Oshitunda nonghedi oshilongo nomukalo washo. Alushe konima youvalelo ope na oxungi manga ovanhu inava ka endeka ouluvi.
Ovawambo ova kala nale nokuta eengano konguloshi pomalupale.
Ovanhu vahapu kave shii naana efimano leengano ashike ngeenge otwe shi i moule, ohatu mono kutya eengano odo kamana kandongo.
Efimano leengano oleli kutya, ohadi kuku eendunge domunhu kutya oha diladila shi fike peni. Paudindoli welaka la xuma, eengano otadi wile mounamambo wopakanya.
Eengano odi li meengudu mbali nonande tu na omaludi e li atatu eeengano.
Eengudu mbali odedi kutya otu na eengano dooNehova nekishi osho yo eengano deenhambulamo.
Onhambulamo oyo ongano ashike hai tewa ndele tai yandjelwa enyamukulo lofaafa.
Ohaku ti ne “Tambulei mo” vo oonakupewa mo tava ti, “Eta.” Hop, Kashi u kasha ti shaka olududi longuwo.
Eenhambulamo odi li pamaludi atatu. Pe na eyeletumbulongano, onyapingano nolyalyakanekingano. Eyeletumbulongano ongano i li payele noha i nyamukulwa payeletumbulo.
Hop, Ehangu lile la eta oudila mepya oluvanda lakula la eta oita meumbo, Ka kola ke ku lye Ka xunga ke ku lumate.
Onyapingano ongano oyo i na omanyamukulo e dulife pulimwe. Hop, oilonga idjuu kombala oyokuyuva ondjaba nokambi, okunyaneka oufila kombada yomeva, okutoma ongobe nongwiya.
Olyalyakanekingano, ongano oyo tai lyalyakaneke omunhu.
Ei oidjuu kashona sho osho ngeenge ya pulwa omunhu oha pewa ouyelele wopetameko manga a tungile ko.
Hop, onda li nashimwe, shimwe tashi li mbali, mbali ta li nhatu, okudja opo onda yasha eshi nda mona nonda lya inashi dalwa.
Eshi osha hala kutya opa li omulumenhu a lekelwa a ye moukongo ndele nakudala okwa tila a ka file mo mofuka.
Onghee okwe mu pa oshikuvila sha tulwa oudiyo. Molweeendo omukongo okwa li a loloka, ko kokandoongi nokwa kofela pefina lomuti ndele okandongi taka li po omungome.
Okaandongi oke u lifeta taka lika po keedila mbali nado tadi fi. Omukongo eedila okwe di tumba po ndele ta i nado a twikile ondjila. Mondjila okwa shakeneka mo ovakwaita vatatu ndele tave mu nyeke eedila daye.
Ovakwaita ava navo konima yefimbo ova fya eshi va lya eedila. Okudja opo omukongo ka li e wete eshi ta li. Onghee okwa umba moshiyadi ndele tamu u ei nokwe li lya po.
Kakele nee keenhambula mo otu na ne edi dooNehova nekishi.
Eengano edi dooNehova nekishi odi li paprosa omahokololo ooKakoona
kaNaholo, ooHenyembe nooShimbungu naKavandje odo nado eengano.
Wonale okwa tile ihatu te eengano inatu tumbula omakishi.
– Kosmas Nghisheenapo Ndinomholo oku li omuhongifikola poMwadinomho Combined School mOshitukulwahoololo shaHangwena. Oha hongo omalaka Oshikwanyama nOshiingilisa. Ota monika koemaila christiancosmos94105@gmail.com
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
