Halleluya ya Muntele ya pewa okahumba koNAC

ONGUNDU yOlwiimbo yomEgongalo lyaMuntele moshitopolwa sha Shikoto ya tseyika nawa yedhina Halleluya Choir omasiku ga zi ko oya pewa omagano gokahumba okaanawa kEhangano lyedhina National Arts Council, sha ningilwa pEgongalo lyaMuntele.

Omuwiliki gwOngundulwiimbo ndjika meme Albertina Nangula Shilongo, ngoka wo oye e li omutoti po gwayo, oye a taamba ko Okahumba haka medhina lyOngundulwiimbo yawo. Iilyo yOngundulwiimbo ndjika nayo opo wo ya li poshituthi shegandjo lyomagano shika, taya pandula nokuligola. Meme Shilongo ota ti kutya oya pandula noonkondo Olutu nduka halu ungaunga nIikwaunongo mOshilongo sho lwe ya pa Okahumba haka, ya li ye kapumbwa noonkondo nokwiilonga omaimbilo gawo noshowo okukalongitha mokwiimba. Kaansela gwOshikandjohogololo sha Muntele, Sacky Nangula naye opo wo ali pegandjo lyomagano mpoka esiku ndyoka nokwa pandula pamwe nongundulwiimbo ya Halleluya Choir oNational Arts Council sho ya dhimbulukwa Ongundulwiimbo lwEgongalo lya Muntele ngeyi. Uuhumba oshinima sha simana koongundulwiimbo noshowo okukwatela komeho omalwiimbo mOmalongelokalunga noshowo mIituthi yi ili noyi ili. Onkee nee, kakele kongundulwiimbo ya Muntele, ayehe mboka taya uvu kutya oNational Arts Council oya gandja omagano gokahumba, otaya kala wo nayo ya pandula oshinima shika sha simana noonkondo.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.