Hakaye a popila etungo lyEgumbo epe lyEpangelo

NGELE opu na oshinima shi na okusitha Aanamibia ohoni, osho omukalo ngoka haya longitha okukala nAapresidende yawo.

Ndhika odha popiwa komusamane Johny Hakaye mOlaata yOpashigwana oshiwike sha zi ko, pethimbo lyoompata kombinga yoshimaliwa shoka sha pewa Ombelewa yOmupresidende mEmbo lyomulekeneno gwoshimaliwa shEpangelo shomumvo 2005/2006. Egumbo epe lyEpangelo otali tungwa pu Auasblick mOvenduka.”Egumbo ekulu lyEpangelo oli li peni?” Hakaye ta pula ngaaka.”Oshinima shoka moka Omupresidende gwa Namibia gwotango a kala uule woomvula 15, kashi shi Egumbo lyEpangelo.Shika osha li ashike olukalwa lwopambelewa lwOmuwiliki gwEpangelo lya South Afrika lyokatongotongo mu Namibia na ka sha li Egumbo lyEpangelo.Okuninga shila pu na omuntu ta vulu okuuvitha ndje ko nawa kutya Louis Pienaar okwa li Omupresidende gwa South Afrika,” Hakaye ta popi.Pienaar okwa li Omukalelipokuluntu gwa hugunina gwEpangelo lya South Afrika mu Namibia manga oshilongo ina shi manguluka.Hakaye okwa ti nonande opu na aanapolitika, aagameni yuuthemba womuntu niikundaneki yamwe ye li ompinge netungo lyEgumbo epe lyEpangelo, aantu mbaka oyo ngaa aniwa taya ka lyata mo ompadhi tango mEgumbo ndika, nonande oye li ompinge netungo lyalyo.Momulekeneno gwomumvo 2005-2006, Ombelewa yOmupresidende oya pewa mo Oondola oomiliyuna ethele nomilongo hetatu na hamano (N$186 million).Egumbo epe lyEpangelo otali tungwa pu Auasblick mOvenduka.”Egumbo ekulu lyEpangelo oli li peni?” Hakaye ta pula ngaaka.”Oshinima shoka moka Omupresidende gwa Namibia gwotango a kala uule woomvula 15, kashi shi Egumbo lyEpangelo.Shika osha li ashike olukalwa lwopambelewa lwOmuwiliki gwEpangelo lya South Afrika lyokatongotongo mu Namibia na ka sha li Egumbo lyEpangelo.Okuninga shila pu na omuntu ta vulu okuuvitha ndje ko nawa kutya Louis Pienaar okwa li Omupresidende gwa South Afrika,” Hakaye ta popi.Pienaar okwa li Omukalelipokuluntu gwa hugunina gwEpangelo lya South Afrika mu Namibia manga oshilongo ina shi manguluka.Hakaye okwa ti nonande opu na aanapolitika, aagameni yuuthemba womuntu niikundaneki yamwe ye li ompinge netungo lyEgumbo epe lyEpangelo, aantu mbaka oyo ngaa aniwa taya ka lyata mo ompadhi tango mEgumbo ndika, nonande oye li ompinge netungo lyalyo.Momulekeneno gwomumvo 2005-2006, Ombelewa yOmupresidende oya pewa mo Oondola oomiliyuna ethele nomilongo hetatu na hamano (N$186 million).