mu NUNW otaku holola kutya aawiliki mboka otaya kondjele oonkatu dhewiliko.NUNW ehangano lyomahangano gaaniilonga mu Namibia lyiimanga kumwe noSwapo.NUNW ota popi kutya Naholo okwa holoka uuhahu nokwa ningila nokuli aaniilonga yehangano omatilitho gokuya dhenga.Naholo okwa koleke ko The Namibian kutya okwa pewa omukanda ngoka mOlyomakaya nota ningi ekwatathano naanaveta ye opo ya kondjithe ehangano ndika mOmpangu sho lye mu tidha miilonga shaa li paveta.Elombvwelo ndika lyOmpangu olya ningwa konima sho NUNW a ndopa okukeelela nenge tutye okutidha mo Naholo momatungo ge mEtitano lya zi ko.Metitano moka Naholo okwa gana nokuuvaneka kutya ota tameka iilonga ye mombelewa mOmaandaha, ihe manga aatoolinkundana nosho wo aantu yalwe mboka ya li ye na ohokwe oku mu mona miilonga ya li ya tegela pomatungo ga NUNW, Naholo ina lyata nando ompadhi ye pomatungo mpoka esiku ndyoka.”Opwa ningwa iinima iipe mehuliloshiwike, noya mono omukanda gwOmpangu gu li ompinge nangame,” Naholo ta lombwele ngaaka The Namibian okuzila kegumbo lye sho a pulwa opo andola agandje okomenda ye.Omupresidende gwOpevi gwa NUNW Alpheua Muheua okwa popi meembapila ndhoka ya gandja kOmpangu yOpombanda kutya Naholo okwa kwata onyati nokwa holola uuhahu sho a ningi omapopyo mEtitano lya zi ko kutya ota dhenge aaniilonga ya NUNW.Ta ti mEtitano moka aaniilonga oya li ya kumwa noonkondo sho Naholo e ya mombelewa ya NUNW ta pula kutya na pewe ooshapi dhe nohauto ye yopambelewa.Okwa popi wo aniwa kutya na yalulwe kutya oye Amushanga-Ndjayi gwa NUNW.Okwa li pamwe naantu ye li 20 lwaampoka mboka yamwe yomuyo ya li taya monika ya fa ye na oombistoli,” Muheua ta lombwele ngaaka Ompangu okupitila maanaveta yehangano.Muheua okwa ti Naholo okwa longitha omaliko ga NUNW okulongekidha oshigongi shiikundaneki nokulongitha wo oombapila ndhoka dhi na omutse gwehangano, ihe sho a pulwa kombinga yo maihumbato ge okwa geye unene nokwa ningile nokuli aaniilonga omatilitho ta ti oteya dhenga.Muheua okwa gandja elombwelo ku Amushanga gwopevi gwa NUNW Evalistus Kaaronda opo a ningile Naholo oshipotha, sho aanambelewa yaali yOpolisi ye ya mpoka, Naholo naantu ye oya tindi okuthiga po omatungo ga NUNW.Muheua ta ti kutya oya kumwa kiilonga ya Naholo ngoka e shi nawa oveta yaaniilonga ihe okwa hala oku kondjitha etidho lye mOmpangu.Okwa fa a li a zimina etidho ndika sho a gandja ooshapi dhombelewa nohauto yiilonga mu Desemba gwa zi ko.Muheua okwa ti kutya okugalukila kwa Naholo mombalewa mOmaandaha kwa li ku na okwiikwatitha aantu komalutu.”Onkalo otashi vulika yi ze mo mokondolola naantu yaana ondjo otashi vulika ya ehamekwe nenge ya kanithe nokuli oomwenyo dhawo,” Muheua ta popi ngaaka opaumbangi mboka a gandja mOmpangu.Ta ti NUNW ke na we ompito yilwe yaashi yokukonga omukanda kOmpangu opo ku yandwe okwiikwata komaluntu nenge etiko lyombinzi ngele Naholo okwa galukile kombelewa.Ta ti NUNW oku na uuthemba womaliko ge, ngoka ta popi kutya oga li muupyakadhi, noku na wo uuthemba wokugamena omaliko ngoka.Elombwelo lyOmpangu otali popi kutya; Naholo na kale kokule nomatungo ga NUNW, ini idhopa miilonga ya NUNW na ishewe ina longa nando osha pehala lyehangano.Pethimbo ta popitha iikundaneki mEtitano lya zi ko, Naholo okwa popi ta ti; “omalayi” ngoka ge na omalandulathano guutondwe netopoko oga kutha ndje mombelewa og’Amushanga-Ndjayi omanga nda li mefudho lya Desemba, ihe oshilangela shawo inashi pondola sha molwashoka oya li okangundu kaafele taka longithwa komuntu gwontumba ngoka e ka li konima.”Oshinima shika osha tameke sho ongundu yaawiliki yamwe yomahangano ga NUNW ya ningi omushangwa tagu yambidhidha Omupresidende Omukulu gwa Namibia Sam Nujoma moshinima shesiku lyotango lya Apilili 1989.Oya li ya popi kutya oshinima shokuyambidhidha Nujoma osha tokolwa kewiliko lyehangano, ihe Naholo okwe ya shangele ombapila moka a holola okwaa uvanawa kwe kombinga yoshinima shika.Okwa popi kutya omushangwa ngoka gwa pitithwa ku yakwawo inagu ziminwa, na yemwene nosho wo Omupresidende gwehangano Risto Kapenda inaye shi tseya.Omushangwa tagu popi kutya etsokumwe lyaawiliki ayehe yehangano lya NUNW, omushangwa ogwa yambidhidha Nujoma sho ti ipatana kutya ita vulu okupewa ombedhi medhipago lyaakwiita yoSwapo omathele mboka ya dhipagelwe mesiku lyotango lya Apilili 1989.Pethimbo ndyoka Nujoma oye a li komanda gwomatanga gokakulumbwati koSwapo pethimbo taya ulukile epangelo lyokatongo nOmatanga galyo komutse gwondjamba.Konima owala yomushangwa gwa Naholo, Muheua na yakwawo oya gongala nokutidha Naholo miilonga.Muheua okwa dhika oonyala mevi kutya oya landula omilandu dhili nawa nosho wo ekotampango lya NUNW mokutidha Naholo, na kapu na we sha shokukundathanwa.Okwaauvathana kwaawiliki mu NUNW otaku holola kutya aawiliki mboka otaya kondjele oonkatu dhewiliko.NUNW ehangano lyomahangano gaaniilonga mu Namibia lyiimanga kumwe noSwapo.