IBIS a gandja N$100 000 kOongudhi dha mboka taya lumnbu noHIV

E HANGANO lya tseyika nawa IBIS, lya tamekele tali tungu Oosikola moNooli nolya kala tali kwathele wo Aalumbi nOmbuto yo HIV-AIDS, omasiku ga zi ko olya gandja omagano gondola/N$100,000 kOongundu dhOonakulumba nOmbuto yo HIV-AIDS.

Ongundu yimwe yOonakulumba nOmbuto yo HIV-AIDS yomOshikandjohogololo sha Ngenga mOshitopolwa sha Hangwena yedhina Pawa Support Group–Ongenga mOshitopolwa sha Hangwena nayo yimwe yomOongundu ndhoka dha pewa oshimaliwa okuza momwaalu ngoka. Kehe ongundu oya pelwe N$4 000 lwaampoka.Omuunganeni gwa Opawa Sapoota Grupa, meme Paulina Imbili gwopOmungwelume mOshitopolwa tuu shoka sha Hangwena, ota ti oshimaliwa shawo shoka ya pewa oya landa iitungitho nokutunga etungo lyawo mOndoolopa ya Mungwelume, moka ya dhilaadhila ya kale haya dhungile mo nokulandithila mo Oshikundu shawo nosho wo iihape, iikwamboga, iiyimati, oomboloto , iikuki yawo noshow tuu.Meme Imbili ota ti kutya oshimaliwa ashihe oye shi landa po iitungitho mbika noye li nee ngashiingeyi mompumbwe onene yokulanda iinima yilwe yOproyeka yawo ngashi, omausila gokudhungitha iikundu, oombuto dhiikwamboga niihape yilwe.Ta ti wo kutya ehala lyoshikunino shawo ndjoka ya li nalyo oye li kuthwa ishewe kumwene noye li taya pula aasihenda ye ya kwathele ehala momudhingoloko, unene tuu mOmungwelume, ya tameke mo oshikunino shawo shokukuna iikwamboga niihape nosho wo omiti dhiiyimati opo ya landithe, yi imonene mo iiyemo, oshoka oshimaliwa shoka ya pewa ku IBIS oye shi pewa ye shi longithe mOoproyeka dhawo yi imonene mo iiyemo yawo yokwiilandela iikulya yawo yokolela, mbyoka tayi ya koleke, unene tuu pethimbo ndyoka taya nu omiti dhawo dhokulepeka onkalamwenyo yawo.Kehe ongundu oya pelwe N$4 000 lwaampoka.Omuunganeni gwa Opawa Sapoota Grupa, meme Paulina Imbili gwopOmungwelume mOshitopolwa tuu shoka sha Hangwena, ota ti oshimaliwa shawo shoka ya pewa oya landa iitungitho nokutunga etungo lyawo mOndoolopa ya Mungwelume, moka ya dhilaadhila ya kale haya dhungile mo nokulandithila mo Oshikundu shawo nosho wo iihape, iikwamboga, iiyimati, oomboloto , iikuki yawo noshow tuu.Meme Imbili ota ti kutya oshimaliwa ashihe oye shi landa po iitungitho mbika noye li nee ngashiingeyi mompumbwe onene yokulanda iinima yilwe yOproyeka yawo ngashi, omausila gokudhungitha iikundu, oombuto dhiikwamboga niihape yilwe.Ta ti wo kutya ehala lyoshikunino shawo ndjoka ya li nalyo oye li kuthwa ishewe kumwene noye li taya pula aasihenda ye ya kwathele ehala momudhingoloko, unene tuu mOmungwelume, ya tameke mo oshikunino shawo shokukuna iikwamboga niihape nosho wo omiti dhiiyimati opo ya landithe, yi imonene mo iiyemo, oshoka oshimaliwa shoka ya pewa ku IBIS oye shi pewa ye shi longithe mOoproyeka dhawo yi imonene mo iiyemo yawo yokwiilandela iikulya yawo yokolela, mbyoka tayi ya koleke, unene tuu pethimbo ndyoka taya nu omiti dhawo dhokulepeka onkalamwenyo yawo.