OMUDHENGINGONYO omuNamibia, Paulus ‘The Hitman’ Moses oku li ti ilongekidhile nawa olugodhi lwe muKotoba, ndhoka odha popiwa komudheuli gwe, Nestor Tobias.
Omudheuli gwoongonyo Tobias okwa ti okwa mona kutya ‘Hitman’ okwi ilongekidhila nawa olugodhi sho taya ka kondjela epaya lyo-WBO international lightweight nomudhengingonyo omukwashigwana gwaBrazil gwedhina Josenilson Dos Santos.
Olugodhi ndoka otalu ka kala ko momasiku 4 Kotoba nuumvo poKatutura Independence Arena mOvenduka. Omudheuli gwoongonyo Tobias okwa ti ‘Hitman’ okwa lundulula lela nokwiilongekidha nawa shaashi ngashingeyi ohe endelele okudhenga nokwa kindja lela.
Tobias okwa ti ngashingeyi ote mu dhimbulutha nee sho a sindanene epaya lyuuyuni koJapan.
Tobias okwa ti Paulus ‘The Hitman’ Moses okwa tamekele uudhano woongonyo momumvo 2000 na oye gwotango a li e ta mo moshiputudhilo she shoongongo sho-MTC Sunshine.
‘Hitman’ okwa sindana omapaya ngaashi lyo-WBA Pan African, lyo-WBA international, epaya lyuuyuni lyo-WBO international nangashingeyi oku na epaya lyo-WBO International.
Okwa kala inaa dhengwa uule woomvula dhi li omulongo omanga nee a li inaaka dhengwa komudhengingonyo gwaVenezuela. Miguel Acosta momumvo 2010.
Omudheuli gwoongonyo, Nestor Tobias okwa ti ‘The Hitman’ ngashingeyi mokudhenga oongonyo omutiyali muuyuni nolugodhi ndoka ti ilongekidhile olwa simana noonkondo.
Omudhengingonyo ‘Hitman’ okwa ti okwa hala okusindana epaya lyuuyuni nokwa ti otaka kondja lela ke na nee kutya ngoka taka kondja naye okwa za koJapan, ko-USA nenge koBrazil.
Okwa ti okwa sindanena ngaashi koSouth Africa, koUkraine, koBotswana nokoZambia nokwa sindanene nokoJapan hoka a ti yaahoka kaya li ye shi kutya Namibia osha gama peni.
Esiku olyo tuu ndyoka poIndependence Arena moKatutura Movenduka otaku ka kala wo omalugodhi gaadhengingonyo yalwe ngaashi Bethuel ‘Tyson’ Ushona, Vikapita ‘Beast Master’ Meroro nayalwe wo.
Uutekete wokiipundi yaanenentu otawu kotha oodola dhaNamibia omathele gatano (N$500) omanga mboka waa shi wokiipundi yaanenentu tawu kotha ashike oodola dhaNamibia ethele limwe (N$100).
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
